Aasee 2:17 - BII BILA

¹⁷ Ya Mɛlɛka, mí veesiaa ɲɛm niaa vaa-on, mí tosa mí n sia o tumndan coo, mí tuisi loeon delian lecoo. Kɛ a kon kpede, la muungu ya ibuŋ te.

Aasee 2:17 Referans Kwoze

Tɔŋ miingua 28:22

Mɛlɛka soaŋnin niaa a nààlan, mì la ɲaw ɲawvo pila, o tuisinin niaa dialun tuwvon a kpasamaa súúlan kpow coo, o tuisulnin niaa valoo a nààla latɔlɔɔlan. Nààla lan la lonin niaa yɛɛvɔɔ dɔvɔɔ háá mì la cuu vu kpow.

Aasee 1:11

I tuisi valoo o lɛŋnden coo, o pembon coo, o ciɛɛn n'mallon coo, o nakɔla n'rɛsɛnndan coo, o nakɔla olivieelan coo a o tɔlɔɔla tɔ̀lan kpede coo, mí tuisi vɛlɛ valoo vanndacieea a cɔlua coo, mí baalala niaalan kpow la va tambei.›»

Aasee 1:9

La va yiyanndo maa niáà sɔlanin taw, kɛ la tofa vɔ ɲɛ-pɔmbɔ niaa sɔla-o. O pɔmbɔ niaa fula vɛlɛ kon o ba ciee-o, mí hul ndu, mó sɛŋin niaa o ba kpede. Le yɛɛ nɛ ken tosan yɛ lende? Ya Mɛlɛka-Nɔ-Kpaayaa-Kpow-vo ɲuna nuaa ni. Ken tosan fondo le, le tùú niaa mal Cɛi nuu o piɔlɛiyo, mí vana-vana landu hɔlla o cɛi ndɔ ndu pilaa coo-o.

1Masaa 8:37

Te yima fofolan ma lueilul nda pɛ o lɛŋnden nin, mì nàà halimaa tol nda coo, te tɔlɔɔlan la ɲɔfɔliaa pɛ mì la foofi, te sóónɔa a kambalaa súú-súù ka luɛi pɛ o lɛŋnden nin, te yaamɔɔa tiila pɛ vanaa nɔmnda o kobila mayoomula ndalan nin mà tiw nda ba, te kpundɛlan a nààla vɔɔnndan la tol pɛ nda coo,

Yeremi 5:3

Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

Dɛnnda cɔɔmuanndan 2:21

I ke ndu telenndo le mangalanndo, kɛ o yeema mò mangalan, mò faŋan laasian ndɔ kon te.

Amɔs 4:6

Ya Mɛlɛka yɛ, mí tuŋ niaa ɲɛdiaa, mí la lo sondola fondo o kobila niaalan nin, mí tuisi niaa yima fofolan coo o calta niaalan kpede. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

Yeremi 3:24

Kandɔɔ o felengiyɛi nɛi nin, piɔmaa ndaa cii ɲɛm fuɲaa naa nuwviaa-on dio few: cɔlua pɔmbɔa a cɔlua bɛndua, poaa ndaa a cuavaa ndaa laandua.

Esai 62:8

Mɛlɛka mɛnan a kpaaya ndɔɔ aa: «I yɔngu lɛnin yaamɔaa nɔmnda malun nɔmndon, mà dɔwnun balo a mun te, cuavaa miallo kol-lɛnin mɔima yɛngima nɔm-ma fula o sanga nɔmndo nin-ndan te.

Esai 42:25

Lean Mɛlɛka tuisi kɔl ndɔ tuw bɛndoo Israɛlla coo ni, mó tuisi nda cɔw kàlà-kálàá coo, mí cɔw kon ŋɔaw nda ba-ba fee, kɛ a bii ɲɛ-ɲɛ bila le. Mí kɔltuw ndɔɔ loam nda, kɛ a dow ɲɛ-ɲɛ taasi mà bii ndu o kɔl te.

Esai 37:27

Vanaa co o kobila lan nin-nda a nɔ kpaaya le, siòònde bii nda má yɔŋnun kɔndɔmɔlɔɔ a siɛmbulan. Maa bil pɔmbɔ co yondoo nin-ndo nda co ni, maa yondo puiyaa nda co ni, maa bil tala o yindɔla cɛilan coo-o nda co ni, a yɔŋnun maa malun lavulun vesan telen pá mi tumndo kandu fulaa-on.

Esai 9:13

Lelan, Mɛlɛka faŋanin bollen a puilen, siɔ̀ɔ́la vawlan a kpɛ̀ndɛ̀len o lɛŋnde Israɛl-ten nin o paalen ten pilɛ nin.

Condii lisai 78:46

Mó mal tɔlɔɔla ndalan kamballa o ba, mó mal vɛlɛ kɔmnde vali nda tosa-o sóónɔa o ba.

SƐBƐ YƆB-O 36:13

Kɔltuwvo tuŋ co vanaa kɔl vɔɔnda nin ni. Hala va nda bɛɛ yiiyo a yɔlɔn, a veelu le mala sɔla le.

2Dɛnnda lemasalan 28:22

Hali telen ndu Ahas va kon o sangaa nin-ndo, o pɛngi Mɛlɛka kɔɔ mulullo le.

2Dɛnnda lemasalan 6:28

Te yima fofolan, te kon te nàà halimaa tol pɛ o lɛŋnden nin, te tɔlɔɔlan la vesa pɛ, te kon te mì la sɛ isisi o ciɛɔn nin, te sóónɔa a kamballa tol pɛ o lɛŋnden nin, te yaamɔɔa hinul pɛ vanaa nɔmnda o lɛŋnde ndalen nin, mà tiila nda o kobila ndalan nin, te sanga oo sanga, te kon te naa oo naa tol pɛ nda coo,

O Kandɔɔ 42:27

Mɛɛ nda tiiya nɛɛ ndáà yeema le lɔan-nda, mí vana pilɛ nda tɛɛn kumbi bɔlɔ ndɔɔ le sofɛlɛ ndɔɔ billo yɔngoo le dioo, mó ca volin ndɔn o bɔlɔɔ sondoo.

O Kandɔɔ 42:23

A ve sina maa Yosɛf co sɔɛi ndɛi tueyɔɔ le, kani vana hivia isɔɔ Yosɛf ndóò cua le suukanndo nda ndaa ni.

O Kandɔɔ 42:6

Yosɛf va lɛŋnde Esipte len kpow bollen ni. Ndóò nɔ hɔlten o balo nda va cuavaa lelɛŋnda pisio o ba-o coo ni. Mí bɛndaa ndɔa hun baŋ vulan ndu o labɛngunin, má tundu bolle lɛŋ.

Esai 28:2

Kani tofa vɔ, Maalii nɔ langbanɔ mayoomu nɔ kpaayaa-o o ba, kpaaya ndɔɔ co maa piɔɔ loeon deliaa, maa hoeyii fùkù-fùkùi tɛɛmbuu ɲɔɔn-nde, maa piɔɔ hoeyii bɛndu tosa mi mɛnndan ma pɛ o peela pɔmbɔlan, mi ma va ɲindɔɔ taw-ve. O ɲindunin mɔsil lemasa kon lɛŋ dí a kɔltuwvo.

Condii lisai 128:2

A dianin vali nɔmndo tɔnɔ, a dɔawnunnin duaa, mì dɛnndan kpow la bɛnda nɔm o ba.

Aasee 1:6

La co saŋɔɔ taw, kɛ la co ɲɛ bɔɔ kovɔɔ le. La co dioo, kɛ la co pum te. La co kolɔɔ, kɛ ma co niaa biyɔɔ le. La co volɔɔlan cuɛinɔnndo, kɛ la co niaa hangul heelu le. Sala vana baalaa co sɔlaa-o co luɛyɔɔ o bɔlɔ buliɛiyo nin.

Aasee 2:16

yɛɛ nɛ va yɛ niaa tosalanndo? Te vanndo ndóò kɔɛ pɛ maalon cuaa panio bidiin o konda, tɔ́ daama ndóò komal ni. Te vanndo ndóò kɔɛ pɛ le mɔiyan litililan beleŋuɛɛnu kɔndɔɔ o doolaa nin, litililan bidiin daama ndóò komal ni.

Malasi 3:11

I ciilunin niaa sóónɔa tɛɛmbuu tɔlɔɔlan-nda. À tɛɛmbuu lɛnin nakɔla niaalan te, rɛsɛŋun niaan pɛngi lɛnin komɔɔ le. Ya Mɛlɛka-Nɔ-Kpaayaa-Kpow-vo dimi lende ni.