2Timote 4:5 - BII BILA

⁵ Kɛ nɔm nɔm, va vana taasio o dɛnndan nin kpow, mà biwnun sangalan, mà tiiyal vannda Yoongu Kɛndɔɔ, mà tosa vali n nɔ le tosaa-o maa vana baala Mɛlɛka-o.

2Timote 4:5 Referans Kwoze

2Timote 1:8

Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.

1Piɛr 1:13

Lelan, la va a bɛɛndiannda, la va o lapɔɛɛnɔn nin te. La handu tiindan niaa kpede o kɛndɛi tosalannin niaa lɔ́ɔ́ Yeesu Krista fulanin ceen-nde coo.

2Timote 2:3

N sàngà latulu mɛɛ vana cɔw kɛndɛ Yeesu Krista-o sàngà nuaa yɛ.

Kolɔsea 4:17

La dimul Arsipe le hɔlla landɔɔ o vali o sɔla Maalii o ba-o coo, o tosá ndu ɲɛkɛndɛi.

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

Dɛnnda kiilaa 21:8

Diimandɔɔ, mí n muungu, mí n tiiyaa Sesaree. Mí n kɔ luɛi o Filipe vana yondaa diom Hala-o lo cɛinin, mó yiya naa. Filipe kon va vana pilɛ o vanaa ŋɔmmɛvaa naa n hɛli Yerusalɛm-nda tɛɛn.

1Timote 4:15

Kindin mì nɔm pila yɔngun kpow o baala kon nin, o kon mì vannda kpede a ce mɛɛ n co hiovɔɔ laci yɛ.

1Tesalonikea 5:6

Lelan, n lɔlnùn maa vanaa tɔ̀a le. Kɛ n vannùn lahɔl yékén mì n vannùn vanaa bii kɔlta ndalan-nda.

Dɛnnda cɔɔmuanndan 3:2

Mɛɛndian, luei ɲɛ tɔ̀ lo nɔm o ba-o yoomuan, yɔŋii kon bɛɛ siow vu. Kani i ci dɛnnda nɔmndan la peelan Hala nuu o hɔl te.

Efɛsea 4:11

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa.

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

2Timote 2:10

Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo.

Luke 12:37

Dɛnɛ kɛndɔɔ co le vanaa baalaa kan, a vana nda bɛndoo komalnin cumullo telen o hunnin-ndo-a! A toɲa, mì dimul niaa, ndu pila cuɛinunnin volɔɔla valtan, mò kɛsi nda le dioo, mò piɔw nda ɲɛdiaa.

Marke 13:37

I ya co niaa hee dimullo-e, ndi koni ya co vannda kpow dimullo ni: La va o lapɔɛyɔn nin a niaa pila le.»

Kolɔsea 1:25

I siŋnun vana baala vanaa laalannda, maa mɛɛ vali Hala ke ya a niaa o kɔɔ-o co yɛ. O vem ya sɔɛi ndɔɛi dimio kpendekele,

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Marke 13:34

Ɲɔɔ tosannin maa langbanɔ cɛn kɔlan kelaa, mó mɛi cɛi ndɔɔ buɛyaa ndɔa o ba, mó ke vana-vana baala ndɔɔ, mó dimul kpalilnɔɔ le dioo cumullo-o.

Esekiɛl 33:2

«Po vanacieo sei, soo o vanaa niaa co yungu pilɔɔ-a lo, mà dimul nda aa: ‹Telen ya cuunin mɔɛi cɔwve o lɛŋnden nin-ndo, vanaa co o lɛŋnden nden nin-nda hɛli vana pilɛ o nda tɛɛn, mà siinguu ndu kpalilnɔɔ,

Esekiɛl 3:17

«Po vanacieo sei, i siinguu nɔm kpalilnɔɔ cuavaa Israɛlla coo. Nɔm, a yaŋ pɛ nilan o sɔɔn vanin fulaa ya o sondo-on, a kɔ hiw mun nda o lani o vomɔɔ nuu bɛngu.

Yeremi 6:17

I kɛsi kpalilla niaa ikɛi, la yaŋ diom buloo nilan. Kɛ mí la muli aa: ‹N yɛŋnin lani le.›

Esai 62:6

Nɔm Yerusalɛm, i kɛsi kpalilla o kpakila nɔmndan coo, vanaa kan bɛnda mà mei sondo le few, o va ipala, o va icɔl. Niaa vanaa co Maalii veeloo le loonɔnndo a Yerusalɛm o kɔɔ-a, pɛngi co le niaa le!

Esekiɛl 33:7

Lelan, nɔm Po vanacieo, nɔm ya siinguu kpalilnɔɔ le cuavaa Israɛlla ni. A bɛnda ma yaŋ nilan o sɔɛi vanin fulaa ya o sondo-e, mà tɛɛngul nda ndi o diola nilan.

Efɛsea 4:12

Ó tosa kon haliko mi vanaa diandaa tiwba baala Hala-o tosaa le dialun Krista-on hivio laci.

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Matie 25:16

Fɔ́ɔ́fɔ̀, mí vana sɔla sianin n'kpungban kɛmɛ leŋuɛɛnu-o kɔa, mó kɔ tosa yulalen a mun, mó sɔla tɔnɔɔ sianin n'kpungban kɛmɛ leŋuɛɛnu lecoo.