2Timote 3:5 - BII BILA

⁵ A vanin Hala vow a lahɔl, kɛ mà kɛɛ kpaaya Mɛlɛka kpeekpeiyo. Faŋan vanaa vaa lende kɔɔli.

2Timote 3:5 Referans Kwoze

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Tite 1:16

Vanaa kan a tiwba mà dimi maa a sínà Hala, kɛ mà kɛɛ ndu o dɛnnda ndalan nin. A nɛinun bɔɔ vannda, vanaa nila kalua nda co ni, a tiwba dɛnɛ kɛndɛ kɛ́-kɛ̀ tosaa le.

1Timote 5:8

Te vanndo mulul vanaa ndɔa hɔlla le, kɛ taama-taama yungu ndɔɔ, mɛɛ o mal laalanndo, vana vaa lende hiow levɔw a vana laalan too.

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

Tite 3:10

Kanalan vana co sɛyanndo lueiyo vannda tɛɛn-ndo lepilɛ, mà kanalan ndu vɛlɛ o diinndɔɔ, o kon kɔɔli, a faŋan ndu kɔɔli.

2Timote 2:16

Vow sondoo o sɔɔn fondon idiɔmndon nin te, kani sɔɔn mun n tosa ni mì vannda cɔɔlu Hala faaŋian.

2Timote 2:23

Vòw sondoo o sɛɛngiannda fondola idiɔmndan nin te, kani lan la hun a sɔngɔlan ni.

1Timote 6:5

a sɛɛngiannda cuu le lan la fula ni, la vanaa yiyannda ndalan la laasian, a sínà lɛ toɲaa le-a pɛɛn. Vanaa kan a co yiyanndo maa Hala laalanndo yɔngù vana ɲɛ-sɔlaa ni.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

2Tesalonikea 3:6

Puapilɛa naa, n co niaa sɔɛi he dimul o diola Maalii Yeesu Krista lan, la faŋán vanaa siɛlɛiya kɔɔli, a co ceen ndaa vilio mɛ̀ɛ́-mɛ̀ɛ́ ka-a pɛɛn, a co ndu vili mɛɛ naa n pɛɛku nda yɛ le.

2Tesalonikea 3:14

La bii hee bila ɲɛkɛndɛi, te vanndo bii sɔɔn naa n co niaa dimullo o sɛbɔɔ ho nin-ndon te, la holnun ndu le, haliko mi siɛmbulan la tol ndu.

1Timote 4:7

Kɛ mal talela fondolan, la vanlaandua yuuvɛiya dimi lan ndan, mà kindin ma vo Hala.

1Timote 4:8

Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.