Abdia 1:10 - BII BILA

¹⁰ «Le kɔlvesɛi niaa tosal puapilɛa niaa-o, cuavaa Yakɔb-a pɛɛn, siɛmbulan la toalnin niaa, mì niaa pila cuu le fɛɛn a fɛɛn.

Abdia 1:10 Referans Kwoze

Amɔs 1:11

Nuaa Mɛlɛka soo ni aa: «Le yɔŋnda vɔɔnnda yàála Edɔmnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tow puapilɛa ndaa, má ɲaanun nda kɔɔli a mɔɔn cɔwvon, má kɛɛ le nda ɲííye tuinɔnndo, má tuisi nda kɔltuw ndaa coo. A co kɔl nda fulaa mandanndo nin le lɔ́ɔ́-lɔ́ɔ̀.

Esekiɛl 35:9

I siinguunin nɔm lɛŋnde piɔlɛilen le fɛɛn a fɛɛn, vanaciee cel-lɛnin o kobila nɔmndan nin te, o kon la sinanin maa ya co Mɛlɛka ni.

Condii lisai 89:45

A cii bɛɛle ndɔlen tɛɛmbuu, má mal masale ndɔlen lɛŋ.

O Kandɔɔ 27:41

Mí Esau cua nɛyɔn Yakɔb-o le duaa ndɔ o hɛlu fuɲa nda o ba-o. Mó dimi o kɔl ndɔɔ nin aa: «Piɔ́m fuɲa naa bendu lɛ le, te o vi dɔ́ɔ́ pɛ, i koma dii Yakɔb pɔmbɔ ni.»

Condii lisai 137:7

Éé Mɛlɛka! Loonun ndɔ ɲɛ Edɔmnda va dimio paale vannda del Yerusalɛm coo len aa: «La puusiaa ndu, la puusiaa ndu háá nɛɛ o kilan tum-nda!»

Misee 7:10

Yaamɔɔ nuu canin ken, mì siɛmbulan la bii ndu mɔ́ɔ̀yɔ̀ɔ̀. Ndu yaamɔɔ kon va ya dimullo ni aa: ‹Kuɛɛ nɛ Mɛlɛka Hala nɔmndo co yɛ?› Yaamɔɔ nuu nɛwnunnin a labɛngu maa looli co o nɛilan coo-o, mì ce ken a lehɔl kpendekele.

Esekiɛl 7:18

A vownunnin volɔɔla yuululan, misimisio biinin nda má ɲiiya. Siɛmbulan la biinin nda kpow, a sendinnin tembeltan kpede.

Cɛɛŋɔnnda Yeremi lan 4:21

Niaa Edɔmnda, la dɔwnun ɲaale alɛ. Niaa vanaa co icali o lɛŋnde Ut len nin-nda, niaa bɛɛ, taala kólaa iyamaa co niaa komal mì la kol lenin, mò bii niaa maa mamɔi, mì la fulan tum fondo kpedekele.

Yeremi 51:51

«Siɛmbulan pila o va le naa, telen naa n va nda tueyɔɔ naa yeowlan-ndo ni! O va bɔɔ siɛmbula bɛndu le naa telen mialla hin mà luɛi o fonda diandaa nin, o Cɛi-Hala-o nin-ndo.»

Yeremi 49:13

I mɛnan a ya pila, Bɔsra siŋnunnin fonda dɛnɛ palaa, mò muungu bémbélan kposon. Ndu vannda vanin tɔɔmaseloo cuaa le dangaa dɔvɔɔ, te kon te le vannda siɛmbulan tuisio ni. Kobila balu ndu lan la siŋnunnin bémbélan le fɛɛn a fɛɛn.» Sɔɛi Mɛlɛka dimi-e co ken ni.

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Condii lisai 132:18

I tuisinin yaamɔaa ndɔa siɛmbulan, kɛɛ ndu ndu, mɔsil lemasaa vanin ndu deŋio o lebol.›»

Condii lisai 109:29

Màá yaamɔaa nia tambu labɛɛ, mì siɛmbulan la tol nda maa doma bɛndu!

Condii lisai 69:7

Maalii, Mɛlɛka-Nɔ-Kpaayaa-Kpow-vo, màá siɛmbulan la bíì vanaa tiindan nɔm-nda le dɛnɛ nuu le! Nɔm Hala Israɛlla, màá siɛmbulan la toal vanaa co nɔm nuwviaa-a le dɛnɛ nuu le!

O Kandɔɔ 27:11

Mí Yakɔb mulul kala ndɔ aa: «Esau bɛ ni nɔ yiinde lekɔɔ taw, ya yɛ i nɔ iyiin lekɔɔ le.

Tɔŋ miingua 23:7

Lelan, le fɛɛn a fɛɛn, te la co vɔ yoomu, la fula tɔnɔ nda, te kon te dɛnɛ kɛndɛ nda lehɔl te.

2Dɛnnda lemasalan 28:17

Kani mí Edɔmnda hun del vɛlɛ Yudaa coo a cɔwvo, má biw vannda, má kɔannun a nda.

Talelan 10:6

Vana kela pɛ kela kɛndɔɔ, ndu sɔla duaa. Kɛ kɔlvesɛiya vian kɔlvesɛiya ndaa o sɔɔn ndan nin ni.

Tɔŋ miingua 23:8

Kɛ la nɔ́ nɛyɔnndo a Edɔmnda le, bau puapilɛa niaa nda co ni. La nɔ́ vɛlɛ nɛyɔnndo a Esiptea le, bau la va icali o lɛŋnde ndalen nin.

Talelan 17:5

Vana mam pɛ vana bala fondoo, mɛɛ vana cɔw ndu-o o tɛɛndan ni. Vana mam pɛ caanda le dɛnɛ palaa co nda coo-o, dɛnɛ palaa toalnin vana kon coo le ken.

Yeremi 12:14

Diom Mɛlɛka dimi le vanaa vɔɔŋaa balu vanaa nia-a-o, a co baa yɔɔ o ɲɛ nuu, lɛŋnde yáà yɔngu vanaa niaa Israɛlla kɛ́ɔ len-ndo co hoo ni aa: «I co nda sungɔɔ o lɛŋnde ndalen coo, mì hɛlu vɛlɛ nda Yudaa o ba.

Cɛɛŋɔnnda Yeremi lan 4:22

Niaa vannda Siɔn, bɛpɛla niaa cuu le hakila niaalan. A kue lɛnin a niaa o cɛle celen nin te. Kɛ nia Edɔmnda, Mɛlɛka co hunɔɔ niaa lɔɔ le hakila niaalan, mò soli dɛnnda niaala vɔɔnndan ceen vakpa.»