Abdia 1:5 - BII BILA

⁵ Te vuiya te kon te vanaa del vannda coo-a hinul nɔm pɛ icɔl, a cuanin ɲɛm nda tiwnin ba cuaa-on kpow, mì nɔm koma lo bala fondo. Te vanaa toosiaa mɔiyan a rɛsɛnndon-nda hin pɛ o nakɔ nɔm n'rɛsɛnndo nin, kpɔ̀nyɔ̀lan lapilɛn daama nda mɛinin ni.

Abdia 1:5 Referans Kwoze

Yeremi 49:9

Te vanaa kiandaa n'rɛsɛnnda hin pɛ o niaa lo, kpɔ̀nyɔ̀ɔ́ pilɛ bɛɛ a mɛinin te. Ɲumma vuiya hinulnin niaa-an, ɲɛ-ɲɛ nda nɔla pɛ, a tɛɛmbuunin kon.

Tɔŋ miingua 24:21

Te la kɛndu pɛ rɛsɛŋun niaan, la muungu lɛ o nakɔ kon nin le kpɔ̀nyɔ̀la lo lecoo lan kiɔndɔɔ le. Lan la bɛnda mì la lo lon le mialla, le vííya a le vanlaandua piaandaa ndaa vi-a.

Esai 17:6

Kpɔnyɔlan la lonin le kiɔndɔɔ mɛɛ vana hiiluu oliviee tumndo nuaa mì oliven koaman n'miun, n'yáá lo o yɔmndo bollen, mì n'hiɔɔlu, ŋuɛɛnu n lo o kpɔ̀nyɔ̀lan yɛ. Mɛlɛka dimi lende ni, Hala Israɛlla pɛɛn.

Sofoni 2:15

Àá! Ninive vannun a kɔlkɛndɔɔ, o vannun nila ɲulu o kɔlkɛsiaa nin. Vanaa va lenin-nda va dimio aa: ‹Naa n co naa ni! Vana-vana co maa naa le!› La tofa vɔ mɛɛ kobi kon siŋnun ciee-piɔ́mndo yɛ. La tofa vɔ mɛɛ o siŋnun bɛ̀mɛ́lta visia yɛ. Vana-vana kei pɛ ndu ikɛi, o kpinga a hùíyé hɔŋndo a á baa hiiloo.»

Misee 7:1

«Kpòkóó, má cè dɛnɛ palaa le ya sii! I siŋnun maa vana fula a tuma kiandaa kɔmnde levɔɔ, maa vana kɔɛ rɛsɛnndon nuwviaa tuma caanda cìì nin mun kiɔndɔɔ-o. Hali kpɔ̀nyɔ̀ɔ́ pilɛ ve lɛ le dioo le, hali voosun sɛnɛin ya yeema taw-von i pilɛ bɛɛ ve lɛ le.

Cɛɛŋɔnnda Yeremi lan 1:1

«Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.

Yeremi 50:23

Babilɔn va kunduva va ceendo kpede pesio-o ni. O piɔl mó kui tɛndulan vàá pilɛ. La ce dɛnɛ nɛ? Babilɔn siŋnun fonda calii hɛnan vana loo vanaa-mangalaa-isɔɔa tɛɛn. Kámáá la ce dɛnɛ!

Esai 24:13

Lende ɲɔɔ tosannin o lɛŋnden kpow coo vanaa-mangalaa-isɔɔa tɛɛn ni, vannda lonin doolɛ maa telen ndáà kiandu oliveon-ndo, maa telen nda hun rɛsɛŋun tɔ̀un lo o rɛsɛn tumndo coo-on fɛɛliaa lɔ́ɔ́ kiɔndɔɔ cuu-o-o.

Esai 14:12

Nɔm ɲɛ diandaa bɛndoo, nɔm ɲɛ-tengaa idiiyo, vɛɛ nɛ n looku yɛ fula o halataala ma del? Nɔm va vanaa-mangalaa-isɔɔa nɔlaa-o, a del má toal lɛŋ dí!

2Samiɛl 1:19

«Òó Israɛl! Yɛɛ yɔŋnun yɛ mí kuubaa cɔvaa nɔmnda sɔla piɔ́mndo? A co ihini o pembon coo lɛ́ɛ́siɛn.

Dɛnnda cɔɔmuanndan 18:10

A simnin kɔɔli-kɔɔli a siòòŋii dɛnɛ palaa ndɔɔ, mà dimi aa: «Kpòkóó! Má cè dɛnɛ dɛ́! Éé Babilɔn, nɔm kobi bɛndu kpaayaa ho! O lɛɛlɔɔ ndu pilɛ kpé bɛngu yamɛi nɔmnde kiolu ni!»

Yeremi 6:9

Mɛlɛka-Nɔ-Kpaayaa-Kpow-vo dimi aa: «Israɛlaa tɔ̀a cɔwviannin mɛɛ vana cɔwviaa rɛsɛnndon nuaa yɛ, mà cɔɔlu balan keela mɛɛ vana kiandaa n'rɛsɛnndo keela balan o lɛvon yɛ.»

Abdia 1:9

Nɔm kobio Teman yɛ, siòòŋii bɛnduei biinin kuubaa nɔmnda. O kon, vanaa co o lɛŋnde Esau len nin-nda kpede a sɔlanin piɔ́mndo o paale cɔwlen.»