Aasee 2:5 - BII BILA

⁵ Sɔɛi ya solin o sondo lɔ́ɔ́ niaa fula Esipte-o-e yɔŋnun ken ni. Kɔl nuu vanin niaa tɛɛn, lelan siòòŋii bíì niaa le:

Aasee 2:5 Referans Kwoze

Fulaa 34:10

Mí Hala muli aa: «I co niaa kpemaa yiilu. I co kaamaalan tosa vannda ha kpow o hɔl, kabi bɛɛ kaamaala vaa lende la tosan-ndɔ o ceendo coo le, vanaa-mangalaa-isɔɔ súú-súù a ci vɔ dɛnɛ vaa lende le. I co lan tosa mì vanaa n co icali tɛɛn-nda ce mɛɛ dɛnnda ya Mɛlɛka co tosaa a ba nɔmndo lan la co dɛnnda kɔndɔfili yɛ.

Nehemi 9:20

Má tosal nda kɛndɛi, má ke nda kɔlkaloo. Má va nda manne yɔngoo lɔ́ɔ́-lɔ́ɔ̀ le dioo, a mɛnndan le kolɔɔ.

Esai 41:13

Kani ya co Mɛlɛka ni, Hala nɔmndo pɛɛn, ya co ba nɔm kɛndɔɔ yoomuan lueiyo ni, ya co nɔm dimullo ni aa siòòŋii bii nɔm te! I co nɔm sɔɔnguuo ikɛi le nɔm malaa.

Sakari 8:13

Niaa cuavaa Israɛlla a niaa polale Yuda len, La paandu maa vanaa danga vanaa-mangalaa-isɔaa tɛɛn yɛ. Kɛ o laan, i co niaa ciindiaa, mì la siŋnun vanaa duaa. Lelan, siòòŋii bíì niaa le. La lueí yoomuan.

Sakari 8:15

Sisa, i mangala yiyan kon, i co Yerusalɛmnda a Yudaa kpow dɛnɛ kɛndɔɔ tosal. Lelan siòòŋii bíì niaa le.

Dɛnnda kiilaa 27:24

mó dimul-la aa: ‹Siòòŋii bii nɔm te Pol. Mɛɛ mà kɔ sim masaa Sesar o hɔl. Tofa vɔ, Hala tosal nɔm dɛnɛ kɛndɔɔ niaa vanaa niaa co kɔlan o mɛnndan coo-a kpow.›

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

Matie 28:5

Kɛ mí mɛlɛkanɔɔ cua sɔɛi, mó dimul vanlaandua aa: «Niaa, siòòŋii bii niaa le. Kani i sina maa Yeesu nda baŋ o yɔm singafilaa coo-o niaa co nuwviaa ni.

Sakari 4:6

Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

2Dɛnnda lemasalan 20:17

O co niaa le cɔlɔbanin ndon te. Niaa niaa fula daama mì la kɔ sim, o kon la canin mɛɛ ya Mɛlɛka baŋanin niaa yɛ. Siòòŋii bii niaa le, la vu n'dial te.› Lelan, siɔdii la fula, la kɔ bɔŋa nda, Mɛlɛka vanin niaa ikɛi.»

Yosue 8:1

Mí Mɛlɛka dimul Yosue aa: «Siòòŋii bii nɔm te, vu n'dial te. Cua vanaa nɔmaa cɔwva kpow, mì la kɔ del kobio Ai coo a cɔwvo. Kani i cii kobi kalaa, masa ndɔɔ, vanaa ndɔa a lɛŋnde ndɔlen kpow malɔɔ nɔm o ba.

Fulaa 34:8

Mɛɛ Moise tuei sɔɔn mun, mó tundun, mó baŋ vulan.

Fulaa 19:4

‹Niaa pila ce mɛɛ ya tosa a Esiptea yɛ a mɛɛ ya cua niaa o kumbannda kovɛa coo mí hun a niaa o ya lo yɛ.

Fulaa 19:6

Lelan, la vanin vanaa-solia-lasálàá lemasaa a yungu diandaa kɛsin teengen le ya Mɛlɛka-o.› Sɔɔn mun n bɛnda le Israɛlla tɛɛngullo ni.»

Fulaa 24:3

Mí Moise toal, mó tɛɛngul vannda sɔɔn Mɛlɛka soo-on kpow a silala o yɔngu lan kpede. O kon, mí nda kpede a deŋi diom pilɛ kpé aa: «Ɲɛ-ɲɛ Mɛlɛka dimul naa le tosaa, n co ndu tosa.»

Fulaa 24:8

O kon, mí Moise cua kooma cɔlua kan, mó fasaŋiaa man nda coo, mó dimi aa: «Kooma kpeman ma co man ni, kpema Mɛlɛka yii a naa o sɔɔn mun kpow nin-ndo.»

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

1Samiɛl 12:20

Mí Samiɛl dimul nda aa: «Siòòŋii bii niaa le. I co toɲa maa la tosa dɛnɛ vɔɔndo taw. Kɛ la mulul lɛ Mɛlɛka kɔɔ le, la tosal ndu baalaa a kɔlta niaalan kpow.