2Timote 2:21 - BII BILA

²¹ Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.

2Timote 2:21 Referans Kwoze

2Timote 3:17

haliko mi vana baala Hala-o va o bɛɛndian, nduyɛ mo va o tiwnan ɲɛkɛndɛi le dɛnɛ kɛndɛ súú-súù ka tosaa.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Condii lisai 119:9

Vɛɛ nɛ langbanɔ felengoo looku yɛ mo va o diandaa nɔm Mɛlɛka o hɔl? Mɛɛ mo bii sɔɛi nɔmnde.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

2Timote 2:20

O cɛi bɛndoo nin, o co ko ɲɛm-laandun nda toosiaa a sianion-ndon, te kon te n nda toosiaa a volin humbon daama-on te n co le, kɛ n pum toosian a yɔmnde, mì n pum toosian a puulu bɔ́wvo. N pum le makola sɔvɛlan solinndo a mun, n pum yɛ le kpekula yɛ́-yɛ́lan.

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Yeremi 15:19

Lelan diom Mɛlɛka dimi-o co hoo ni aa: «Taa muungu pɛ ya o ibuŋ, i minginin nɔm o baala nuu nin. Taa dimi sɔɔn laasi-laasi le, kɛ mà dimi sɔɔn kɔlkalon, mɛɛ nɔm vanin sondo nuu ni. Yudaa muungunin nɔm o ibuŋ, kɛ o co nɔm te muungunin nda o ibuŋ te.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

1Korɛntea 5:7

La faŋa lɛvɛn hakio, mì la siŋnun maa kpeyan lindan sɛnɛiyo, o kon lɛvɛn venin niaa nin te. Kani Krista siŋnun saa téndóó le naa, le kafo-hiavaa-coo, Krista nda baŋ o yɔm singafilaa coo-o pɛɛn.

Malasi 3:3

O calnin mɛɛ vana teengiaa volion le mun dindio-o cal-lɛ, mò dindi poaa Levii-a. O dindinin nda mɛ̀ɛ́-mɛ̀ɛ́ vana dindi sianion a volin humbon nuaa yɛ. O kon, mà va Mɛlɛka sálàlan solullo mɛɛ o kelun o tɔŋndo nin yɛ.

Tite 3:14

Mɛɛ mì vanaa naa bɛɛ a pɛɛku, mà yɔngun le dɛnnda kɛndɛlan tosaa, mà malà vanaa co o balahavɛilan nin-nda, yɔŋii nda kɛɛ mako nɛŋi.

Tite 3:1

Yiyilan vanaa laalannda maa a tuisin tootoo a simlacia a á masaa lelɛŋnda, mà bii sɔɔn ndan, mà va a bɛɛndiannda lɔ́ɔ́-lɔ́ɔ̀ le dɛnnda kɛndɛlan kpow tosaa.

Esai 1:25

Niaa Yerusalɛmnda, i co niaa mululɔn, mì teengiaa volin niaan sɔvɛiyon mɛɛ vana dindi ɲɔɔ a sodaa nuaa yɛ. I faŋanin nɔɔ niaa kpow.

2Korɛntea 9:8

Hala tiwba mò kuilul niaa dɛnnda kɛndɛla súú-súù ka, haliko mi la tiwnun o dɛnndan kpow nin a o telenndan kpow nin, o kon mì ɲɛ lo vɛlɛ niaa o ba taw le dɛnnda kɛndɛlan kpow tosaa.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

2Timote 2:16

Vow sondoo o sɔɔn fondon idiɔmndon nin te, kani sɔɔn mun n tosa ni mì vannda cɔɔlu Hala faaŋian.

2Timote 4:11

Luke ndu pilɛ kpé co ya ikɛi ni. Dimul Marke mì la hin niaa ndu, kani o nɔla mò mala ya o vallo nin.