Aasee 1:9 - BII BILA

⁹ La va yiyanndo maa niáà sɔlanin taw, kɛ la tofa vɔ ɲɛ-pɔmbɔ niaa sɔla-o. O pɔmbɔ niaa fula vɛlɛ kon o ba ciee-o, mí hul ndu, mó sɛŋin niaa o ba kpede. Le yɛɛ nɛ ken tosan yɛ lende? Ya Mɛlɛka-Nɔ-Kpaayaa-Kpow-vo ɲuna nuaa ni. Ken tosan fondo le, le tùú niaa mal Cɛi nuu o piɔlɛiyo, mí vana-vana landu hɔlla o cɛi ndɔ ndu pilaa coo-o.

Aasee 1:9 Referans Kwoze

Aasee 1:4

«Vɛ̀ɛ̀ telenndo tiiya le niaa pila, mì la vannun o cɛila sɔvɛla kɛndɛ-kɛndɛlan nin, mì Cɛi nuu vá o piɔlɛiyo?»

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

Malasi 2:2

Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.

Aasee 1:6

La co saŋɔɔ taw, kɛ la co ɲɛ bɔɔ kovɔɔ le. La co dioo, kɛ la co pum te. La co kolɔɔ, kɛ ma co niaa biyɔɔ le. La co volɔɔlan cuɛinɔnndo, kɛ la co niaa hangul heelu le. Sala vana baalaa co sɔlaa-o co luɛyɔɔ o bɔlɔ buliɛiyo nin.

Esai 40:7

Te hoeyii Mɛlɛka-e hɔŋ pɛ o bil kon coo, o vesa, yandɔɔ ndɔɔ cɛɛlun. Lekɛ́ndɛi, maa billo vanndacieea co ni.

Dɛnnda cɔɔmuanndan 2:4

Kɛ i hini kɔl a nɔm te, a mal kaola tase nɔm óò nɔ-o.

SƐBƐ YƆB-O 10:2

I co Hala dimul aa: ‹Yaala vɔ ya le. Cɔm-ndɔ ya dɛnɛ ya tɛɛmbuu-o.

2Masaa 19:7

I co ndu yiyanndo pum malɔɔ o kɔl, te o tuei dɔ́ɔ́ pɛ yoongoo pum, o cannin mò muungu o lɛŋnde ndɔlen nin. O lɛŋnde ndɔle len nin ya tuisinin ndu mɔɛi cɔwve coo ni.»

2Samiɛl 22:16

Mɛlɛka pɛɛliaa, mí mɛmma ihɛllan ma vela mí pee kɔllo fula ceen, mí hoeiye fula ndu o tɛɛngun lamilinndon, mí lɛŋnde tumnden le kalaŋan.

2Samiɛl 21:1

O masale David len bɛngu, mí yiaan ma luɛi o lɛŋnden nin le vɔsilan tan yáá. Mí David ɲuna Mɛlɛka le sinaa a sɔɛi ken o kɔɔ, mí Mɛlɛka mulul ndu aa: «Le tùú Saul nda yungu ndɔɔ a diw Kabaɔnnda-o yiaan man ma tol niaa coo ni.»

Talelan 27:20

Ciee-piɔ́m a soon bɛndoo pe a vanndacieea le, lende koni, hɔltan la sanga a cɔu le.

Vana Kɔlkaloo 1:8

Vana nɔla bɛɛ sondo cua le cɔmndo mɛɛ saangaa fula o kon kpow nin yɛ le. Hɔlten le sángà a cɔu lɔ́ɔ́-lɔ́ɔ̀ le, nilan bɛɛ la sángà a tueyɔɔ le.

Esekiɛl 21:31

Lelan tuei-yɔ mɛɛ Maalii soo yɛ, Mɛlɛka pɛɛn: ‹Tɔɔmasele lemasaa faŋannin nɔm coo, mɔsil lemasaa sungunnin nɔm o lebol. Ɲɛ-ɲɛ mangalanin! Ɲɛ co o tuisianndo-o heelunnin, mì ɲɛ co o heelanndo-o tuisin.

Tɔŋ lasálàá 19:25

Kandɔɔ nin o vɔsi ŋuɛɛnundɔɔ, la nɔla mì la kɛndu kɔmnde len le niaa pila, mì la de. Te la tosa pɛ lende, tɔlɔɔla niaalan la kom kɔmnden pila, la vangalan. Ya co Mɛlɛka ni, Hala niaa pɛɛn.

Tɔŋ miingua 28:38

La saŋnin kullon taw o ciɛɔn nin, kɛ la kuwnin ɲɛ bɔɔ le. Kani sóónɔa ciinin mun dio.

Talelan 11:24

Mì vanaa pum yɔngu taw, mì ɲɛ nda sɔlaa kui vɛlɛ. Mì vanaa pum nda manda le nda pila ma hiow ba, kɛ mà cennun bala fondo.

Esai 5:10

Vanndo vaanin bɛɛ nakɔ n'rɛsɛnndo hòólan tɔ́, mɔiyan ɲɛ-pɔmbɔ daama o sɔlanin ni. Vanndo saŋnin bɛɛ malun yɛiyon bɔlɔ sankiloo o pilɛ, kambɛiyo ca kínɛí o koawnin ni!›

Yeremi 12:13

Niáá saŋ maalon, mi la va yɔɔn booson kovɔɔ. La co sangaa bɛndoo pila, kɛ la co tɔnɔ oo tɔnɔ sɔla le. Siɛmbulan la bii niaa a ɲɛ niaa co kovɔɔ-o, ken tosan le tùú Mɛlɛka tambu kɔllo a niaa taw-vo.