3Nsaŋ 1:10 - BII BILA

¹⁰ Lelan te i hin pɛ, i cɔmnin dɛnnda o co coo lan, o co kelaa a naa o sondo, o hini kɔl te, ndu pila bii n'mial te, mo va vɛlɛ vanaa co nda biyɔɔ-a kuunaa, o co nda solio o kunda vanaa laalannda nin.

3Nsaŋ 1:10 Referans Kwoze

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Talelan 10:10

Vana vin pɛ caanda toɲaa a saangiaa nda, vana soo pɛ mɛ̀ɛ́-mɛ̀ɛ́ ka, laasiando co ndu levil te.

2Korɛntea 13:2

Lɔ́ɔ́ ya kɔɛ kɔla diinndɔlan-ndo, mí sila vanaa tosa dɛnnda lahakilan-nda a vanaa celen o sɔɔn mun coo. Hau vɛlɛ bɛɛ, i co bɛɛ niaa tɛɛn te, kɛ i co mun pɔɔ sondo mingi. Nduyɛ lɔ́ɔ́ ya muungunin o niaa lo lon-ndo, i hɛlinin vana-vana le.

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

Talelan 10:8

Vana kendu kɔllo-o cɛl tɔŋndan ni, kɛ vana soaa mɛ̀ɛ́-mɛ̀ɛ́ ka-o, laasianndo co ndu levil te.

3Nsaŋ 1:5

Caan ni ya kaola-o, dɛnɛ kɛndɛ bɛndoo pila n tosa le puapilɛa ni, taama-taama a co mialla-a.

Nsaŋ 9:22

Vanaa po kon a suu lende fondo le, kani ndáà nɔ siòònde a Yuifia, kani mí Yuifia ndáà cɛlan maa vana-vana dimi pɛ kpendekele maa Yeesu co Krista ni, a soli ndu o cɛi lekaando nin.

Dɛnnda kiilaa 1:15

Paale pilɛ, mí vanaa laalannda cuungian, a va le vannda kɛmɛ bidiin. Mí Piɛr can nda tɛɛn, mó dimi aa:

Kalatea 6:10

Lelan, telen naa n nɔ vɔ fondaa-o, n tosalan vannda kpow dɛnɛ kɛndɔɔ, kɛ taama-taama puapilɛa naa vanaa laalannda.

1Timote 5:13

Handɔɔ o kon coo, a luɛi siɛlɛiyo, a cɛn keiyo balɔɔ cɛilan nin. Handɔɔ vɛlɛ o siɛlɛi kon coo, a siŋnun vanaa tombolaa a vanaa vow sondolan o sɔɔn pilan nin-nda, a muungu sɔɔn nda bɛnda le dimi loon dimio.

2Nsaŋ 1:10

Te vanndo hin pɛ o niaa lo, mò hin a pɛɛkuu kon te, la yiya ndu o niaa lo cɛinin te, la yil ndu bɛɛ le.

2Nsaŋ 1:12

I nɔ sɔɔn celen taw le niaa, kɛ i cɛl le mun sɛvaa o sɛbɛ coo a lekpɛki le, kani i yeema mì kɔɛ o niaa lo, mì i kɔ soo niaa o lani sanaa, haliko mi ɲaale naa peelun.

3Nsaŋ 1:3

I nàŋ kɔl taw, kani puapilɛa hin má timbi seilen le toɲa co nɔm o kɔl-lo a le kela kɛndɛ n co cɔmndo o nɛi toɲaa coo-o.