2Timote 2:16 - BII BILA

¹⁶ Vow sondoo o sɔɔn fondon idiɔmndon nin te, kani sɔɔn mun n tosa ni mì vannda cɔɔlu Hala faaŋian.

2Timote 2:16 Referans Kwoze

Tite 3:9

Kɛ vow sondoo o sɔɔn idiɔmndon nin te, diola fuɲaa-mamaa dimio o polalen, sɔngɔlan a sɛɛngianndan o tɔŋndo coo. Kani n yɔngù vana tɔnɔ oo tɔnɔ le, n nɛŋì vana ɲɛ-ɲɛ le.

1Timote 6:20

Nɔm Timote vana hɛnan ya-o, manda ke n sɔla-o ɲɛkɛndɛi. Kpakpala sɛɛngiannda fondola yɔngu vana laalan te lan, mà mal sɔɔn fondon vannda veelu aa dɛnɛ sinaa-on.

Tite 1:14

o kon mà faŋal talela lacòòvala Yuifia hɔlla, silala vanaa mulul kan toɲaa kɔɔ-a pɛɛn.

2Timote 2:14

Va nda dɛnndan ndan yiyalanndo, mà va nda silaa Hala o hɔl vakpa maa a kpakpala sɛɛngianndan o diomndan lapum coo, la nɔ tɔnɔ le lan, kani tɛɛmbuuo koni la tɛɛmbuu vanaa yaŋ ndan nilan-nda ni.

Osee 12:1

«Cuavaa-imamaa Efraim-nda balu ya a còòlan, cɛi Israɛllo balu ya a sɔɔn lakafan. Polale Yuda len le co vɔ ya Mɛlɛka kɔɔli, kɛ le co vɛlɛ halaa celennda sooloo.

Ɛsdras 10:10

Mí Ɛsdras vana-solia-lasálàá can, mó dimul nda aa: «Niaa Israɛlla, la cua haki bɛndoo le yilɔɔ niaa yil vanlaandua mangalaa isɔɔa o nɔ̀lan-ndo. La cɔɔlu vɛlɛ Israɛlla malɔɔ o pɔwla bɛndu nin dɛ!

Dɛnnda cɔɔmuanndan 13:3

Mí ca ndu bollen lepilɛlen a bolin bɛndoo, vanáà ca ko aa le ndu diyɔɔ ndáà boli ndu ni. Kɛ mí bolin ndɔ kon siangu. Mí vanndacieea co o lɛŋnden coo-a kpow a dɔawnun kɔndɔfili, má del visi tɔɔma kalaa kɔɔli.

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

2Piɛr 2:2

Vanaa bɔɔ-bɔɔ a delnin laasian nda kon kɔɔli, o kon mi vannda dimi sɔɔn pɔmbɔn a nɛi toɲaa o kɔɔ le nda.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

1Timote 4:7

Kɛ mal talela fondolan, la vanlaandua yuuvɛiya dimi lan ndan, mà kindin ma vo Hala.

1Korɛntea 15:33

Niaa pila huinun te, maa mɛɛ o dimin yɛ aa: «Canyan vɔɔnndon tɛɛmbuu naamula kɛndɛlan ni.»

1Korɛntea 5:6

Kuundian niaa niŋ te. La sínà maa lɛvɛnndo ɲɛ-pɔmbɔ nɔla mò heelu kpeyan buloo.

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

1Timote 1:9

N sínà vɛlɛ maa o co le vanaa co dɛnɛ sandaa tosaa-a le tɔŋndo co le, kɛ le vanaa yɔŋ vɔɔnda a vanaa nila kalua, le vanaa sínà Hala le-a a le vanaa lahakia, le vanaa ke Hala a ɲɛm dendu Hala o hɔl-lon lebɛɛ le-a, le vanaa diw fuɲaa ndaa, te kon te kalaa nda-a, le vanaa diuvaa n'vannda,

2Timote 2:21

Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.