2Timote 2:24 - BII BILA

²⁴ Nduyɛ vana baala Mɛlɛka-o bɛnda mò va vana lasɔngɔ le. Kɛ o bɛnda mò va vana sɔvɛɔ a vannda kpow, mò tiwba vannda pɛɛkoo, mò va vana biwnun dɛnndan-ndo.

2Timote 2:24 Referans Kwoze

Tite 3:2

A dimi dɛnɛ vɔɔn vana-vana le, a va vanaa kɔlta ɲulua a vanaa kɔlta kɛndɛa, mà va vanaa tuisiannda a vannda kpow.

Tite 1:7

Nduyɛ, le mɛɛ simlacinɔ vanaa laalannda bɛnda mò nɔ hɔlten baala Hala-o coo yɛ, o bɛnda mò va vana yaalan too: o va vana yonga le, o va vana nɛi kɔl itambu loo le. O va vana yɔngun mɔiyan-ndo le, o va vana lasɔngɔ le, o va vana hɔlte ɲɛ-sɔlaa le.

1Tesalonikea 2:7

Nduyɛ, le mɛɛ naa n co kiilaa Yeesua yɛ, naa n tiwba mí naa simul vannda, kɛ mí n yɔŋnun vanaa ikɛndɛa niaa tɛɛn mɛɛ kalacuaa nɔ hɔlten cuavaa ndɔa coo nuaa yɛ.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

Kolɔsea 3:13

La biwnan vellaa-velle mì la tosalan kɛndɛi. Te vanndo nɔ pɛ ɲɛ o kɔl a vanndo pilɔɔ, la malnan lahaki mɛɛ Krista mal niaa haki yɛ.

Filipea 2:14

La tosa dɛnndan kpow, o va a sɔɔn pɔmbɔ le, o va vɛlɛ a lasɛɛngian te,

Filipea 2:3

La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

Efɛsea 4:2

La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.

1Piɛr 3:8

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Tite 1:9

Mɛɛ mò yiinun a diom Hala kpeekpeiyo mɛɛ o sɔla pɛɛkoo yɛ, haliko mo tiwba vanaa celen yoomuan lueiyo o pɛɛkula toɲalan nin, mò va vanaa sɛɛngiaa mingio o nɛi.

2Korɛntea 10:1

Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

Dɛnnda kiilaa 7:26

Diimandɔɔ, mí Moise komal puapilɛa ndɔa cɔlɔbaa. Mó kindin, mó toosiaa nda sɔɔngɔɔ tɛɛn, mó dimi aa: ‹Caaŋaa nia, puapilɛa niaa co ni. Le yɛɛ nɛ niaa co yɛ niaa pilaa mɔnɛi lueinanndo?›

Matie 12:19

O venin vana lasɛɛngian te, o deŋinin te, vana tuinin ndu diom o nɛilan coo le.

Nsaki 4:2

La co ɲɔɔn hɔlten fulaa, kɛ la co mun sɔla le. La co yeemɛi le vanndacieea diwvo, la yeema ɲɔɔn, kɛ la co mun sɔla le. La co sɔngɔlan a cɔlɔbalan, kɛ la co ɲɛ-ɲɛ sɔla le. Kani la co ɲuna le.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Esai 40:11

O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.

Yude 1:3

Caaŋaa nia hɛnan ya-a, le mɛɛ yeemɛi va ya taw le niaa sɛvallo a dɛnɛ cinda naa kpow o kɔɔ yɛ, mí ca maa fɔ mì yáà sɛval niaa, haliko mi yáà luei niaa yoomuan le laalan tɛɛngulun vanaa diandaa o lepilɛ kpé-o cɔlɔbaa.

Dɛnnda kiilaa 23:9

Mí vannda cɔɔlu yonda taw, kɛ mí vanaa pɛɛkaa latɔŋnda pum, a va o kunda Faliisia coo-a can, má sɛɛngiaa, má dimi aa: «N ci ɲɛ-ɲɛ langbanɔɔ ho o tɛɛmbuu le. Bɔɔle ɲinaa, te kon te mɛlɛkanɔɔ soo o ndu lo nuaa ni.»

Daniɛl 6:20

Idiiyo púŋ, mí masaa can a kiltan, mó kɔa o soon yàlàá sondoo.

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

2Korɛntea 10:4

Kani ɲɛm cɔvun naa n co cɔlɔbaa-on n co ɲɛm cɔvun n'vanndaciee le. Kɛ ɲɛm cɔvun kpaayan Hala yɔngu-on n co ni, n vana tɛɛmbuu fondala mayoomulan-ndon. Naa n co vanaa co tùúla fondolan tɛɛmbuuo-a ni.

Dɛnnda kiilaa 15:2

Pol, Barnabas a vanaa kan cɛlan o dɛnɛ kon coo le, má sɛɛgian taw. O kon má tuu maa Pol, Barnabas a vanaa pum a kɔ Yerusalɛm, mà kɔ komal kiilaa a kaasoŋaa kɔlkalua kunda vanaa laalannda le sɔɛi kalɛi.

2Dɛnnda lemasalan 24:6

O kon, mí masaa veelu Yehoyada va bolle vanaa-solia-lasálàá-o, mó ɲuna ndu aa: «Le kɔlɔ yɛɛ n co yɛ kɛɔ leviia baŋɔɔ le muloo biyɔɔ vannda Yerusalɛm a haa Yuda o laba maa mɛɛ Moise, vana baala Mɛlɛka-o ndóò kelu le yɔngoo le Cɛi-Hala-o toosiaa yɛ?»

Tɔŋ miingua 34:5

O kon mí Moise vana baala Mɛlɛka-o vu lon o lɛŋnde Moab len nin, mɛɛ Mɛlɛka pila ndóò dimi yɛ.

Nsaŋ 6:52

Mí Yuifia va sɛɛngianndo nda pila tɛɛn, ma va ɲunaa aa: «Vɛɛ o ke yɛnin naa dialun ndɔn le dioo?»

Yosue 1:1

Mɛɛ Moise vana baala Mɛlɛka-o vi, mí Mɛlɛka dimul Yosue po Nun-ndo, vana malaa Moise-o pɛɛn aa:

2Korɛntea 6:4

Kɛ o dɛnndan nin kpow, n co vannda cɔmndo maa vanaa baalaa Hala-a lekɛ́ndɛi naa n co ni: n co sangalan biwnɔnndo taw, sɔɔn imɔnɔn a sɔɔn yɔngu vana buulannda bɛndulan-ndon.