2Timote 2:26 - BII BILA

²⁶ o kon mà muungu o nda pila nin, mà hɛlun yaŋɔɔla nda va nin-ndan, la ɲina vɔɔndo toosiaa haliko mi ndáà tosa yiyan ndɔɔ lan.

2Timote 2:26 Referans Kwoze

1Timote 3:7

Mɛɛ mì vanaa ceenda tɛnda seile ndɔle kɛndɛlen, yɔŋii o tambu tɔ́ɔ́ mo haw o yaŋɔɔle ɲina vɔɔndo.

Condii lisai 124:7

Kɛ mí n hialun mɛɛ yowvo hialun o yala vana biyaa n'yowvo nuaa yɛ. Yalaa timbinndo, mí n poondan.

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

Esai 8:15

Vannda taw a boŋnin ndon, mà deli, mà yɔŋulun, a kayakayannin o yalaa nin mà haw.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

SƐBƐ YƆB-O 1:12

Mí Mɛlɛka dimul Setana aa: «Ava, mɛɛ ɲɛm ndɔn kpow n co o kpaaya nɔmndo bɛngu. Kɛ hol ndu pila baa le dɛ!» O kon, mí Setana faŋan Mɛlɛka o hɔl.

1Timote 1:20

Vanaa kan a pum a co haa ni: Himene a Alɛksandre, a ya mal Setana o ba-a, haliko a pɛɛku lɛ vannda le sɔɔn tana dimio a Hala o kɔɔ le.

Kolɔsea 1:13

O baŋa naa kpaaya maɲumndo o ba, mó hivi naa o masale Po ndɔ o kaola-o len nin.

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Nsaŋ 13:27

Yuda biyɔɔ dɔ́ɔ́ bulu kon, mí Setana luɛi ndu nin. Mí Yeesu dimul ndu aa: «Tosa ɲɛ n nɔ le tosa-o cɔ́-cɔ́!»

Nsaŋ 13:2

Telen Yeesu nda kaandeŋaa ndɔa va ɲɛdiaa icɔl-lo dioo-o, mí ɲina vɔɔndo yɔngu Yuda po Simɔn Iskariɔt-o yiyanndo le Yeesu malɔɔ vannda o ba.

Luke 15:17

O kon, mó kandu yiyanndo, mó dimin o kɔl nin aa: ‹Vanaa baalaa co fuɲa nuu o ba taw, a co ɲɛdiaa dioo, a co cii le, mì ya ya i va vuo a yiaan nanu nuaa!

Luke 11:21

Vana dialun kalaa nɔ pɛ ɲɛm cɔwvon mò va bɛ́ɛ̀ ndɔɔ kandaa, ɲɛ-ɲɛ yɔŋnun mun te.

Esai 53:12

Lelan ya yɔngunin ndu kunda ndɔɔ nda sɛ́lɛ́ bɛndoo latulu ni, a piɔvannin ɲɛm nda poondiaa o cɔwvo-on nda vanaa kpaayaa latulu, kani ndu pila yɔngun le piɔ́mndo sɔlaa ni, mó cɔmnun vanaa tɛɛmbua tɔŋnda coo, nduyɛ mó siilun haki vannda taw-taw, mó soaa le vanaa tɛɛmbuu tɔŋndan-nda.

Esai 28:13

Lelan, sɔɛi Hala-e vanin le nda tɔŋndan o tɔŋndan coo, silalan o silalan coo, silà láà silà! O dimi pɛ ɲɛ-pɔmbɔ nanu, o kɔ dimi ɲɛ-pɔmbɔ o nda.» Haliko a va pɛ kɔlan, a deli macali, a yimi vongalan pɔsu-pɔsu, haliko ma kayakayan o yalalan nin, ma haw.

SƐBƐ YƆB-O 2:6

Mí Mɛlɛka dimul Setana aa: «Ava, mɛɛ ndu pila co o kpaaya nɔmndo bɛngu. Kɛ yaa baa o yoomu ndɔɔ le dɛ!»

2Korɛntea 2:11

yɔŋii Setana hui naa. Nduyɛ, n sínà yeemɛi ndɔɛi.

Luke 5:10

Mí siòònde bii vɛlɛ caaŋaa ŋiɔŋa Simɔn-nda, Nsaki nda Nsaŋ, poaa Sebede-a pɛɛn. Kɛ mí Yeesu dimul Simɔn aa: «Yɔŋ isiòòn te, kani o hau kɔɔli, vana yɔɔyaa n'vanndaciee-o n vanin ni.»