2Timote 3:16 - BII BILA

¹⁶ Diom oo diom co o sɛvaa o sɛbɛ Hala-o nin, Hala tosa ni mó sɛvan. Diomnda lan la sɛvan le vannda pɛɛkoo, le nda toɲaa dimullo, le nda mingio o nɛi a le nda silaa o dɛnɛ sandaa nin,

2Timote 3:16 Referans Kwoze

Rɔmnda 15:4

Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

Hebreea 4:12

Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

Marke 12:24

Mí Yeesu dimul nda aa: «Le hee niaa co luɛyɔɔ o pɔwlan nin nuaa ni, kani la bii ɲɛ co o sɛvaa o Sɛbɛ Hala-o nin-ndo bila le, la bii vɛlɛ kpaaya Hala-o bila le.

Condii lisai 119:9

Vɛɛ nɛ langbanɔ felengoo looku yɛ mo va o diandaa nɔm Mɛlɛka o hɔl? Mɛɛ mo bii sɔɛi nɔmnde.

Talelan 6:23

Kani tɔŋndo, fitinaa o co ni, pɛɛkoo, ɲɛ-tengaa o co ni, kanalannda silaalan, nɛi cindaa la co ni.

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

Condii lisai 119:11

I mandannin sɔɛi nɔmnde ya o kɔl kpan yɔŋii ya cua hakio a nɔm.

Condii lisai 119:130

Vana saalun pɛ sɔɛi nɔmnde, ndu sɔla ɲɛ-tengaa, i co vanaa tuisin-nda kɔlkaloo keo.

2Samiɛl 23:2

Kɔl Mɛlɛka-o kei a ya mó va sɔɛi, o handu sɔɛi ndɔɛi ya o lediɛɛmu.

Talelan 15:31

Vanndo yaŋ pɛ nilan o kanalanndan a ceendo o kɔɔ, o sɔla fonda ndɔɔ vanaa kɔlkalua tɛɛn.

2Timote 2:25

O bɛnda mò mingi vanaa co ndu simullo-a o nɛi a kɔlɲuloo, mò nɔ o kɔl maa Hala co tosa, mà mangalan, mà sina toɲaa,

Tɔŋ miingua 4:36

O tosa mí la tuɛi diom ndɔɔ fulaa o halataala le niaa pɛɛkoo. O lɛŋnden coo, mó cɔm niaa yinnde ndɔle bɛndulen, mí la tuɛi diom ndɔɔ sɔɛi lenin.

Dɛnnda kiilaa 20:20

La sinà maa i vin niaa ɲɛ-ɲɛ le, o bɛnda le niaa-o pɛɛn. I pɛɛku niaa ndu vannda kpow o hɔl, mí kei vɛlɛ niaa ndu cɔm cɛilan nin.

Nsaŋ 3:20

Kani vana-vana va pɛ dɛnɛ vɔɔndo tosaa, nɛyɔn ɲɛ-tengaa va ndu ni, o fula o ɲɛ-tengaa le, yɔŋii dɛnnda vɔɔnnda o co coo lan la fula ceen.

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Dɛnnda kiilaa 18:25

Ndóò sɔla pɛɛkoo a nɛila Maalii lan o kɔɔ, nduyɛ o va vannda pɛɛkoo mó va nda Yoongu kɛndɔɔ tiiyallo a kɔlkɛndɔɔ a á ɲaaloo ɲɛkɛndɛi a Yeesu o kɔɔ, o ve biondɔɔ le. Kɛ yinɔɔ Nsaŋ ndóò yin vannda-o daama ndóò sɔla vɔ ni.

Rɔmnda 2:20

maa vana pɛɛkaa le vanaa kindu lakɔl te-a, a vana pɛɛkaa cuaambɔa, kani a pɛɛku tɔŋndo má síná toɲaa.

Nehemi 9:20

Má tosal nda kɛndɛi, má ke nda kɔlkaloo. Má va nda manne yɔngoo lɔ́ɔ́-lɔ́ɔ̀ le dioo, a mɛnndan le kolɔɔ.

Kalatea 3:8

Mí Sɛbɛ Hala-o dimi ndi paandu maa le laalanndo Hala ce vanaa co N'Yuifi le-a vanaa sandaa ni. Mí Yoongu kɛndɛ kon dimulun sindɛ Abraham aa: «Hala dɔawnin vanaa-mangalaa-isɔɔa kpede duaa o nɔm nin.»

Hebreea 3:7

Lelan maa mɛɛ Kɔl-Diandaa dimi yɛ aa: «Te la tuei pɛ hau diom Hala-o,

1Korɛntea 12:7

Nduyɛ Hala Kɔl-Diandaa yɔngun vana-vana le dɛnɛ kɛndɛ vannda kpow.

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Talelan 15:10

Vana mal pɛ nɛi kɛndɔɔ o sɔla sangaa le ken. Vana cɛl kanalanndan te, ndu sɔla piɔ́mndo.

Nsaŋ 10:35

Tɔŋndo veelu vanaa sɔɛi Hala-e dimulun-nda aa halaa. Nduyɛ, o Sɛvan-ndo ndu nɔla faŋan te.

Matie 26:56

Kɛ hee kpede tosan, haliko mi sɔɔn vanaa-tɛɛngaa-diom Hala-an sɛvan-ndon peelun.» O kon mí kaandennda kpow mal ndu, má sɔɔndian.

Dɛnnda kiilaa 1:16

«Puapilɛa nia, mɛɛ mì ɲɛ Hala Kɔl-Diandaa ndóò dimi o Sɛbɛ-Hala-o nin-ndo ndóò peelun. Ɲɛ ndóò dimi a sondo David-o le Yuda-o pɛɛn. Yuda sim kon vannda laci le Yeesu biyɔɔ-o.

Matie 21:42

O kon mí Yeesu dimul nda aa: «Kabi bɛɛ la ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni? Mɛlɛka o ba dɛnɛ kon fula ni. Dɛnɛ kaamaa bɛndoo co kon naa o hɔl ni.›

Rɔmnda 4:23

Kɛ o co le ndu pilɛ kínɛí le o sɛvan te aa: «Mí Hala ca ndu vana sandaa»,

Hebreea 11:1

Laalanndo co sinaa ni maa ɲɛm vana kɛsi kɔllo coo-on toɲaa lekɛ́ndɛi n co ni, nduyɛ maa vana co mun sɔla. Seile ɲɛm vana co cɔ a lehɔl te-on o co ni.

Rɔmnda 3:2

Tɔnɔɔ co o bɔɔ taw. O tasoo, nda sɔɔn Hala-on n yɔngun ni.

Dɛnnda kiilaa 28:25

Má sɛyan a sɛɛngianndan, mí Pol dimul nda aa: «Toɲaa mí Hala Kɔl-Diandaa soaa a sondo Esai, vana-tɛɛngaa-diom Hala-o,

Marke 12:36

Kani David pila dimi o kpaaya Kɔl-Diandaa bɛngu aa: ‹Mɛlɛka dimul Maalii nuu aa: Cal-la o ba kɛndɔɔ coo, háá mì luei yaamɔaa nɔmnda nɔm o pelon bɛngu.›

Misee 2:7

Mò va maa dangaa co cuavaa Israɛlla coo ni? Vɛ̀ɛ̀ Mɛlɛka sanga a biuvɔnndo ni? Vɛ̀ɛ̀ lende o dema tosa ni? Ya yɛ, vɛ̀ɛ̀ i dímì sɔɔn kɛndɛ a vana co kela sandaa-o le?

Matie 26:54

Kɛ te i tosa pɛ lende, vɛ̀ɛ̀ ɲɛ sɛvan o Sɛbɛ Hala-o nin-ndo peelun yɛnin? Kani o co o sɛvaa maa lende i bɛnda le tosan-ndo ni.»

Matie 22:43

Mí Yeesu ɲuna nda aa: «Le kɔlɔ yɛɛ David veelu yɛ ndu niko o kpaaya Kɔl-Diandaa bɛngu aa: ‹Maalii›? Kani telen pilɛ mó dimi-o aa:

Sofoni 3:2

O tui Mɛlɛka diom te, o cɛl kanalannda ndɔlan te. O laalan Mɛlɛka ndɔɔ le, o sɔɔnguu Hala ndɔɔ ikɛi le.