2Timote 3:11 - BII BILA

¹¹ a sínà mɛɛ vannda co ya yɛlen tollo yɛ. Sangala co ya coo lan kpede, ɔ́ɔ̀ o kɛɛ ya kei coo Antiɔs, Ikoniɔm a Listre-o? A sínà yɛle tolaale kei ya coo len. Kɛ mí Mɛlɛka ciindiaa ya o dɛnnda lan kpow nin.

2Timote 3:11 Referans Kwoze

Condii lisai 34:19

Mɛlɛka co vanaa co o sanga kɔllo nin-nda ikɛi, o co vanaa co a kɔlta tambɛilan-nda ciindiaa.

Dɛnnda kiilaa 13:45

Yuifia cɔu sɛ́lɛ́ kon, mí paŋalaa pia nda nin, má sɛɛngiaa Pol, má del ndu yeowlan.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

2Timote 4:7

I kindi a labɛɛla, mí tiindan Mɛlɛka, i cii vali va le ya-o tosa, mí kindin, mí lo o laalanndo coo.

Dɛnnda kiilaa 26:22

Kɛ háá paalen nden hau, Hala nɔ ya baa coo tuŋ. I co vɔ nanu le vannda kpede seilen nden tɛndallo, cuaambɔa a kaasonnda. I co ɲɛ-ɲɛ celen dimi le, mɛɛ ɲɛ vanaa-tɛɛngaa-diom Hala-a dimio a ɲɛ Moise dimi maa o co hunɔɔ tosanndo kínɛí.

Dɛnnda kiilaa 26:17

I kandanin nɔm Yuifia a vanaa celen tɛɛn, a ya co nɔm haa vomɔɔ tɛɛn-nda.

Dɛnnda kiilaa 23:10

Mɛɛ sɛɛngianndo tuulu kpɛikpɛi, mí siòònde bii simlacinɔ simlacia vanaa cɔwva kɛmɛa yɔŋii vannda ndáà sɛɛsiaa Pol. Le hee, mó dimul vanaa cɔvaa ndɔa maa a luɛi sɛ́lɔ́ɔ́ tɛɛn, mà soli Pol a kpaayaa le ndu mingio o kpakio nin.

Dɛnnda kiilaa 20:19

I tosal Mɛlɛka baalaa o tuisin bɛndoo nin, a mɛmɛan o lahɔl, mí sɔla sangalan le dúmbúla Yuifia va ya yiiyo lan.

Dɛnnda kiilaa 13:14

Má can Pɛrkɛn, má hiaw Antiɔs o lɛŋnde Pisidii len nin. Má kɔ luɛi o cɛi lekaanndo pum nin o paale pɛngiaalen coo, má cal.

Dɛnnda kiilaa 9:16

Ya pila cɔmnin ndu sanga kɛ́-kɛ̀ o co hunɔɔ sɔla o diola nilan.»

Daniɛl 6:27

«Tɔŋ ya yii-yo co hoo ni: O masale nilen kpow nin, vannda bɛnda mà nɔ bɛɛlen a siòònde le Hala Daniɛl-lo, kani ndu co Hala yoomaa ni. Ndu co yoomu le fɛɛn a fɛɛn ni. Masale ndɔlen le tembunin te. Vanabɛnduyɛi ndɔɛi i nɔ lamɛɛlu le.

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

Esai 41:14

Lelan, la yɔŋ isiòòn te, niaa londopoloa pɔmbɔa Yakɔb-a ha. I co niaa Israɛlla sɔɔnguu ikɛi mì mala niaa.» Mɛlɛka dimi lende ni, O-Diandaa Israɛlla, vana niaa baŋaa pɛɛn.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Condii lisai 91:14

Mɛlɛka dimi aa: «Le tùú n kaola ya-o, i mandanin nɔm, kani a sinà diola nilan.

Condii lisai 37:40

Mɛlɛka co nda malaa, o co nda baŋaa. O co nda hiɔlɔɔ vanaa kɔlvesɛiya o ba. O co nda ciindiaa le tùú nda vennun ndu o ba bɛngu-o.

2Samiɛl 22:49

Mɛlɛka, nɔm hɛlu ya yaamɔaa nia o ba ni, nɔm yɔŋ mí nɔla vanaa nɔ nɛyɔn nuu-a, nɔm puu ya vanaa kɔlvesɛiya o ba ni.

2Samiɛl 22:1

Paale Mɛlɛka baŋa David yaamɔaa ndɔa kpow o ba len, taama-taama paale o baŋa ndu Saul o ba len, mí ndu David solul Mɛlɛka condei.

O Kandɔɔ 48:16

mɛlɛkanɔ kanda ya a dɛnnda vɔɔnndan kpow-vo, i piɛi nɔm mà dɔw poambɔa ha duaa. Mì diola nilan, diola Abraham fuɲa ni mama lan, a diola Isaak fuɲa ni lan la lo ceen nda coo. Mà koma kui, mà velu cuawva taw o lɛŋnden nden nin.»

Dɛnnda kiilaa 14:8

Langbanɔ pilɛ va Listre, vana bɛvɛiyo o va ni. Kabi o violɔn ndɔɔ, o cen mò kɔɛ le.

Rɔmnda 15:31

haliko mi hɛlun vanaa laalaŋaa lepɛŋnda haa Yuda, mì vanaa dandaa kɔ naŋ kɔl a ɲɛm ya co nda yoo Yerusalɛm-ndon.

2Korɛntea 1:5

Kani mɛɛ sangalan la kui Krista coo le naa yɛ, lende koni naa n co ɲɔɔloo cɔɔloo sɔlaa o Krista nin ni.

2Korɛntea 1:7

Nduyɛ, n tiindan niaa ɲɛkɛndɛi, kani n sínà maa mɛɛ niaa sɔla sangaa naa ikɛi yɛ, lende koni niaa sɔla vɛlɛ ɲɔɔloo ni.

2Korɛntea 12:10

Lelan i dɔwnun ɲaale le kpaaya lepɛŋndo, le yeowla vannda co ya lan, le ɲɛm nda co ya tuŋɔɔ-on, le yɛle nda co ya tollo-len, a le sangala co ya coo le Krista lan. Kani telen ya nɔ mayoomu loo, telen kon ya sɔlà kpaayaa ni.