2Timote 2:20 - BII BILA

²⁰ O cɛi bɛndoo nin, o co ko ɲɛm-laandun nda toosiaa a sianion-ndon, te kon te n nda toosiaa a volin humbon daama-on te n co le, kɛ n pum toosian a yɔmnde, mì n pum toosian a puulu bɔ́wvo. N pum le makola sɔvɛlan solinndo a mun, n pum yɛ le kpekula yɛ́-yɛ́lan.

2Timote 2:20 Referans Kwoze

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

1Korɛntea 3:9

Kani vanaa co baalaa latulu a Hala-a naa n co ni. Niaa co ciɛi ndɔɛi ni.

Cɛɛŋɔnnda Yeremi lan 4:2

Cuawva Siɔn a vannun a sɔvɛ maa sianin diandaa, kɛ a muungunin maa kpɛɛnɛi puulu, i vana cɔavaa n'kpɛɛnɔɔ cɔw a laba-e pɛɛn!

Ɛsdras 6:5

O kon kɔɔli, ɲɛm diandan cɔwnun a sianion-ndon a n cɔwnun a volion-ndon, n Nebukanɛsar ndóò soli o Cɛi-Hala-o nin Yerusalɛm, mì ndóò kɔa a mun Babilɔn-ndon bɛnda mì n mingin, mà kɔ kɛsi mun Yerusalɛm nɛɛ n va paandu o Cɛi-Hala-o nin-nda.›»

Efɛsea 2:22

Niaa bɛɛ, la co a tangulaa latulu le siŋnɔnndo fonda calaa, nɛɛ Hala càl o Kɔl-Diandaa ndɔɔ nin-nda.

2Korɛntea 4:7

Kɛ naa nɔ ɲɛ-sɔlaa kɔl kon-nda co macoaa maa kpɛɛnɛn puulu. Haliko mi vana sínà maa Hala o ba kpaaya bɛndu kon fula ni, o co naa o ba le.

Ɛsdras 1:6

Mí vanaa nda va icali tɛɛn-nda kpow a mala nda a ɲɛm nda cɔw a volion-ndon, ɲɛm nda cɔw a sianion-ndon, ɲɛm celen, cɔlua a ɲɛm sɔvɛɔn, handɔɔ o ɲɛm-kéan vannda yɔngu a yeemɛi nda pilɛi-yon coo.

Daniɛl 5:2

Ndóò ciiyo mɔima man kolɔɔ, mó dimi le ndu ɲɛm diandan n'sianion a ɲɛm diandan volin humbun Nebukanɛsar fuɲa ndɔ cua Yerusalɛm o Cɛi-Hala-o nin-ndon cuuo, haliko mi ndóò kol mɔiyan lenin nda vanaa bɛndua, laandaa ndɔa a sámáá ndɔa.

Fulaa 27:3

Ma cɔw ɲɛm-laandun fonda-loamaa-lasálà kon kpow a daɲan, ma cɔw bombola kɔandaa lapultan, peelelan, bonyon le koovan hawvo lenin, cukanila n'ciŋndan, ma cɔw vɛlɛ bonyun nda fuusa-on. Ɲɛla lan kpow la bɛnda mì la cɔwnun a daɲan.

Nsaŋ 8:49

Mí Yeesu muli aa: «Ɲina vɔɔn co ya nin te, kɛ Fuɲa nuu ya co bɛɛlen keo ni, mì niaa va ya bɛ̀ɛ̀lan tɛɛmbuuo.

Rɔmnda 9:20

Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»