Aasee 2:19 - BII BILA

¹⁹ Vɛ̀ɛ̀ ɲɛ lo lɛ pá o lakonda? Nakɔla n'rɛsɛnnda, nakɔla n'buumbuulan, nakɔla krenadieelan a nakɔla olivieelan la co lɛ komɔɔ le. Kɛ kandɔɔ hau, i co niaa duaa nuu tuisi coo.»

Aasee 2:19 Referans Kwoze

Malasi 3:10

La hun a o-tɔ́ndɔla niaalan kpow o cɛi mandaa bolofaa nin, haliko mi baloo va o ya lo cɛinin. La tɔɔndan-ndɔ hau ya lende, mì la tofa, te i kumbilnin niaa diola pɔmbɔla co o halataala lan, mì tuisi niaa duaa bɛndu-bɛndu hiow ɲɔɔn kpow-vo coo le. Ya Mɛlɛka-Nɔ-Kpaayaa-Kpow-vo dimi lende ni.

Matie 6:33

La nuwviaa vɔ fɔlɔn masale Hala len a dɛnɛ sandaa ndɔɔ. O kon, ɲɛm mun kpow n hendulun niaa lecoo.

Condii lisai 84:12

Kani paalen a kɔ̀ɔ̀ cɔwvo Hala co ni, o co naa kɛndɛi tosal-lo mo va naa bɛɛlen keo. O kɛɛ le vanaa co kelaa o nɛila ndɔlan coo-a dɛnɛ kɛndɔɔ tosal-lo le.

Tɔŋ miingua 15:10

Lelan, la bɛnda mì la yɔngu ndu ɲɛ o nɔ makoo-o a kɔlkɛndɔɔ, o va a kɔl tambɛi le. Te la yɔngu pɛ ndu a kɔlkɛndɔɔ, Mɛlɛka Hala niaa dɔw niaa duaa o kpekula niaalan kpow nin a o ɲɛ-ɲɛ niaa vanin tosaa kpow nin.

O Kandɔɔ 26:12

Vɔsi kon, mí Isaak váà ciɛi o lɛŋnde len nin, mó koaw ɲɛ o saŋ-ndo háá bɛmbɔɔ kɛmɛ. Kani Mɛlɛka va ndu duaa dɔvɔɔ.

Condii lisai 133:3

O co macoaa maa kɛmma co tolɔɔ o pembei Hɛrmɔn ndan, ma co tolɔɔ o pembon Siɔn coo-an pɛɛn. Kani Siɔn ndon Mɛlɛka kila calta ndɔlan ni, o cii fonda kalaa duaa dɔvɔɔ le lɔ́ɔ́-lɔ́ɔ̀.

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Yeremi 31:14

I piminin vanaa-solia-lasálàá visin macuɛiyon, mì vanaa nia pim ɲɛm nin kɛndɔn.›» Sɔɛi fula Mɛlɛka o sondo-e co ken ni.

Yɔɛl 1:12

Nakɔla n'rɛsɛnndan la vesan sɛ́ɛ́n, voosoei ɲɔfɔliaa. Krenadiei, vawvan, pomiee a yɔmnde yondoo nin kpow i vesa. Kɔlkɛndɔɔ ɲum vanndacieea tɛɛn.»

Yɔɛl 2:14

Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Tɔŋ miingua 28:22

Mɛlɛka soaŋnin niaa a nààlan, mì la ɲaw ɲawvo pila, o tuisinin niaa dialun tuwvon a kpasamaa súúlan kpow coo, o tuisulnin niaa valoo a nààla latɔlɔɔlan. Nààla lan la lonin niaa yɛɛvɔɔ dɔvɔɔ háá mì la cuu vu kpow.

SƐBƐ YƆB-O 39:12

Bàà ndu koni n tiindan vɛlɛ le ɲɛm n kow-von vilio o kpele lɔaa n'mallo coo ni?

Aasee 1:11

I tuisi valoo o lɛŋnden coo, o pembon coo, o ciɛɛn n'mallon coo, o nakɔla n'rɛsɛnndan coo, o nakɔla olivieelan coo a o tɔlɔɔla tɔ̀lan kpede coo, mí tuisi vɛlɛ valoo vanndacieea a cɔlua coo, mí baalala niaalan kpow la va tambei.›»