2Timote 1:5 - BII BILA

⁵ I co loonɔnndo a laalan kpeekpei n nɔ-o o kɔɔ, laalan Lois mama nɔm ndóò nɔ sindɛ-o, laalan kon pɛɛn, ó va vɛlɛ Enise kala nɔm nin-ndo. Nduyɛ, i nɔ kɔlkɛsiaa maa laalan pilɛ kon koni co vɛlɛ nɔm nin nuaa ni.

2Timote 1:5 Referans Kwoze

1Timote 1:5

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

Dɛnnda kiilaa 16:1

Pol tiiyaa Dɛrbe, mó hiaw Listre. Mó kɔ komal kaandennɔɔ pilɛ lon diolan Timote. Yuifinɔɔ kalaa Timote yɔŋnun ni, ndóò laalan Hala. Fuɲa ndɔ ndu, Krɛkenɔɔ o va ni.

1Timote 4:6

Taa yɔngu pɛ puapilɛa silalan ndan, mɛɛ a vanin vana baala kɛndɛ Yeesu Krista-o. A dɔawnunnin balo a sɔɔn laalanndon a á pɛɛku toɲaa, o n del kɔɔli ma lo lecoo-o.

2Timote 3:15

a sínà vɛlɛ mɛɛ n loonun sɛbɛ Hala-o cɔn o cuaambɔyɛi nɔmnde nin yɛ. Kon nɔla mo ke nɔm kɔlkaloo haliko ma sɔla laalan yɔngunin nɔm cindaa sɔlaa o Yeesu Krista nin-ndo.

Rɔmnda 15:14

Puapilɛa nia, ya pila i laalan maa la nɔ yeemɛi le dɛnnda kɛndɛlan tosaa taw, la nɔ sinapɛngoo kpede haliko mi la tiwba niaa pila siilianndo vellaa-velle.

Hebreea 6:9

Kɛ nduyɛ puapilɛa nia, n co bɛɛ dimio lende, kɛ n laalan maa la co o nɛi kɛndɔɔ coo, nɛi cindaa pɛɛn.

2Timote 1:12

Lelan ya co vɛlɛ sangalan ndan biuvɔnndo ni. Kɛ siɛmbula co ya le, kani i sínà vana ya tiindan-ndo, i nɔ vɛlɛ kɔlkɛsiaa maa o nɔ kpaayaa le ɲɛ o yɔngu ya-o mandaa háá paale o kialunin yamɛi len.

2Korɛntea 6:6

N co cɔmndo maa vanaa baalaa Hala-a naa n co ni: a diondɔɔ naa n dendu-o, dɛnɛ sinaa naa, biuvɔnndo naa, vili naa kɛndɔɔ, Kɔl-Diandaa co naa vallo nin-ndo, a o kaola kpeekpei naa n nɔ-o nin,

Rɔmnda 8:38

Kani i laalan maa o va piɔ́mndo, o va yoomoo, o va mɛlɛkaa, o va kundala co o masalen nin coocoo lan, o va dɛnndan ndan sunsun, o va la co hunɔɔ lan, o va kpaayalan,

Rɔmnda 4:21

Ndóò síná válán maa Hala nɔ kpaayaa le sɔɛi o yii kpemaa-e peeloo.

Condii lisai 116:16

Éé Mɛlɛka! Vana baala nɔmndo ya co ni, po vanalanɔ yɔŋnun buɛi nɔmndo-o pɛɛn, o n tiimbuu o yɔlɔn-ndo.

Condii lisai 86:16

Tosal-la kɛndɛi mà tuinun ya iɲíí. Luei vana baala nɔmndo yoomuan, mà ciindiaa po buɛi laandu nɔmndo.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Rɔmnda 14:14

I laalan maa te vanndo va pɛ o Maalii Yeesu nin, ɲɛ-ɲɛ co o nɔɔlɛi ndu o hɔl te. Kɛ te vana pum yiyan pɛ maa ɲɔɔ pum co o nɔɔlɛiyo, mɛɛ le ndu pila ɲɛ kon co o nɔɔlɛiyo ni.

Rɔmnda 14:5

Vana pum co yiyanndo maa paalen lepum le hiow a paalen lepilɛlen. O pum ndu co yiyanndo maa palɛi kpow kpen-kpen i co ni. O bɛnda mì vana-vana laalan yiyan co o ndu kɔllo ɲɛkɛndɛi.

Dɛnnda kiilaa 26:26

Masa ya co sɔɔn mun dimullo-o sinà dɛnndan ndan, lelan i tiwba mì soo ndu o hɔl a tiindanndo. Nduyɛ, i laalan maa o kɛ́-kɛ̀ co ndu mial te, kani o co dɛnnda hiow o vionnɔn nin te.

Nsaŋ 1:47

Yeesu cɔu Natanaɛl hunɔɔ ndu o ibuŋ, mó dimi aa: «Israɛlnɔɔ kpeekpei co hoo ni, o nɔ lacòòva o kɔl too.»

Yeremi 3:10

O kon kpow nin, puapilɛ ndɔɔ Yuda lo o lediom coo loo muungu ya o ibuŋ a kɔl ndɔɔ kpow le, huiyo koni o va ya ni.» Ya Mɛlɛka soo nuaa ni.

Condii lisai 81:15

I va yaamɔaa ndaa malɔɔ nda o ba sisa, mì yáà ciŋilan vanaa co nda ciŋilanndo-a.

Condii lisai 77:6

Te i yiyan pɛ a palɛi hiow sindɛ-e, mì yiyan vɛlɛ a vɔsila hiownun nin-ndan o kɔɔ,

Condii lisai 66:3

La dimul Hala aa: «Dɛnnda nɔmndan la co bɔɔ dɛnnda kaamaala bɛndu! Le kpaaya nɔm bɛndoo, yaamɔaa nɔmnda co nɔm lisaa

Condii lisai 22:10

Mɛlɛka, nɔm soli ya kala nuu o dembe ni, má kɛsi ya nila ɲulu kala nuu o ibuŋ.

Condii lisai 18:44

Nɔm Mɛlɛka, a co ya baŋaa vanaa nila kalua o ba, o kɛsi ya simlacinɔ vanaa-mangalaa-isɔɔa coo, vanaa yáà sina paandu le-a cal o ba nuu bɛngu.

Condii lisai 17:1

Piɛile David len. Yandi Mɛlɛka! Tuei piɛile nile sandaalen. Yaŋ nilan o cɛɛŋɔnnda nilan, mà tuei piɛile nilen. I co nɔm piɛi a cɔcɔn lacòòvaa le.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,