Abdia 1:3 - BII BILA

³ Yonga nɔm bɛndoo co nɔm palaa ni. O powta kpovalan tɛɛn calta nɔmndan la co ni, a cii lan heelu coocoo ningo-ningo, ma va ɲunanndo o kɔl nin aa: ‹Nɛ̀ɛ́ nɔla yɛ ya tuisi lɛŋ?›

Abdia 1:3 Referans Kwoze

Yeremi 49:16

La co vannda kpow vueinɔnndo, a co yiyanndo maa nɔm hiow vannda kpow ni. Kɛ nɔm pila daama co palanndo ni. La co icali o tɛɛngun powta kpovalan nin, mì la va o fondala feke-fekelan. Kɛ hali heelu bɛɛ calta nɔmndan mì la hiow vɛɛnnde kovɔ́ɔ̀ helɔɔ, i tuisinin nɔm mà tiiya lɛŋ dí.» Sɔɛi fula Mɛlɛka o sondo-e co ken ni.

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Esai 16:6

N tuei yonga bɛndu Moabua tɔ́ɔ́, lekɛ́ndɛi, n tuei kuundian ndaa, hɔlaa heelaa ndaa, heelɔn ndaa a tombola nda fondo-fondoo tɔ́ɔ́.

2Masaa 14:7

Ndu Amasia kon koni dii vanaa cɔvaa Edɔmnda vaalan tɔ́ o Ból Ihɛllo nin ni. A lo cɔwvo, mó bii kobio Sela, mó mingi kobi kon diolan aa Yɔkteɛl, diola lan o nɔ vɔ háá paalen nden ni.

Malasi 1:4

Te Edɔmnda dimi pɛ aa: ‹A tɛɛmbuu naa, kɛ n co muungu mì n tangul vɛlɛ o bémbéla naalan coo›, Mɛlɛka-Nɔ-Kpaayaa-Kpow-vo dimi aa: ‹A mingi tangul tuŋ, o co vɛlɛ puusiaa.› Má ke lɛŋnde ndalen diolan aa lɛŋnde kɔlvesɛilen, lɛŋnde vanaa kɔltuw Mɛlɛka-o cuu kuee le-a pɛɛn.

Yeremi 49:4

Niaa vanaa nila kalua Raba, le yɛɛ niaa co yɛ lisanndo a bólta niaalan, bólta niaala tɔlɔɔlan la naŋ nin taw lan? La va bolofaa niaa tiindanndo, mí la va dimio aa: ‹Nɛ̀ɛ́ tɔɔndan yɛnin mò hun del-la coo?›

Talelan 18:12

Yongaa pɛ̀ pɛ vanacieo o kɔl, mɛɛ delɔɔ ndɔɔ tiiya. Kɛ tuisinndo hun a heeloo sɔlaa ni.

Talelan 16:18

Kuundianndo hun a dɛnɛ palaa ni, yongaa cuu vana tambei ni.

2Dɛnnda lemasalan 25:12

Mí Yudaa bii vanaa cɔwva vaalan tɔ́ a kiyɛiya, má hel a nda o pow kpovaa coo, má ɲiinduu nda fulaa o pow kpova kon tullo má piɔsi vɛ-vɛ.

2Dɛnnda lemasalan 25:11

Mí Amasia luei yoomuan, mó sim vanaa ndɔa cɔwva laci, má kɔa o Ból Ihɛllo nin, mó kɔ diw poaa Seir-a vaalan tɔ́.

SƐBƐ YƆB-O 20:6

O bandu bɛɛ háá mò kundun halataalaa, bollen le tiiya ndu bɛɛ háá o yumbuyumboo nin,

Yeremi 21:13

I bii niaa tɛɛ, niaa vanaa co o bóllo nin, a o pow bandílá co o dɛngbɔɔ nin-nda pɛɛn. Kani la co dimio maa vana hinnin mò del naa coo a cɔw le, vana lueilunin naa le.›»

Yeremi 37:9

O ya Mɛlɛka co niaa dimul-lo co hoo ni: La pɔw le mì la yiyan maa Babilɔnnda co niaa faŋan kɔɔli mà kɔɛnnun. A kuenin te.

Yeremi 48:28

Niaa Moabua, la mal kobilan mì la kɔ cal o powta kpovalan coo. La tuula piiŋaa tangul vaaŋii ndɛi nɛɛ feke-fekea o buululan coo-a.

O Kandɔɔ 36:8

Le hee, mí Esau ndu kɔannun, mó kɔ cal o pembei Seir coo. Esau kon co Edɔm ni.

Esekiɛl 28:16

Kɛ le yulale va nɔm yelelallo len, má pia a kɔlvesɛiyo, má tosa hakio. Le hee, mí faŋa nɔm o pembii Hala-e coo, nɔm mɛlɛkanɔ kanda ɲɛm Hala-on-ndo, mí soli nɔm o powta ŋɛlɛngi-ŋɛlɛngilan tɛɛn po.