2Timote 2:13 - BII BILA

¹³ Te naa n lo o lediom coo le, ndu ndu lonin o diomnden coo, kani ndu pila sɛɛngiannin te.»

2Timote 2:13 Referans Kwoze

Kundalan 23:19

Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.

Rɔmnda 3:3

Te Yuifia pum a lo o lediom coo le, vɛ̀ɛ̀ mì ken kuuna Hala lou o diomnde ndɔlen coo?

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

2Tesalonikea 3:3

Kɛ vana lo o lediom coo-o Mɛlɛka co ni, o lueinin niaa yoomuan, mò ciindiaa niaa vana kɔlvesɛiyo o ba.

1Tesalonikea 5:24

Vana veelu niaa-o tosanin kon, kani vana lo o lediom coo-o o co ni.

1Korɛntea 1:9

Vana lo o lediom coo-o Hala co ni, o veelu niaa, haliko mi la va diom pilɛ a Po ndɔɔ Yeesu Krista Maalii naa-o.

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

Rɔmnda 9:6

O co dimi le maa sɔɛi Hala-e nɔ lɛ tɔnɔ le. Kani vanaa-vanaa fula o Israɛl nin, o co nda kpow le a co Israɛlla kpeekpei le.

Esai 25:1

Àá Mɛlɛka, nɔm co Hala nuu ni! I sangalanin nɔm, i lisanin diola nɔmndan. Kani a tosa dɛnnda kɔndɔfiltan, dɛnnda kɔndɔfilta n tuu le tosaa kabi sindɛ lan, a lo o lediom coo ma peelu lan sakpo.

Tɔŋ miingua 7:9

Lelan, la sina pɛngu maa Mɛlɛka Hala niaa, ndu pilɛ kpé co Hala kpeekpeiyo ni, Hala lo o lediom coo-o, Hala lo o kpema ndɔɔ coo-o, ó tosal vanaa kaola ndu má bii tɔŋnda ndɔlan-nda kɛndɛi háá o lambi vàá pilɛ ndɔɔ,