2Timote 1:16 - BII BILA

¹⁶ Màá Mɛlɛka tuinun yungu Onesifɔr-o iɲíí, kani o co ya ɲɔɔloo cuɛi-cuɛi, siɛmbula co ndu vɛlɛ biyɔɔ le co ya co o yɔlɔn-ndo le.

2Timote 1:16 Referans Kwoze

2Timote 4:19

Yil-la Priska nda Akilas, mà yil-la vɛlɛ yungu Onesifɔr-o.

Filemɔn 1:20

O ya yeema nɔm o ba o Maalii nin-ndo co kon ni, puapilɛ nuu, ɲulul-la kɔllo o Krista nin.

Filemɔn 1:7

Puapilɛ nuu, i dɔwnun ɲaale taw mí sɔla yoomuan a kaola nɔmndo, kani a tosa mí vanaa laalannda ɲulul kɔltan.

Efɛsea 6:20

I co bɛɛ o kaasoo nuaa, kɛ ya co hɔlte Krista len le Yoongu kɛndɔɔ yondaa ni. Lelan, la piɛi haliko mi soo a kɔlkɛsiaa.

Dɛnnda kiilaa 28:20

Lelan ya ɲuna ni mì hun soo o niaa lo. Kani le tiindan Israɛlla nɔ-o ya co o yɔlɔn nuaa ni.»

Hebreea 10:34

Mí mɔnɛi bii niaa niaa vanaa kaasoa latulu, mí la cɛl a ɲaaloo le niaa ɲɛm nian poondiaa o laba, kani la sínà maa la nɔ ɲɛm hiow naŋɔɔ-on, n co le fɛɛn a fɛɛn-ndon.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

2Timote 1:18

Màá Maalii tosa mì Mɛlɛka tuinun ndu iɲíí o paale kialaa iyamalen. Nɔm pila sínà mɛɛ o mala ya taw Efɛs yɛ.

2Timote 1:8

Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.

1Korɛntea 16:18

Kani a ɲulul-la kɔllo má ɲulul kɔlta niaalan. La biilu vanaa vaa lende-a.

Matie 5:7

Dɛnɛ kɛndɔɔ co le vanaa tuinun vannda iɲíí-a, kani a sɔlanin ɲííye tuinɔnndo.

Condii lisai 37:26

Lepalaa-lepala vana sandaa co vannda kɛndɛi tosallo, o co nda ɲɔɔn dɔndaa. Duaa cuavaa ndɔa siŋnùn ni.

Condii lisai 18:25

Mɛlɛka tosal-la mɛɛ sandii nii co yɛ, o dɔw ya vɔ̀ngɔ̀ mɛɛ bala nilan la dendu ndu o hɔl-lɛ.

Nehemi 13:31

Mí bɛɛndiaa vɛlɛ dɛnɛ ɲɛm-kéan iyɔmun ndáà bɛnda le yɔngoo o telen kelunndo-on, a dɛnɛ ɲɛm-kéan ndáà cua o ɲɛm vaan tason nin-ndon. ‹Éé Hala nuu, loonun a ya mà tuinun ya iɲíí!›»

Nehemi 13:22

O kon kɔɔli, mí dimul leviia le dindinndo, le kɔlan cumullo o diola kobio, haliko mi vannda ke paale pɛngiaalen bɛɛlen. ‹Éé Hala nuu, loonun vɛlɛ a ya le ken. Tuinun ya iɲíí, mɛɛ dɛnɛ nɔm kɛndɔɔ co o bɔɔ yɛ!›

Nehemi 13:14

‹Éé Hala nuu, loonun a dɛnnda ya tosa lan kpow! Pɔɛɛnun dɛnɛ sandaa ya lo tosaa le Cɛi-Hala-o a le kaannden-ndo le!›

Nehemi 5:19

Éé Hala nuu, yiyan ya coo mà tuinun ya iɲíí le dɛnnda ya tosa le vannda ha kpow lan!»

Ruti 1:8

Kɛ ndáà tiiyaa nɛi-tɛɛn, mí Noemi dimul laandaa poaa ndɔa kan aa: «La kɔnnun. Vana-vana muungun o yungu kala ndɔ-o nin. Màá Mɛlɛka tosal niaa dɛnɛ kɛndɔɔ mɛɛ niaa bɛɛ tosal poaa nia vi-a a ya pila dɛnɛ kɛndɔɔ yɛ!

2Samiɛl 2:6

Niaa bɛɛ, màá Mɛlɛka lo o lediom coo a niaa, mò cɔm niaa sakpoyɛi ndɔɛi! Ya bɛɛ, i tosalnin niaa dɛnɛ kɛndɔɔ lende, le dɛnɛ niaa tosa kon-ndo.

Dɛnnda kiilaa 21:33

O kon mí simlaci-vanaa cɔwva kan sɔɔnguu Pol ikɛi, mó simi ndu, mó dimul vannda le ndu yiiyo o yɔlɔn kundalan tan tiɔn. O kon kɔɔli, mó ɲuna le sinaa vana súú Pol va-o a ɲɛ o va tosaa-o.

2Timote 1:12

Lelan ya co vɛlɛ sangalan ndan biuvɔnndo ni. Kɛ siɛmbula co ya le, kani i sínà vana ya tiindan-ndo, i nɔ vɛlɛ kɔlkɛsiaa maa o nɔ kpaayaa le ɲɛ o yɔngu ya-o mandaa háá paale o kialunin yamɛi len.

2Timote 1:17

Kɛ ndóò tiiyaa dɔ́ɔ́ Rɔm, mó kindikindin, mó nuwviaa ya háá mó saalun ya.

Yeremi 39:17

Kɛ paale len, i baŋanin nɔm. A delnin vana siòòŋii ndɔɛi co nɔm-ndo o ba le. Diom Mɛlɛka dimi-o co kon ni.

Matie 25:17

Mí vana sɔla sianin n'kpungban kɛmɛ lediin-ndo bɛɛ kɔ tosa lende, mó sɔla tɔnɔɔ sianin n'kpungban kɛmɛ lediin lecoo.