Aasee 2:14 - BII BILA

¹⁴ Mí Hasee muli aa: «Lende vannda ha co ni, lende vanaa co o lɛŋnden nden nin-nda co ya Mɛlɛka o hɔl ni. Diom ya Mɛlɛka soo-o co kon ni. Lende baalala nda co tosaa a bala ndalan ndan la co ni. Ɲɛm nda co hunɔɔ ya o hɔl-lon kpow, n'nɔɔlɛiyon n co ni.»

Aasee 2:14 Referans Kwoze

Tite 1:15

Ɲɛ-ɲɛ co o diandaa le vanaa diandaa, kɛ ɲɛ-ɲɛ dindu le vanaa co a nɔɔlɛi Mɛlɛka o hɔl, mà kɛɛ laalan nda le, kani kɔlkalu ndaa a yiyan ndaa kpede la dindu le.

Talelan 28:9

Te vanndo kinda pɛ nilan haliko o tuɛi tɔŋndo le, piɛile ndɔlen le siŋnun ɲɛ vɔɔn bɛndoo.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Yude 1:23

La tuiŋi nda o yin, mì la ciindiaa nda. Vanaa tɔ̀a yɛ, la nɔ ɲíí ndɛi, kɛ la caa dɛ. La cɛl le mɔɔsianndo a nda le, hali le volɔɔla ndala nɔɔla a yeemɛi ndɛi vɔɔnde lan pilanndo.

Talelan 21:27

Ɲɛ vɔɔn bɛndoo pila sálà vanaa kɔlvesɛiya co ni, kɛ taama-taama, a soli ndu pɛ a yiyan nɔɔlɛiyo.

Talelan 21:4

Tofa heelanndo a kɔl yongaa sólì haki vanaa kɔlvesɛiya ceen ni.

Osee 9:4

À solul-lɛnin Mɛlɛka sálàla mamɔilan te, o hini lɛnin kɔl a sálàla ndalan te. À solul lɛnin lasálà le ndu hɛnanndo le. Le nda, ɲɛdiaa vanin maa ɲɛdiaa dɛnɛ palaa. Vanaa dianin ndu-a kpede a siŋnunnin vanaa nɔɔlɛiya. Ɲɛdiaa ndaa dɔawnin nda pila balo, kɛ a lueinin ndu o Cɛi-Mɛlɛka-o nin te.

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.