2Timote 4:14 - BII BILA

¹⁴ Alɛksandre siɛɛkinɔɔ tosal-la dɛnnda vɔɔnndan taw. Mɛlɛka mingulnin ndu mɛɛ dɛnnda ndɔlan la co yɛ.

2Timote 4:14 Referans Kwoze

1Timote 1:20

Vanaa kan a pum a co haa ni: Himene a Alɛksandre, a ya mal Setana o ba-a, haliko a pɛɛku lɛ vannda le sɔɔn tana dimio a Hala o kɔɔ le.

2Tesalonikea 1:6

Nduyɛ Hala sandu, o saangiaanin vanaa co niaa saangiaa-a,

Condii lisai 28:4

Mingul nda mɛɛ kela ndaa co yɛ, bii nda mɛɛ dɛnnda nda vɔɔnndan la co yɛ. A toɲa, tosal nda mɛɛ dɛnnda ndalan la co yɛ, ma mingul nda ɲɛ nda tosa-o.

1Samiɛl 24:12

Òó Pua, tofa vɔ! Tofa vɔ bɔ̀ɔ̀le doma nɔm bɛndoo ya o ba! Yáà tiwba mì yáà dii nɔm, kɛ bɔ̀ɔ̀le doma nɔm bɛndoo daama ya kelu ni. Lelan sina maa i nɔ nɛyɔn nɔm te, i tɛɛndan nɔm te, i cue vɛlɛ haki a nɔm te. Kɛ mí nɔm va ya tovɔɔ le ya diyɔɔ.

Dɛnnda cɔɔmuanndan 18:6

La tosal ndu mɛɛ ndu tosal caanda yɛ, la mingul ndu dɛnnda o tosa lan vangalaa lediin. La bingulan mɔima nɛyaa-nɛyan súúlan tan tiɔn o taala ndu va caanda talallo-o nin.

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Yeremi 15:15

Kɛ nɔm Mɛlɛka, a sina dɛnndan kpow. Yiyan ya coo, mà tosal-la kɛndɛi. Mingul vanaa co ya saangiaa-a maa, lo biuvɔnndo a nda mì dɛnɛ pala ya le. Sina pɛngu maa le nɔm ya co yeowlan biuvɔnndo ni.

Condii lisai 62:12

Ɲɛ Hala dimi mì tuɛi ndu lɔ́ɔ́-lɔ́ɔ̀-o co ni aa: «Hala nɔ kpaayaa ni.»

2Samiɛl 3:39

Hali, i co bɛɛ hau masaa nuaa, dɛnɛ poaa Seruya-a ha tosa-o hiow ya mayoomu. Màá Mɛlɛka pila mingul vana-vana kɔlvesɛiyo mɛɛ kɔlvesɛi ndɔɔ co yɛ!»

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Dɛnnda cɔɔmuanndan 6:10

A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

Rɔmnda 2:6

O salanin vana-vana mɛɛ dɛnnda ndɔlan la co yɛ.

2Timote 4:15

Nɔm bɛɛ mandan a ndu dɛ, kani o simul bɔɔ sɔɔn nan.

Cɛɛŋɔnnda Yeremi lan 3:64

Éé Mɛlɛka! Mingul nda mɛɛ dɛnnda nda tosa lan la co yɛ.