2Timote 2:22 - BII BILA

²² Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu.

2Timote 2:22 Referans Kwoze

1Piɛr 2:11

Niaa vanaa hɛnan ya-a, i co niaa sila, niaa co mialla a vanaa hiavannda o lɛŋnden coo-a, la kpakpala yeeman falun co kɔlta niaalan cɔlɔbaa-on.

1Piɛr 3:11

O bɛnda mò kpakpala dɛnɛ vɔɔndo, mò tosa o kɛndɔɔ, mò nuwviaa dɛnɛ kɛndɔɔ, mò tol ndu kɔɔli.

1Korɛntea 6:18

La vow balan o suundaa nin te! Yɔŋnda vɔɔnnda celennda vanndo tosa lan la pilan ko dialun ndɔn te, kɛ vana vow pɛ baa o suundaa nin, o tɛɛmbuu dialun ndɔn ndu pilan.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

Condii lisai 119:9

Vɛɛ nɛ langbanɔ felengoo looku yɛ mo va o diandaa nɔm Mɛlɛka o hɔl? Mɛɛ mo bii sɔɛi nɔmnde.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

1Korɛntea 10:14

Lelan, puapilɛa nia hɛnan ya taw-va, la sooluu piɔmnda le.

1Timote 1:5

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

3Nsaŋ 1:11

Caan ni ya kaola-o, del vanndo kɔɔli o dɛnɛ vɔɔndo tosaa nin te, kɛ o va o dɛnɛ kɛndɔɔ tosaa nin. Vana tosà pɛ dɛnɛ kɛndɔɔ, o Hala-o co kon ni, vana tosa pɛ dɛnɛ vɔɔndo, mɛɛ ndu sínà Hala le.

1Korɛntea 1:10

Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.

Rɔmnda 14:19

Lelan, n nuwvian dɛnɛ luei kɔlɲuloo-o a dɛnɛ hivi naa laci vellaa-velle o laalanndo nin-ndo.

1Korɛntea 14:1

Lelan, la nuwviaa fɔlɔn kaolaa, mì la nuwviaa vɛlɛ valta Kɔl-Diandaa a yeemɛi, kɛ taama-taama vali tɛɛngaa diom Hala-o.

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Dɛnnda kiilaa 9:14

Handɔɔ o kon coo, o hin nanu a di o sɔla fulaa bolii vanaa-solia-lasálàá o ba-o le vanaa-vanaa co diola nɔmndan biiloo yiwvo.»

Talelan 6:5

fɔ ma toosiaa sɔɛi ken, ma hɛlun mɛɛ púvɔ́ɔ́ hialun doosunɔɔ nuaa yɛ, ma poondan mɛɛ yowvo poondan o yala vana biyaa n'yowvo nin yɛ.

1Timote 2:8

Lelan, i yeema mì vanpiaandua heelu balan ladiandaa nɛɛ-nɛɛ ka, mà piɛi Hala, o va a kɔltuw le, o va vɛlɛ a lasɛɛngian te.

1Timote 1:14

Maalii naa pei ya kɛndɛi ndɔɛi nin ca, mó ke ya laalanndo a kaola naa n sɔla Yeesu Krista o ba-o.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Condii lisai 17:1

Piɛile David len. Yandi Mɛlɛka! Tuei piɛile nile sandaalen. Yaŋ nilan o cɛɛŋɔnnda nilan, mà tuei piɛile nilen. I co nɔm piɛi a cɔcɔn lacòòvaa le.

Dɛnnda kiilaa 7:59

Telen nda va ndu viiyo a powtan-ndo, mí Etiɛn piɛi Hala aa: «Maalii Yeesu, bii kɔl nuu.»

Tɔŋ lasálàá 15:18

Te vanalanɔɔ nda vanapɔnɔɔ tosa pɛ kpelemɔɔsaa, a bɛnda mà pulun nda ŋiɔn kpow, mà lo a nɔɔlɛiya háá icɔllo.›»

Talelan 7:8

O va kɔlan o nɛi, mó kei o kolokoloo pum ikɛi, nɛɛ vanalanɔ tiamaa pum va-a, mí poombɔ kon bii kɔlan o pɔm-pɔmbɔ o cɛi cua kon.