2Timote 2:11 - BII BILA

¹¹ Toɲaa sɔɔn mun n co ni: «Te n vi pɛ latulu naa Yeesu-a, n vanin vɛlɛ yoomu naa ndaa.

2Timote 2:11 Referans Kwoze

Rɔmnda 6:8

Kɛ te n vi pɛ a Krista latulu, n laalan vɛlɛ maa n vanin yoomu a ndu latulu.

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

Rɔmnda 6:5

Kani te n kumbun pɛ naa ndaa latulu o tuula piɔ́m ndɔɔ nin, mɛɛ n tendulnin vɛlɛ naa ndaa latulu o tuula ndɔɔ nin.

2Korɛntea 4:10

N co kelaa lɔ́ɔ́-lɔ́ɔ̀ a piɔ́m Yeesu-o naa o n'dial, haliko mi yoomu ndɔɔ cɔmnun naa o n'dial.

Nsaŋ 14:19

O lo ɲɛ-pɔmbɔ, ceendo ci lɛnin ya le, kɛ niaa, la canin ya, kani i co yoomu, niaa bɛɛ la vanin yoomu.

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

1Tesalonikea 5:10

O fonda naa o vi ni, haliko mi n va yoomu lɔ́ɔ́ o hunnin-ndo.

1Tesalonikea 4:17

O kon kɔɔli, naa vanaa va vɔnin yoomu-a n kɔanin naa ndaa latulu o yumbuyumboo nin, mì n kɔ bɔŋa Maalii o hoeiye nin. O kon n vanin naa Maalii-aa lɔ́ɔ́-lɔ́ɔ̀.

2Korɛntea 13:4

I co toɲa, maa lɔ́ɔ́ nda baŋ ndu o yɔm singafilaa coo-o, oo nɔ mayoomu le. Kɛ sisa, o co yoomu o kpaaya Hala-o bɛngu. Lende koni naa bɛɛ n co ni, n nɔ mayoomu le, kɛ n co yoomu o ndu nin o kpaaya Hala-o bɛngu.

1Timote 3:1

Sɔɛi toɲɛi co hee ni: te vana pum yeema pɛ le simlacilen sɔlaa vanaa laalannda tɛɛn, mɛɛ baala sɔvɛɔ o yeema lende ni.