Aasee 2:3 - BII BILA

³ ‹O niaa tɛɛn, vana pum co vɔ pá o ce mɛɛ Cɛiyo ho ndóò naŋ o tasendɔ yɛ-o? Vɛ̀ɛ̀ niaa co yɛ ndu nihau cɔu? Vɛ̀ɛ̀ la ce maa naŋɔɔ kon siŋnun ɲɛ fondoo le?

Aasee 2:3 Referans Kwoze

Ɛsdras 3:12

O vanaa-solia-lasálàá tɛɛn, o leviia tɛɛn a o vanaa va bolii lapangɛi-ya tɛɛn, mí vanáà nɔ nin vɔsilan taw-va, áà ce cɛi biilaa tase Hala-o-a va caŋndo fúkpàà-fùkpàà le telen nda va Cɛi-Hala diinndɔ kon kilaa nda o hɔl-lo. Telen nda va kon caŋndo-o, vanaa tɔ̀a taw nda va yondiaalan a kɔlkɛndɛ bɛndu-bɛndoo a kponyoo.

Esekiɛl 7:20

Má kuundian le bolofaa sɔvɛ bɛndu ndáà nɔ-o, má cɔaw piɔmaa lamàà a ɲɛm ndan nɔɔlɛin mun. Lelan ya bɛɛ siinguunin ɲɛm mun ɲɛm nɔɔlɛiyon le laasian ndaa ni.

Aasee 2:9

Biilu Cɛiyo ho hiawnin biilu Cɛi tasoo, Mɛlɛka-Nɔ-Kpaayaa-Kpow-vo dimi lende ni. I kenin niaa kɔlɲuloo o fonda kon. Diom ya Mɛlɛka-Nɔ-Kpaayaa-Kpow-vo soo-o co kon ni.›»

1Dɛnnda lemasalan 22:5

David va diminndo o kɔl aa: «Salomɔn po ni co vɔ cuaambɔ, o bii-yɔ ɲɛ-ɲɛ bila le. Nduyɛ, Cɛi-Hala co hunɔɔ tangulɔn le Mɛlɛka-o fulanin tɔ́ɔ́ taw o lɛŋnden nden kpow nin, le va o vanin o bɔɔ-o a le biilu ndɔ bɛndoo. Lelan mɛɛ mi cuungian taw le ndu tangullo.» Le hee, lɔ́ɔ́ pá mí David vu, mó cuungian fɔlɔn ɲɛkɛndɛi.

Ɛsdras 3:11

Má soli condun lisan a condun malaa balikan o polalen a pilɛn-pilɛnnda le Mɛlɛka biiloo, má va dimio o condei nin aa: «Mɛlɛka naŋ bɔɔ! Vanakɛndɛyɛi ndɔɛi, i co le Israɛl le fɛɛn a fɛɛn!» O kon mí vannda kpow deŋi coocoo kpélén le Mɛlɛka lisaa le tùú nda va Cɛi biilaa ndɔɔ kilaa-o.

Esai 64:10

Cɛi-Hala diandaa naa kɛndɛ-kɛndɔɔ, nɛɛ fuɲaa naa imamaa va nɔm lisaa-a ŋɔɛ o yinnden nin, ɲɛ-ɲɛ kɛndɛ sɔvɛ náà n nɔ lenin, kon kpede cuu itambu o yinnden nin.