2Timote 2:14 - BII BILA

¹⁴ Va nda dɛnndan ndan yiyalanndo, mà va nda silaa Hala o hɔl vakpa maa a kpakpala sɛɛngianndan o diomndan lapum coo, la nɔ tɔnɔ le lan, kani tɛɛmbuuo koni la tɛɛmbuu vanaa yaŋ ndan nilan-nda ni.

2Timote 2:14 Referans Kwoze

2Timote 2:23

Vòw sondoo o sɛɛngiannda fondola idiɔmndan nin te, kani lan la hun a sɔngɔlan ni.

2Timote 4:1

I co nɔm sila Hala hɔl a Yeesu Krista o hɔl kpendekele, o co hunɔɔ kɔɔsɔ vanaa co yoomu-a a vanaa vi-a kiolɔɔ-o, mì sila nɔm o diola hunɔɔ ndɔɔ a o diola Masale ndɔlen,

Rɔmnda 14:1

La bii vana nɔ laalan bɔɔ loo, o va a yiyannda ndɔlan sɛɛngiaa le.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

1Timote 5:21

I co nɔm ɲuna Hala o hɔl, Yeesu Krista a mɛlɛkaa sɔla hɛlio-a kpow o hɔl, mà bii silalan ndan, hiyan vana-vana le, tosa ɲɛ-ɲɛ a lakafa le.

Dɛnnda kiilaa 15:24

N tuei maa vanaa pum cɛn naa tɛɛn nanu, má kɔ luei niaa kɔndɔfillo a buulanndo o lakɔl a sɔɔn ndan. Nduyɛ, n vim vana-vana le.

2Piɛr 1:13

Te i co vɔ pɛ o ceendo ho coo, i ce ken dɛnɛ sandaa, mì va niaa yiyilanndo le mɛɛ niaa va o lapɔɛɛn nin te yɛ,

1Timote 6:13

I co nɔm ɲuna Hala o hɔl, o yɔngu ɲaa yoomaa kpow yoomoo-o, a Yeesu Krista o hɔl, ó soli seile kɛndɛlen Pɔnse Pilate o hɔl-lo,

2Tesalonikea 3:6

Puapilɛa naa, n co niaa sɔɛi he dimul o diola Maalii Yeesu Krista lan, la faŋán vanaa siɛlɛiya kɔɔli, a co ceen ndaa vilio mɛ̀ɛ́-mɛ̀ɛ́ ka-a pɛɛn, a co ndu vili mɛɛ naa n pɛɛku nda yɛ le.

Yeremi 7:8

Kɛ o sɔɔn lacòòvan n nɛŋi vana ɲɛ-ɲɛ loon coo niaa kɛsi kɔltan ni.

1Samiɛl 12:21

Te la mulul pɛ ndu kɔɔ, la co ɲɛ fondoo biilu, ɲɛ nɔla vana mala loo, ɲɛ nɔla vana baŋa loo, kani ɲɛ fondoo piɔmnda co ni.

2Timote 2:16

Vow sondoo o sɔɔn fondon idiɔmndon nin te, kani sɔɔn mun n tosa ni mì vannda cɔɔlu Hala faaŋian.

1Timote 4:8

Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Kalatea 1:7

O co dɔ́ɔ́ mì Yoongu kɛndɛ celen va le, kɛ vanaa pum a co niaa hɔlla hiŋndo nuaa ni, a yeema le Yoongu Kɛndɛ Krista-o mingio o hɔlaa vɔɔnda-aa.

Dɛnnda kiilaa 13:10

mó dimi aa: «Nɔm vana pɛ ho a kɔlkalu vɔɔndo, mà pia vɛlɛ a vannda huiyo-o sei, nɔm po ɲina vɔɔndo, nɔm vana yeema ho dɛnɛ sandaa kɛ́-kɛ̀ loo. Lɔ́ɔ́ kuɛɛ n pɛngi yɛnin nɛila sandaala Mɛlɛka lan tunduuo?

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

Habakuk 2:18

La co cilinndon teengiaa, mì la va tuuliaalan toosiaa a mun le vannda còòlan dimullo. Piɔmndo suu le, o kpeŋan a ba ndɔ le, le yɛɛ mì la tiindan ndu? Ɔ́ɔ̀ kpeku piɔmndo solul vana-o?

Yeremi 23:36

Kɛ la dimi lɛ aa volɔɔlan te sɔɛi Mɛlɛka-e co le dɛ! Sɔɔn niaan niaa pila-on co volɔɔla niaalan ni, kani la co sɔɔn Hala nɔ yoomoo o ba-on tundɔɔ, Mɛlɛka-Nɔ-Kpaayaa-Kpow-vo, Hala naa pɛɛn.

Yeremi 23:32

I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.

2Timote 1:6

Lelan i co nɔm yiyalan, mà bii ke n sɔla tuma ya handu nɔm balan coo-o-o ɲɛkɛndɛi.

1Timote 1:6

Vanaa pum a mal nɛila lan, mà luɛinun tombola fondoo.

1Timote 1:4

Dimul nda maa a mal talelan a diola fuɲaa-mamaa nɔ lamɛɛlule lan dimio o polalen. Kon hun a sɛɛngianndan ni, o hivi baala Hala-o laci o laalanndo nin te.

1Tesalonikea 4:1

Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 2:11

Vɛ̀ɛ̀ vanaa-mangalaa-isɔɔa pum co lon, a singa halaa ndaa-a, hali o va bɛɛ maa a co halaa kpeekpei le? Nduyɛ, vanaa nia nda cii biilu ndaa, o co Hala ndaa-o singa a halaa nɔla vana baŋa le-a.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Tite 3:1

Yiyilan vanaa laalannda maa a tuisin tootoo a simlacia a á masaa lelɛŋnda, mà bii sɔɔn ndan, mà va a bɛɛndiannda lɔ́ɔ́-lɔ́ɔ̀ le dɛnnda kɛndɛlan kpow tosaa.