Abdia 1:12 - BII BILA

¹² Niaa Edɔmnda, niáà bɛnda mí niáà naŋ kɔl le puapilɛa niaa, Yudaa, tofaa o tuma dɛnɛ palaa kon nin te. Niáà bɛnda bɛɛ mí niáà naŋ kɔl tuma nda va kon piɔllo-o le. Niáà bɛnda mi niáà dimi diomnda vɔɔnndan a nda tuma nda va kon o mɔnɛi nin-ndo le.

Abdia 1:12 Referans Kwoze

Misee 4:11

Nihau, vanaa-mangalaa-isɔaa bɔɔ-bɔɔ a yiinan le niaa hinullo. À co dimio aa: ‹Màá kobi ndaa tambu labɛɛ! N tofan tambii Siɔn-nde kpendekele.›

Esekiɛl 35:15

Le tùú n viow kponyoo le tambii kɛ́ cuavaa Israɛlla ndóò tambu-e-o, lende koni ya bɛɛ tosalnin nɔm ni. Nɔm pembei Seir, a siŋnunnin fonda piɔlɛiyo, kandɔɔ a nɔm Seir, kɔ bii a lɛŋnde Edɔm-nden faw. O kon, vannda sinanin maa ya co Mɛlɛka ni.

Talelan 17:5

Vana mam pɛ vana bala fondoo, mɛɛ vana cɔw ndu-o o tɛɛndan ni. Vana mam pɛ caanda le dɛnɛ palaa co nda coo-o, dɛnɛ palaa toalnin vana kon coo le ken.

1Samiɛl 2:3

La híw sɔɔn kuundianndon dimi le, la solin ndɛ yeowlan o lasondo o sɔɔn niaan nin te. Kani Mɛlɛka co Hala sina dɛnndan kpow-vo ni, ndu kialu yamɛi dɛnnda vannda kpow ni.

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

Condii lisai 37:13

Kɛ Maalii co vana kɔlvesɛi kon mamɔɔ, kani o co cɔu maa paale ndɔlen le co tiiyaa.

Condii lisai 31:18

Mɛlɛka, i piɛi nɔm pɛ, màá siɛmbula bii ya le. Kɛ màá siɛmbulan la bii vanaa kɔlvesɛiya, mà tol ciee-piɔ́m o meiyo nin!

Condii lisai 22:17

Kani tunnda tiila ya. Kunda vanaa yɔŋ vɔɔnda balu ya sɔ́ a buuluu ya balan a pelon.

SƐBƐ YƆB-O 31:29

Vɛ̀ɛ̀ i dɔwnun pá ɲaale le dɛnɛ palaa komal yaamɔɔ nuu-o? Vɛ̀ɛ̀ i huulu pá a kponyoo le sanga komal ndu-o,

Dɛnnda cɔɔmuanndan 13:5

Mí sondoo kennun visi kalaa le yongaa sɔɛi a le sɔɔn tanan dimio a Hala. Mí kpaayaa kennun ndu le masalen tosaa le paangon belehiɔɔlu a n'miun.

Nsaki 3:5

Lende koni i co a diɛɛmulen ni, dialii pɔmbɔɛi le co ni, kɛ mì le kuundian le sɔɔn bɛndon taw tosaa. La tofa vɔ mɛɛ yinnde pɔmbɔlen le loam bundɛ bɛndoo yɛ.

Luke 19:41

Mɛɛ Yeesu sɔɔnguu ciee-lekɔɔ, mó ca kobio, mó caŋ le ndu,

Cɛɛŋɔnnda Yeremi lan 4:21

Niaa Edɔmnda, la dɔwnun ɲaale alɛ. Niaa vanaa co icali o lɛŋnde Ut len nin-nda, niaa bɛɛ, taala kólaa iyamaa co niaa komal mì la kol lenin, mò bii niaa maa mamɔi, mì la fulan tum fondo kpedekele.

Esai 37:24

A yei Maalii a sondo vanaa nɔmaa baalaa, a dimi aa: Ya Sanekerib, i hel o pembon tullo a ɲɛla ɲaanannda nila soa nan-ndan kunda bɛndoo. I hel o pembei Liban mɛɛlulan, mí kialu yɔmii Sɛɛdrei ndɔɛi hiow bandei-ye a yɔmii Siprɛsii ndɔɛi hiow naŋɔɔ-e. I tiiyanin o tul ndɔ hiow bandei-yo bollen a o bundɛ ndɔ kàlà-kálàá mɛɛlulan.

Condii lisai 92:11

A luei ya yoomuan maa cìí, cuɛima kɛndɛ-kɛndɛan ma cucun ya lekɔɔ.

Condii lisai 59:10

Nɔm ya co tofaa ni, nɔm vana co ya kandaa-o, kani nɔm Hala co fonda ni mayoomoo ni.

Condii lisai 54:7

Màá dɛnɛ palaa tol yaamɔaa nia coo! Mɛlɛka, mɛɛ n co vana lo o lediom coo-o yɛ, kinda nda sondolan.

SƐBƐ YƆB-O 18:20

Ba paalen le del-lo a ba paalen le can-ndo, vannda tuɛinin ɲɛ yɔŋnun ndu-o, mì siòònde bii nda, mà ɲiiya.

Condii lisai 35:15

Kɛ dɛnɛ palaa tol pɛ ya coo, nda yiinan a dɔwnun ɲaale. A co yiinanndo le ya ciŋilanndo, a le ya lɔɔ, kɛ ya i co bɛɛ ndi sina le. A co ya sɔmndo a sondo tuŋ.

Cɛɛŋɔnnda Yeremi lan 2:16

Yaamɔaa nɔmnda kpow a co balɔɔ a nɔm o sondo, mà va huiyon hɔŋndo, mà va nɔm ciŋndon kumbillo a mamɔɔ aa: ‹N cii a ndu, hee naa n va kɔɔli ni, mɛɛ o co nuaa yɛ náà n yeema le ndu cɔu ni!›

Esekiɛl 35:12

O kon, nɔm Seir, a sinanin maa i tuei tɛɛndan n tɛɛndan pembun Israɛlla-on, bau a dimi maa pembun mun pembun fondon n co ni, maa n del nɔm o ba mí n siŋnun ɲɛ naa diaa!

Esekiɛl 36:5

Lende ni, Maalii Hala soo, mó dimi aa: «I kɔngɔlan vanaa-mangalaa-isɔaa balu lon-nda a yinnde paŋalaale nilen, kɛ taama-taama lɛŋnde Edɔm-nden kpede, kani o kɔl nda kɛndɔɔ nin a o tɛɛndan co nda o kɔl-lo nin, mí nda pila kennun lɛŋnde nilen, má poonda nɛɛ nda yaa cɔlua diólan-nda.