Aasee 2:22 - BII BILA

²² I co kpɛŋɛla lemasala masaa kombiaa, mì tɛɛmbuu kpaaya masɛi vanaa-mangalaa-isɔɔa, mì yɔl ɲɛla ɲaanannda ndala soa nan-ndan a vanaa ɲaanun lan-nda. Soa a vanaa ɲaanun o soa coo-a viawnunnin lɛŋ. Vana-vana delnin o mɔɛi cɔvii puapilɛ ndɔɔ bɛngu.

Aasee 2:22 Referans Kwoze

Misee 5:10

mì tɛɛmbuu kobilan o lɛŋnde niaalen nin, mì pesi kpakila niaalan kpow,

Masaa kialaa n'yamaa 7:22

Telen vanaa kɛmɛ leyáá-a kan va bululan hɔŋndo-o, mí Mɛlɛka hiŋ Madiannda hɔlla o dɔ́ɔ́ngɔ́ɔ̀ nin kpede, mí nda pila diuvan. Mí vanaa tɔ̀a lo-a ɲaanun háá Bɛt-Sita a kpengii Serera-e, má kɔ tiiya Abɛl-Mehola dí a kiltan, kobi co Tabat ikɛ-yo pɛɛn.

Matie 24:7

Vanaa-mangalaa-isɔɔa cannin vanaa-mangalaa-isɔɔa celen cɔlɔba, mì masalen le cɛn masale celen cɔlɔba. Yima fofolan ma luɛinin o fondalan lapum, mì lɛŋnden le ɲiiya o fondalan lapum.

Sakari 10:11

A taŋnin mɛmma ihɛlma imɔnɔan, Ya Mɛlɛka, i lɔanin tindima mɛmma ihɛllan, limun pee bɛndoo Nil kpow n velanin, kuundian vannda Asiri tambunin, tinda lemasa Esiptea puununnin nda o ba.

Sakari 4:6

Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

Sofoni 3:8

Lelan, Mɛlɛka dimi aa: ‹La cum-ndɔ! La cum paale ya cannin le seilen tɛndaa len. Lɔ́ɔ́ ya cuungiaanin vanaa-mangalaa-isɔɔa le yamɛi nii kiolɔɔ-o. I mɔɔsiaanin masɛi le kɔl ni tuwvo tuisio ndi coo, a le ndi fukpaa a kɔl ni fulaa. Kani i loamnin lɛŋnden kpow a yinnde nile paŋalaalen.›»

Esekiɛl 39:20

La dianin visin soa a visin vanaa ɲaanun a soa-a o tabali nuu coo mì la pim. La dianin visin kuubaa cɔwva a visin vanaa cɔwva kpow. Ya Maalii, ya co Mɛlɛka-o soo nuaa ni.

Condii lisai 46:9

La hun mì la tofa dɛnnda Mɛlɛka tosa lan, dɛnɛ tambɛi o tuisi o lɛŋnden coo-o pɛɛn.

Daniɛl 8:25

O palanin vannda a kɔlkalu ndɔ vɔɔndo, mó saangiaa nda. O kuundiannin o kɔl ndɔɔ nin, o voolunin vanaa co yiyanndo maa a co o kɔlɲuloo nin-nda, mó diw nda taw-taw. O simulnin bolle simlacia, kɛ vana pilannin ndu le, mó yomiyomi, mó cuinun.

Condii lisai 76:6

A cii kuubaa cɔwva yunga cúcúú! À hiownun o lɔma nda tindu lɛnin te-an. O pilɛ bɛɛ nɔla kindikindinndo le ndu pila le.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Sakari 14:3

O kon, Mɛlɛka fulanin ceen, mò cɔlɔba vanaa-mangalaa-isɔaa kan, mɛɛ o cɔlɔba o paale cɔwlen coo yɛ.

Sakari 9:10

O ciinin ɲɛla ɲaanannda soa nan-ndan o tàndá cuavaa-imamaa Efraim-nda nin o ciinin soa cɔwva Yerusalɛm, o yiminin kpaasiaala cɔwlan kpow. O yɔngunin vanaa-mangalaa-isɔɔa kpow kɔlɲuloo. Masale ndɔlen le kandunnin o mɛmma hɛlii bɛnduan, mì le kɔ tiiya háá o mɛmma ihɛllan mediteranee. Masale ndɔlen le cannin o pee bɛndoo Efrate, mì le kɔ tiiya háá nɛɛ lɛŋnden le mɛɛlu-a.»

Misee 5:8

Màá ba nɔmndo hel léngbén le yaamɔaa nɔmnda fukpaa! Màá cii nda mɛɛ nda co kpede!»

Esekiɛl 21:27

Ɲɛ co o ba kɛndɛ ndɔɔ nin-ndo cɔm maa yavaa bii Yerusalɛm, o baŋnin balamaniei lon, mò yɔngu diomndo le vannda diwvo, mò yonda coocoo kpélén. O baŋnin balamaniei o diola luɛyaalan sondoo, o lueinin ndu o píŋndo nin, o cɔawnin kungala saasalan.

Esai 60:12

Kani te vanaa-mangalaa-isɔɔa a masalen a hun kɛɛ pɛ le nɔm baalaa tosallo, a tɛɛmbunnin nda mà ɲum mundu.

Esai 19:2

I co sɔngɔɔ malɔɔ Esiptea tɛɛn, mà simulan vellaa-velle, vanndo cɔlɔbanin nda puapilɛ ndɔɔ, vanndo cɔlɔbanin nda caan ndɔ, kobio cɔlɔbanin kobio, masalen le cɔlɔbanin masalen.

Esai 9:19

Vannda co ɲɛm dian tɔ̀un co vannda o ba kɛndɔɔ coo-on dioo, kɛ yiaan ma co nda nɛiyo, a co ɲɔɔn dioo o ba nda miallo coo kɛ a pim te. Vana-vana co visin ba ndɔɔ sɔmndo.

2Dɛnnda lemasalan 20:22

Telen nda kandu Mɛlɛka biiloo a condon-ndo, mí Mɛlɛka hiŋ Amɔnnda, Moabua a vanaa va icali o pembon coo-a hɔlla, áà hin kan le Yudaa delɔɔ coo a cɔwvo-a pɛɛn, mí nda pila muungu diuvanndo.

1Samiɛl 14:16

Kpalilaa Saul-la lo Kibea o tàndá Bɛnyamɛn-ndo nin, má ca Filistia ɲaanɔnndo ba-ba fee.

Fulaa 15:19

Mí soa Faraɔnnɔɔ, ɲɛla ɲaanannda ndɔla soa nan-ndan a vanaa ɲaanun soa-a kpow a lo o mɛmma ihɛllan nin. Mí Mɛlɛka ɲindu nda mɛnndan coo, kɛ mí Israɛlla nda taŋnun a pelon n'vesɛi sɛ́ɛ́n.

Fulaa 14:28

Mí mɛnndan má hun kumbu ɲɛla ɲaanannda soa nan-ndan a vanaa ɲaanun o soa coo o vanaa cɔvaa Faraɔnnɔɔ-a tɛɛn kpow. Kani ndáà tol o peelo kpede le taŋɔɔ Israɛlla kɔɔli. Hali o pilɛ lo yoomu le.

Fulaa 14:17

Ya yɛ, i co Esiptea nilan kindi háá mà tol le taŋɔɔ niaa kɔɔli. O kon, i co kei a Faraɔnnɔɔ a á vanaa ndɔa cɔwva kpow, ɲɛla ɲaanannda ndalan a vanaa ndɔa ɲaanun o soa coo-a, mì cɔm biilu nuu.

Fulaa 15:4

O miisuu ɲɛla ɲaanannda Faraɔnnɔɔ, la soa nan-ndan a vanaa ndɔa cɔwva o mɛmma ihɛlma makpɛ̀ndɛ̀an nin. Vanaa ndɔa caa cɔwvo taw-taw-va lo o mɛmma ihɛlma makpɛ̀ndɛ̀an nin,

2Dɛnnda lemasalan 20:23

Mí Amɔnnda nda Moabua del vanaa va icali o pembon Seir coo-a coo a cɔwvo, má diw nda kpow. Ndáà ciiyo nda diwvo, mí nda pila can diuvanndo vellaa-velle.

Esekiɛl 26:16

Simlacia co o mɛmma ihɛllan tɛɛn-nda toalnin o kpɛŋɛla ndala lemasalan coo, a solinin domala ndala lecoolan, mà yungan mà hulu volɔɔla ndala sɔɔlaalan. A yɔŋnunnin yulan-yulan a siòònde, mà cal lɛŋ vɔyɔn. A vanin vooloo a siòònde telen oo telen mì mɔnɛi va nda biyɔɔ le nɔm.

Esekiɛl 38:21

I tuisinin ndu Kɔk cɔwvo coo o pembun nun kpede coo. Vana-vana mululunnin puapilɛ ndɔɔ a mɔɛi cɔwve mà diuvan vellaa-velle! Diom Maalii, o co Mɛlɛka-o dimi-o co kon ni.

Amɔs 2:15

Vana caa kpaasiaa hiŋndo-o bɛɛ nɔlanin simullo le. Hali vana hiow keleŋaa-o nɔlanin hiɔlɔnndo le. Hali vana hiow caa sow ɲaanɔnndo-o nɔlanin yoomu ndɔɔ baŋaa le.

Misee 7:16

Vanaa-mangalaa-isɔɔa canin ndan, mì siɛmbulan la bii nda. O kon, a kpaaya bɛndoo kpow, à handunnin balan o lasondo, mì nilan la baŋul nda.

Sakari 10:5

A vanin o cɔwvo nin maa kuubaa cɔw, mà nɛw loolio o nɛi a labɛngu. Lende nda tosanin cɔwvo ni. Kani Mɛlɛka vanin nda ikɛi, lelan, yaamɔaa ndaa vanin o soa coo mì siɛmbulan la bii nda.

2Dɛnnda lemasalan 15:6

Vanaa-mangalaa-isɔɔa va diuvanndo vellaa-velle. Kobilan la va delnanndo coo vella-velle a cɔwvo, kani Hala va nda hiiloo a dɛnnda palaala súú-súù ka tuisio nda coo.

Misee 5:9

«Mí Mɛlɛka dimi aa: ‹Paale vanin mì cii soa cɔvaa co o lɛŋnde nɔmnden nin-nda kpow, mì tɛɛmbuu ɲɛla ɲaanannda niaala soa nan-ndan,

Sakari 12:9

«O palɛi ken nin, i tɛɛmbuunin vanaa-mangalaa-isɔɔa hinulnin Yerusalɛm-nda kpow.