Abdia 1:4 - BII BILA

⁴ Hel bɛɛ coocoo maa kovɛ, ma kɔ tangul vɛɛnnde nɔmnden o loeon tɛɛn, i co nɔm tuisi ma del lɛŋ.» Sɔɛi fula ya Mɛlɛka o sondo-e co ken ni.

Abdia 1:4 Referans Kwoze

Habakuk 2:9

Dangaa co le niaa! La co ɲɛm pilan cɔwviaa a kafalan le kɔlan cɛila niaalan tangullo nɛɛ kɛndɛ-kɛndɛa yɔŋii dɛnɛ palaa komal niaa.

Amɔs 9:2

Taa ɲaanun pɛ mà kɔ luɛi ciee-piɔ́m, ba nuu kɔ solinin nda lon pó! Taa hel pɛ o halataalaa nin di-di, i tuisinin nda cili!

Yeremi 49:16

La co vannda kpow vueinɔnndo, a co yiyanndo maa nɔm hiow vannda kpow ni. Kɛ nɔm pila daama co palanndo ni. La co icali o tɛɛngun powta kpovalan nin, mì la va o fondala feke-fekelan. Kɛ hali heelu bɛɛ calta nɔmndan mì la hiow vɛɛnnde kovɔ́ɔ̀ helɔɔ, i tuisinin nɔm mà tiiya lɛŋ dí.» Sɔɛi fula Mɛlɛka o sondo-e co ken ni.

Yeremi 51:53

Hali Babilɔnnda hel bɛɛ coocoo o halataala, mà kɔ siinguu lon nɛɛ ndaa viannannda, mà kindan kpakilan kɔɔli, vanaa tɛɛmbuuaa komalnin nda lon di. Ya viamnin nda ni.» Sɔɛi fula Mɛlɛka o sondo-e co ken ni.

Esai 10:14

Ba nuu cɔwviaa bolofaa vanaa-mangalaa-isɔɔa mɛɛ vana cua vɛɛnnden nuaa yɛ. I punga lɛŋnden kpow mɛɛ vana punga pelta yowla sɛŋianndan yɛ, hali vanndo ndu pilɛ o ve le kumbanndo hiiloo le, vana-vana ve le cɔcɔɛi kumbio le, vana-vana kuŋ te, o soli le!›