2Timote 4:7 - BII BILA

⁷ I kindi a labɛɛla, mí tiindan Mɛlɛka, i cii vali va le ya-o tosa, mí kindin, mí lo o laalanndo coo.

2Timote 4:7 Referans Kwoze

1Timote 6:12

Cɔlɔba cɔlɔba toɲaa a laalanndo. Kafalan cinda lɔ́ɔ́-lɔ́ɔ̀, kani le ndu n sɔla veeloo telen n cɔm laalan nɔmndo seiya taw o hɔl-lo ni.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Luke 11:28

Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»

Dɛnnda cɔɔmuanndan 3:8

I sínà dɛnnda nɔmndan. Tofa vɔ, i kumbi vakpa nɔm laci, ó vana-vana nɔla kinda loo, kani a nɔ kpaaya bɔɔ le, kɛ a kon kpow, má manda sɔɛi nii, a kɛɛ diola nilan te.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Luke 8:15

Yɛi del o lɛŋnde kɛndɛlen-ndo, ndu co vanaa tuɛi sɔɛi Hala-e, má bii ndi a kɔlkɛndɔɔ a á kɔlta ndalan kpow-va ni, má lo lecoo háá má koam komɔɔ kɛndɔɔ.»

1Timote 6:20

Nɔm Timote vana hɛnan ya-o, manda ke n sɔla-o ɲɛkɛndɛi. Kpakpala sɛɛngiannda fondola yɔngu vana laalan te lan, mà mal sɔɔn fondon vannda veelu aa dɛnɛ sinaa-on.

2Timote 1:14

Manda ɲɛ kɛndɛ yɔngun nɔm le mandaa-o, Kɔl-Diandaa co naa nin-ndo co nɔm mala mì manda ndu.

1Timote 1:18

Po nuu Timote, i co nɔm sɔɔn mun pɛɛkoo mɛɛ sɔɔn siɔdii laci-on n dimin paandu a nɔm o kɔɔ yɛ, haliko ma cɔlɔba cɔlɔba kɛndɔɔ,

Nsaŋ 17:6

I cɔm vanndacieea n cua o ceendo nin, má sɔaa ya o ba-a diola nɔmndan. Le nɔm nda va ni, má ke ya nda, má bii sɔɛi nɔmnde.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.

Dɛnnda kiilaa 13:25

Telen Nsaŋ va baala ndɔɔ siowvo-o, mó ɲuna aa: ‹O yiyan niaa nin, vana súú yɛɛ nɛ ya co yɛ? O co vana niaa co cumndo-o le ya co le. Ndu hunnin o ya kɔɔli, i co bɛɛ co ya timbi ndu samtalan o n'pelu le.›

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.

Filipea 1:30

Bau cɔlɔba pilɔɔ naa n co naa niaa ni. I cɔlɔba paandu niaa o hɔl, i co vɔ hiovɔɔ laci tuŋ, maa mɛɛ niaa sínà yɛ.

2Timote 3:10

Kɛ nɔm Timote, a bii pɛɛkula nilan bila, a sínà niinu nuu, a sínà dɛnnda ya tuwnun o kɔltan, laalan nuu, biuvɔn nuu, kaola nuu, a mɛɛ ya sim yili o tiindan nuu coo yɛ,

Dɛnnda cɔɔmuanndan 6:11

Mí doma bɛndu humboo yɔngun vana-vana o nda tɛɛn, o kon má dimul nda maa a cum ɲɛ-pɔmbɔ, háá mi caaŋaa ndaa nda tosa baala pilɔɔ-a a puapilɛa ndaa nda va hunɔɔ diyɔɔ maa nda-a ndáà siow bɔŋa.

Kundalan 8:25

Á tiiya nin pɛ vɔsilan beleŋuɛɛnu, nda bɛnda mà mal vallo, a bɛnda lɛ ma tosa vali le.

Masaa kialaa n'yamaa 3:2

Ndóò yeema mì Israɛlaa felengia va cɔnɔnndo sɛnɛi-ya, áà sina vɔ dɛnɛ cɔwvo le-a ndáà pɛɛku cɔwvo.