2Timote 4:11 - BII BILA

¹¹ Luke ndu pilɛ kpé co ya ikɛi ni. Dimul Marke mì la hin niaa ndu, kani o nɔla mò mala ya o vallo nin.

2Timote 4:11 Referans Kwoze

Dɛnnda kiilaa 12:12

Mɛɛ o bii yiyan kon bila, mó kɔa o Mari lo cɛinin, Mari kalaa Nsaŋ pɛɛn, Nsaŋ ndáà veelu aa Marke-o. Vannda va a cuungiannda lon taw, a va Hala piɛiyo.

Filemɔn 1:24

Marke, Aristark, Demas a Luke vanaa naa n co baalaa latulu nanu-a bɛɛ a yil niaa.

Dɛnnda kiilaa 12:25

Barnabas nda Sol ciiyo baala ndaa tosaa, má mal Yerusalɛm, má muungun nda Nsaŋ-aa, o ndáà veelu vɛlɛ aa Marke-o.

2Timote 1:15

A sínà maa vanaa co Asii-a kpow a cii ya malɔɔ, hali Fikelus nda Hɛrmosɛne bɛɛ a mal-la.

Kolɔsea 4:14

Luke caan naa, o co dɔtɔlɔnɔɔ-o nda Demas a yil niaa.

Kolɔsea 4:10

Aristark caan ni naa n co o kaasoo-o yil niaa, Marke vanayɛi Barnabas-e bɛɛ yil niaa. I cɔm nin niaa isɔɔ a ndu o kɔɔ. Te o komal pɛ niaa, la bii ndu ɲɛkɛndɛi.

Dɛnnda kiilaa 15:39

Má sɛɛngian taw. O mɛɛlulan, má sɛiyan. Mí Barnabas cua Marke o dɛ̀ndɔ̀ɔ́ nin le kɔlan Siipre.

1Piɛr 5:13

Vanaa sɔla hɛlio Babilɔn maa niaa-a yil niaa, Marke po ni bɛɛ yil niaa.

Dɛnnda kiilaa 16:10

Pol ciiyo vundule len cɔu, mí n bɛɛndian fɔ́ɔ́fɔ̀, le kɔlan Maseduan ndon, kani mí n sina lekɛ́ndɛi maa Hala ndóò veelu naa le kɔlan vanaa va o kobi kon nin-nda Yoongu Kɛndɔɔ tiiyallo ni.

Luke 13:30

O kon, vanaa mɛɛlaa a pum a vanin vanaa tasea, mì a tasea siŋnun vanaa mɛɛlaa.»

Matie 20:16

O kon kɔɔli, mí Yeesu dimi maa lelan, vanaa mɛɛlaa vanin vanaa tasea, mì vanaa tasea siŋnun vanaa mɛɛlaa.»

Matie 19:30

Vanaa tasea bɔɔ-bɔɔ a siŋnunnin vanaa mɛɛlaa, mì vanaa mɛɛlaa bɔɔ-bɔɔ a siŋnun vanaa tasea.»

Osee 14:4

O co Asiri le nɔlanin naa ciindiaa le, n hel-lɛnin o soa cɔw coo le, n veelu lɛnin ɲɛ naa n cɔw a laba-o aa hala naa le. Kani nɔm tuinun vííyo iɲíí ni.›

Dɛnnda kiilaa 15:37

Barnabas ndóò yeema mì Nsaŋ, o nda veelu vɛlɛ aa Marke-o ndóò kɔɛ nda kɔɔli,

2Timote 2:21

Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.