Biblia Todo Logo
Bib sou entènèt

- Piblisite -




Abdia 1:7 - BII BILA

7 À toawnin niaa o lɛŋnde niaalen coo. Vanaa niaa bɛnda-a kpede a fulanin niaa kɔɔli, mì vanaa va caaŋaa niaa-a tol niaa coo a kpaayaa. Vanaa niaa co balan o hɛngɛi pilɔɔ nin-nda co niaa yaŋɔɔlan hendullo o nɛila niaalan coo mà va dimio aa: ‹A co lɛ ɲɛ-ɲɛ bila biyɔɔ le.›

Gade chapit la Kopi




Abdia 1:7
16 Referans Kwoze  

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»


Sɔɛi fula Mɛlɛka-Nɔ-Kpaayaa-Kpow-vo o sondo a Edɔm o kɔɔ-e co hee ni aa: ‹Vɛ̀ɛ̀ vana kɔlkalu co lɛ Teman te? Mò va maa dɛnɛ sinaa vanaa kɔlkalua laasian? Bàà tambei kɔlkalu nda tambu ni?


Vanaa ndáà yeema nɔm-nda kpow a pɔɛɛn nɔm, a buulan ndɛ le nɔm te. Kani i lɔɔ nɔm maa yaamɔɔ. I tosa iɲíí a nɔm le nɔm mingio o nɛi le, kani tɛɛmbuula nɔmndan la va sɛ́lɛ́, tɛɛmbuula nɔmndan láà vɔw bɔɔ.


O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›


Sangaa toalnin nda coo mɛɛ dembe vialaa nɛi vanalanɔɔ nuaa yɛ. O co cɛlɛkpɛa nɔ kɔlkalu le nda co le. Telenndo tiiya bɛɛ le violɔɔ kala nda-o, a cɛl le keleŋaa fulaa ndu o dembe le.


I veelu vanáà yeema ya paandu-a, kɛ má hui ya. Mí vanaa-solia-lasálàà nia a vanaa nia silaa cuu vu o kobio nin, le ɲɛdiaa nuwviaa haliko mi ndáà lo yoomu.


a kɔanin a vanlaandua co vɔ o cɛi lemasaa Yuda nin-nda kpow o simlacia masaa Babilɔn-ndo, o kon mà solul nɔm condei aa: «Bàà lekɛ́ndɛi nda bii nɔm o mɛnndan nin ni, caaŋaa nɔmaa kan pɛɛn. Nɔm óò ciiyo pelon lueiyo o loolio nin, má kialun nɔm kɔɔli.»


I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!


Éé nɔm kobi nda cii hoo tɛɛmbuu-o, vɛ̀ɛ́ n tosa yɛnin? A co volɔɔla siaŋala vólotótolan vownɔnndo, mà va kelan n'sianion vownɔnndo. Vɛ ma suinun ɲɛ tiŋi ŋɛlɛngi-ŋɛlɛngio o hɔltan coo? Fondo fúú n co kɛɛmian kon ni, sɔɛi nɔmnde nɛinun sámáá nɔmnda, a yeema le yoomu nɔmndo ciiyo.


Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.


Hali caan ni yáà laalan-ndo, ó va ɲɛdiaa nuu dioo-o, ndu bɛɛ heelu bɛngoo le ya nɛiyo.


Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.


Swiv nou:

Piblisite


Piblisite