3Nsaŋ 1:11 - BII BILA

¹¹ Caan ni ya kaola-o, del vanndo kɔɔli o dɛnɛ vɔɔndo tosaa nin te, kɛ o va o dɛnɛ kɛndɔɔ tosaa nin. Vana tosà pɛ dɛnɛ kɛndɔɔ, o Hala-o co kon ni, vana tosa pɛ dɛnɛ vɔɔndo, mɛɛ ndu sínà Hala le.

3Nsaŋ 1:11 Referans Kwoze

Condii lisai 37:27

Kpakpala dɛnɛ vɔɔndo, ma tosa dɛnɛ kɛndɔɔ, o kon, a vanin o lɛŋnden coo lɔ́ɔ́-lɔ́ɔ̀.

Efɛsea 5:1

Le tùú niaa co cuavaa Hala kaola-a-o, la kindin mì la tuula ndu o niinu niaa nin.

1Piɛr 3:11

O bɛnda mò kpakpala dɛnɛ vɔɔndo, mò tosa o kɛndɔɔ, mò nuwviaa dɛnɛ kɛndɔɔ, mò tol ndu kɔɔli.

Nsaŋ 3:20

Kani vana-vana va pɛ dɛnɛ vɔɔndo tosaa, nɛyɔn ɲɛ-tengaa va ndu ni, o fula o ɲɛ-tengaa le, yɔŋii dɛnnda vɔɔnnda o co coo lan la fula ceen.

Condii lisai 34:14

mɛɛ o manda diɛɛmule ndɔlen a sɔɔn vɔɔnndon, mò manda cɔcɔn ndɔn a sɔɔn lacòòvan.

1Piɛr 3:13

Nɛ̀ɛ́ saangiaa yɛnin niaa, te la nɔ pɛ dialun fulan le dɛnɛ kɛndɔɔ tosaa?

2Timote 3:10

Kɛ nɔm Timote, a bii pɛɛkula nilan bila, a sínà niinu nuu, a sínà dɛnnda ya tuwnun o kɔltan, laalan nuu, biuvɔn nuu, kaola nuu, a mɛɛ ya sim yili o tiindan nuu coo yɛ,

1Nsaŋ 2:29

Te la sínà pɛ maa Krista sandu, mɛɛ la sínà vɛlɛ maa vana-vana tosa pɛ dɛnɛ sandaa, mɛɛ cua Hala-o o co ni.

1Tesalonikea 2:14

Lelan puapilɛa naa, dɛnɔɔ ho yɔŋnun niaa maa vanaa laalaŋaa co Yuda-a, a co le Hala má laalan Yeesu Krista-a pɛɛn. Vanaa niaa co súú pilɔɔ-a saangiaa niaa, mí la sɔla sangaa maa mɛɛ vanaa laalaŋaa kan a sɔla sangaa Yuifia o ba yɛ.

1Tesalonikea 1:6

Niaa yɛ, a sanga bɛndu niaa sɔla-o kpede, mí la vial naa, mí la vial vɛlɛ Maalii o dɛnndan nin, mí la cɛl sɔɛi Hala-e a ɲaaloo, ɲaale Hala Kɔl-Diandaa yɔngu niaa-o pɛɛn.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Nsaŋ 10:27

Saa nia tuɛi ya diom. Ya, i sina nda, a co ya kɔɔli.

Fulaa 23:2

La del fàngà-kundaa kɔɔli le dɛnɛ vɔɔndo tosaa le. Taa veelu nɔm pɛ le seilen timbio o kɔɔsɔɔ, del fàngà-kundaa kɔɔli le toɲaa vionɔɔ le.

Hebreea 6:12

La vá vanaa dialun vílɛ́i le, kɛ la vá velan vanaa laalaŋaa kindin má lo lecoo-a, a sɔlá ɲɛm Hala yii kpemaa-on kɛ́ɔ-va pɛɛn.

1Korɛntea 11:1

La tuula ya mɛɛ ya bɛɛ co Krista tuulaa yɛ.

1Korɛntea 4:16

Lelan i co niaa tɛɛlɔn, la va maa ya.

Talelan 12:11

Vana váá pɛ ciɛi ndɔɛi, ndu sɔla baloo taw. Kɛ vana del pɛ sɔɔn fondon kɔɔli, mɛɛ ndu pe lebol te.

Filipea 3:17

Puapilɛa nia, la tuula ya. La tofa vanaa co kelaa maa mɛɛ niaa ce naa kelaa yɛ-a.

1Nsaŋ 3:10

Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.