Aasee 2:7 - BII BILA

⁷ I hiiluunin vanaa-mangalaa-isɔɔa kpede, mì bolofaa ndaa kpow hin nanu, mì pei Cɛiyo ho a biiloo. Ya Mɛlɛka-Nɔ-Kpaayaa-Kpow-vo dimi lende ni.

Aasee 2:7 Referans Kwoze

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

1Masaa 8:11

A tiwba le muungoo lenin le baala ndáà tosaa le, kani mí biilu Hala-o pia o Cɛi kalaa nin ca.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Luke 2:46

O paale yàándɔlen, má kɔ saalun ndu o Cɛi-Hala-o nin, o va icali vanaa pɛɛkaa latɔŋnda tɛɛn. O va nda nilan yaŋɔɔ mo va nda yuuniaa.

Luke 2:27

Mí Kɔl-Diandaa va ndu kon coo-o ke ndu yiyanndo, mó kɔa o Cɛi-Hala-o nin. Vanaa Yeesu-a hunɔɔ a ndu Yeesu le tosaa a ndu mɛɛ o va o sɛvaa o tɔŋndo nin yɛ,

Esekiɛl 21:27

Ɲɛ co o ba kɛndɛ ndɔɔ nin-ndo cɔm maa yavaa bii Yerusalɛm, o baŋnin balamaniei lon, mò yɔngu diomndo le vannda diwvo, mò yonda coocoo kpélén. O baŋnin balamaniei o diola luɛyaalan sondoo, o lueinin ndu o píŋndo nin, o cɔawnin kungala saasalan.

Esai 60:7

Cɔlua Kedar kpow cuungiannin o nɔm ndo, saa kóndóa Nebayɔt a vanin nɔm o ba bɛngu, a yɔngunnin le sálà loamaa solio o fonda-loamaa-lasálà nuu coo, a hɛnannin ya, i yɔngunin cɛi ni ivanabɛnduyaa naŋɔɔ taw.

O Kandɔɔ 22:18

Vanaa-mangalaa-isɔɔa súúlan kpow o ceendo coo a sɔlanin duaa cuavaa nɔmnda o ba bɛngu. Kani nɔm Abraham, a bii sɔɛi nii.»

Kalatea 3:8

Mí Sɛbɛ Hala-o dimi ndi paandu maa le laalanndo Hala ce vanaa co N'Yuifi le-a vanaa sandaa ni. Mí Yoongu kɛndɛ kon dimulun sindɛ Abraham aa: «Hala dɔawnin vanaa-mangalaa-isɔɔa kpede duaa o nɔm nin.»

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Luke 21:38

Paalen léè sɛ dɔ́ɔ́ pɛ, vannda kpow ndáà hin le ndu nilan yaŋɔɔ o Cɛi-Hala-o nin.

Luke 19:47

Yeesu va vannda pɛɛkoo lɔ́ɔ́-lɔ́ɔ̀ o Cɛi-Hala-o nin. Kɛ bolii vanaa-solia-lasálàá, vanaa pɛɛkaa latɔŋnda a simlacia lelɛŋnda va nɛilan nuwviaa le ndu diyɔɔ.

Condii lisai 80:1

Condii Asaf-e, í fula o condun simlacinɔ vanaa n'condua nin-nde. A bangaa o soli condei he ni.

2Dɛnnda lemasalan 5:14

Vanaa-solia-lasálàá tiwba lou lon le baala ndaa tosaa le, kani kumii biilu Mɛlɛka-o i va i piaa lenin ca.

Luke 20:1

Paale pilɛ, mɛɛ Yeesu va vannda pɛɛkoo o Cɛi-Hala-o nin, mó va nda cɔmndo a Masale Hala len o kɔɔ. Mí bolii vanaa-solia-lasálàá, vanaa pɛɛkaa latɔŋnda a kaasoŋaa kɔlkalua lelɛŋnda hun,

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Kolɔsea 2:9

Kani ɲɛ-ɲɛ co o Hala nin, mí kon cua diallon Krista-on, nduyɛ o co ndu nin o peelan ca.

Condii lisai 85:9

I tuɛi ɲɛ Mɛlɛka dimio, o co sɔɛi le kɔlɲulu vanaa ndɔa a vanaa laalan ndu-a, haliko a muungu lɛ o diɔmii ndɛi nin te.

Esai 2:19

Paale Mɛlɛka cannin le lɛŋnden vueinɔnndo len, ɲɛ-tengaa bɛndoo vanin fulaa o vanabɛnduyɛi ndɔɛi nin. Paale len, vannda luɛinin o buulula powta kpowa lan nin, mì a tiŋ luɛi o lɛŋnden bɛngu a siòònde.

Esai 60:4

Keeliaa vɔ hɔlla nɔm balɔɔ pindo, mà mɛɛndian: cuavaa nɔmnda kpow a co mɔɔsianndo, a co hunɔɔ o nɔm ndo. Poaa nɔmnda co fulaa nɛɛ levil, cuavaa nɔmaa laandua co hunɔɔ o balan coo.

Esekiɛl 31:16

Tuma ya va ndu tuisio ciee-piɔ́m nda vanaa co tolɔɔ o soondo nin o puuloo bɛngu-a latulu-o, telen o va kombaa-o, mí hiiluu vanaa-mangalaa-isɔɔa, má ɲiiya. Mí yɔmnde Edɛn kpow i sɔla ɲɔɔloo o puuloo bɛngu di-di, mí yɔmii hiow naŋɔɔ a sɔvɛyɛi Liban-nde, i nɔ mɛnndan lebɛngu-e i hini kɔl ɲɛkɛndɛi.

Esekiɛl 38:19

I co ndi dimio a paŋala co o yinnde kɔltuw nuu nin-ndo. Paale len lɛŋnden le ɲiiyanin taw-taw o lɛŋnde Israɛl-ten nin.

Esekiɛl 44:4

Mí langbanɔ kon kɔa vɛlɛ a ya o dio bɛndu va a maluaŋ-ndo, o Cɛi-Hala-o laci. Mɛɛ ya tofa, mí ca mí biilu Mɛlɛka-o pia o Cɛi-Mɛlɛka-o nin ca, o kon, mí del lɛŋ o kuumbuan o kɔl coo.

Aasee 1:8

Le hee, la hel o pembon coo, mì la kɔ hun a yɔmnde, mì la mingi Cɛi nuu tangul. O kon, i naŋnin kɔl le biilu nuu sɔlaa lenin, ya Mɛlɛka dimi lende ni.

1Masaa 8:10

Tuma vanaa-solia-lasálàá fula o Cɛi-Diandaa nin-ndo, mí kumnde pia o Cɛi-Mɛlɛka-o nin ca.