Aasee 2:23 - BII BILA

²³ Paale len, ya Mɛlɛka-Nɔ-Kpaayaa-Kpow-vo co sɔɛi nuaa ni, i cuanin nɔm Sorobabɛl po Sealtiɛl-lo, nɔm vana ni baalaa pɛɛn, ya Mɛlɛka-Nɔ-Kpaayaa-Kpow-vo co sɔɛi nuaa ni, mì siinguu nɔm maa kelɛi tampɔŋii lemasa, kani nɔm ya hɛli ni. Diom ya Mɛlɛka-Nɔ-Kpaayaa-Kpow-vo soo-o co kon ni.»

Aasee 2:23 Referans Kwoze

Esai 43:10

Mɛlɛka dimi aa: «Niaa co seyaa niaa ni, niaa a vana ni baala ya hɛli-o haliko mi la sina ya, o kon mì la laalan ya, mì la bii bila maa ya ni. Hala celen toosian ya laci le, o ya kɔɔli Hala celen venin vɛlɛ le.

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Yeremi 22:24

Ya Mɛlɛka i co yoomu! Sɔɛi fula ya o sondo-e co hee ni aa: «Hali Konia po Yokim masaa Yuda-o ndóò va bɛɛ kelɛi sui lemasɛi vana vownun o ba kɛndɔɔ-e, i va ndi solin o isu.

Condii kɛndɛ-kɛndɛi 8:6

Hol-la o kɔl nɔmndo coo maa tampɔm, manda ya mì va nɔm ikɛi maa kelɛi ba n sɛva diola nɔmndan coo-e. Kani mɛɛ piɔ́mndo nɔ yoomuan yɛ, lende koni kaolaa bɛɛ nɔ yoomuan ni. Mɛɛ ciee-piɔ́m kendu nuaa yɛ lende koni paŋalaa bɛɛ kendu ni. Vana nɔla ndu tundɔɔ le. Vana ca ko yelenyelen paŋalaa aa yelenyelen leyinndo ni, yinnde fula o Mɛlɛka lo len pɛɛn.

1Piɛr 2:4

La sɔɔnguu ndu o ibuŋ, ndu pow kiyɛiyo, o vanndacieea viow-vo, kɛ mí Hala ca ndu ɲɛ sɔvɛ bɛndu, mó hɛli ndu.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Matie 12:18

«Vana ni baala ya hɛli-o co hoo ni, o ya kaola-o, o ya hini kɔl-lo pɛɛn. I tuisinin Kɔl nuu ndu coo, mò cɔm vanaa-mangalaa-isɔɔa dɛnɛ sandaa.

Esai 49:16

Kani la tofa vɔ, i sɛva niaa o bala nila kɔltan coo, kpakila niaalan la co ya o hɔl telen oo telen.

Condii lisai 65:5

Dɛnɛ kɛndɔɔ co le vanaa n hɛli má sɔɔngun ikɛi le calle o nɔm ndo cɛinin-nda. N pumnin dɛnɛ kɛndɛ co o nɔm ndo cɛinin-ndo, ó co o Cɛi-Diandaa nɔmndo nin-ndo pɛɛn.