Aasee 1:11 - BII BILA

¹¹ I tuisi valoo o lɛŋnden coo, o pembon coo, o ciɛɛn n'mallon coo, o nakɔla n'rɛsɛnndan coo, o nakɔla olivieelan coo a o tɔlɔɔla tɔ̀lan kpede coo, mí tuisi vɛlɛ valoo vanndacieea a cɔlua coo, mí baalala niaalan kpow la va tambei.›»

Aasee 1:11 Referans Kwoze

Aasee 2:17

Ya Mɛlɛka, mí veesiaa ɲɛm niaa vaa-on, mí tosa mí n sia o tumndan coo, mí tuisi loeon delian lecoo. Kɛ a kon kpede, la muungu ya ibuŋ te.

Tɔŋ miingua 28:22

Mɛlɛka soaŋnin niaa a nààlan, mì la ɲaw ɲawvo pila, o tuisinin niaa dialun tuwvon a kpasamaa súúlan kpow coo, o tuisulnin niaa valoo a nààla latɔlɔɔlan. Nààla lan la lonin niaa yɛɛvɔɔ dɔvɔɔ háá mì la cuu vu kpow.

2Masaa 8:1

Mí Elise dimul cua ndóò mingi po ndɔɔ yoomu-o aa: «Cɔn mì la faŋan nanu niaa yungu nɔmndo, mì la kɔ cal nɛɛ niaa tiwnin ba-a. Kani Mɛlɛka co yima fofolan tuisi o lɛŋnden nden nin háá le vɔsilan tan ŋɔmmɛw.»

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

Amɔs 9:6

Mɛlɛka cɔw calta ndɔlan o halataala, o tondu halataalaa o lɛŋnden coo, o cuungiaa mɛmma ihɛllan, mó saŋ man o lɛŋnden coo. Diola ndɔlan aa Mɛlɛka.

Amɔs 7:4

O kon kɔɔli, ɲɛ Maalii, o co Mɛlɛka-o cɔm ya o vundulen nin-ndo yɔŋnun hoo ni: Mí Maalii, o co Mɛlɛka-o va yamɛi kiolɔɔ a yinnden. Mí yinnde len le va soon bɛndu-bɛndu co o lɛŋnden bɛngu-o lomɔɔ.

Amɔs 5:8

Mɛlɛka cɔw mɔmtombolaa, ninaa kundaa a nanga-nsiiyo ni. Ndu mingi ɲumndan ɲɛ-tengaa paale siaa ni, ndu piimiaa paalen ni, mò mingi len ɲumma bɛnduan. Ndu cuungiaa mɛmma ihɛllan ni, mò saŋ man o lɛŋnden coo. Diola ndɔlan aa Mɛlɛka.

Cɛɛŋɔnnda Yeremi lan 1:21

Vannda co ya tuɛyɔɔ kuŋndan, kɛ vana-vana co ya ɲɔɔlu le. Yaamɔaa nia kpow a tuei dɛnɛ palaa nuu tɔ́ɔ́, a co ɲaaloo dɔwnɔnndo le tùú n tuisi ya ndu coo-o. Màá paale n dimi sɔɛi ndɔɛi len le tiiya, haliko mi nda bɛɛ a muungu maa ya!

SƐBƐ YƆB-O 34:29

Te o meinun pɛ, nɛ̀ɛ́ yaala yɛnin ndu le ken? Te o ven pɛ hɔlaa ndɔa, nɛ̀ɛ́ nɔla yɛ mò tofa ndu kangalan? O nɔ hɔlten lɛŋnde a vanaa co icali lenin-nda coo,

Yeremi 14:2

«Vannda Yuda co o mɔnɛi nin, kobila ndalan la co yɛɛvɔɔ dɔwnɔnndo, a co a hɔlaa yiyaa icali lɛŋ. Yerusalɛmnda co koŋullo, mì diom ndaa va kɔlan háá o halataala.

Malasi 3:9

Niaa vanaa co icali o lɛŋnden-nden kpow coo-a, danga bɛndoo co le niaa, le hui niaa co ya-o.

Malasi 3:11

I ciilunin niaa sóónɔa tɛɛmbuu tɔlɔɔlan-nda. À tɛɛmbuu lɛnin nakɔla niaalan te, rɛsɛŋun niaan pɛngi lɛnin komɔɔ le. Ya Mɛlɛka-Nɔ-Kpaayaa-Kpow-vo dimi lende ni.

Aasee 2:19

Vɛ̀ɛ̀ ɲɛ lo lɛ pá o lakonda? Nakɔla n'rɛsɛnnda, nakɔla n'buumbuulan, nakɔla krenadieelan a nakɔla olivieelan la co lɛ komɔɔ le. Kɛ kandɔɔ hau, i co niaa duaa nuu tuisi coo.»