2Timote 1:13 - BII BILA

¹³ Loonun sɔɔn toɲan n tuei ya o sondo-on, va tɔɔmaseloo o laalanndo a o kaola n nɔ le Yeesu Krista-o nin.

2Timote 1:13 Referans Kwoze

Tite 1:9

Mɛɛ mò yiinun a diom Hala kpeekpeiyo mɛɛ o sɔla pɛɛkoo yɛ, haliko mo tiwba vanaa celen yoomuan lueiyo o pɛɛkula toɲalan nin, mò va vanaa sɛɛngiaa mingio o nɛi.

2Timote 3:14

Nɔm nɔm, sɔɔn n pɛi má laalan mun-ndon, lo mun biyɔɔ tuŋ. A sínà vana n pɛɛku mun o ba-o,

Filipea 4:9

La kelà o dɛnnda niaa pɛɛku ya o ba lan coo, dɛnnda niaa sɔla mì la tuɛi lan, a dɛnnda niaa ce ya o ba lan. O kon Hala kɔlɲuloo vanin niaa ikɛi.

Rɔmnda 6:17

Kɛ kɛɛmasɔlan Hala le, la va cɛa hakia, kɛ mí la bii sɔɛi a kɔlta niaalan kpow, sɔɛi pɛɛku niaa sɔla-o pɛɛn.

2Timote 2:2

Ɲɛ n tuei ya dimio seiya taw o hɔl-lo, pɛɛku vanaa n laalan-nda ndu, a tiwnin ba mà pɛɛku vɛlɛ vanaa celen ndu-a.

Dɛnnda cɔɔmuanndan 3:11

I co hunɔɔ sunsun. Bii ɲɛ n nɔ-o kpáŋ, haliko vana cua mɔsil lemasa nɔmndo le.

Dɛnnda cɔɔmuanndan 3:3

Lelan loonun a pɛɛkula n sɔla lan a mɛɛ n tuei lan yɛ, bii lan mà mangalan. Taa mɛɛndian yɛ le, i hinulnin nɔm maa vui, mì voolu nɔm a telen n venin kɔl too.

1Timote 1:14

Maalii naa pei ya kɛndɛi ndɔɛi nin ca, mó ke ya laalanndo a kaola naa n sɔla Yeesu Krista o ba-o.

Yude 1:3

Caaŋaa nia hɛnan ya-a, le mɛɛ yeemɛi va ya taw le niaa sɛvallo a dɛnɛ cinda naa kpow o kɔɔ yɛ, mí ca maa fɔ mì yáà sɛval niaa, haliko mi yáà luei niaa yoomuan le laalan tɛɛngulun vanaa diandaa o lepilɛ kpé-o cɔlɔbaa.

Hebreea 10:23

N simnun yili o ɲɛ naa n laalan-ndo coo, kani Hala faŋàn o diomnde o dimi len coo le.

2Timote 1:14

Manda ɲɛ kɛndɛ yɔngun nɔm le mandaa-o, Kɔl-Diandaa co naa nin-ndo co nɔm mala mì manda ndu.

Rɔmnda 2:20

maa vana pɛɛkaa le vanaa kindu lakɔl te-a, a vana pɛɛkaa cuaambɔa, kani a pɛɛku tɔŋndo má síná toɲaa.

Tite 2:1

Kɛ nɔm yɛ, pɛɛku vannda kaannde sandaalen.

1Timote 6:3

te vanndo pɛɛku pɛ vannda pɛɛku celen, mò co ɲɛ pilɛ a sɔɔn diandan Maalii naa Yeesu Krista-on te, mò ve vɛlɛ ɲɛ pilɛ a kpɛɛku naa n nɔ a laalanndo o kɔɔ-o le,

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.

1Timote 1:10

le vanaa tosaa dɛnnda nɔɔlɛiya a vanaa co laasianndo-a, le vanaa co yulale n'cɛlen-nda, le vanaa co còòlan dimio-a, le vanaa co mɛɛniannda lacòòvalan-nda a le vanaa-vanaa co pɛɛku toɲaa simullo.

Talelan 3:21

Po nuu sei! Manda kɔlkaloo a dɛnɛ sinaa, fáŋà hɔlla lecoo mì la kɔɛ nɔm levil te.

Dɛnnda cɔɔmuanndan 2:25

Kɛ nduyɛ, o niaa nɔ-o, la bii kon kpíŋ háá mi hin.

Hebreea 4:14

Lelan n simnun yili o laalan naa n co sɔɛi ndɔɛi dimio-o coo. Kani n nɔ bolle vanaa-solia-lasálàá, o kɔɛ nin o halataala di-o, Yeesu po Hala-o pɛɛn.

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Tite 2:8

Mì sɔɔn nɔmndon n sandu, vana nɔla mun sɛɛngiaa le, o kon mì yaamɔɔa laasian, a nɔla lɛ ɲɛ-ɲɛ vɔɔn dimi a naa o kɔɔ le.

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

Kolɔsea 1:4

Kani n tuei laalan niaa laalan Yeesu Krista-o a kaola niaa nɔ le vanaa laalannda kpow-vo tɔ́ɔ́.

Talelan 4:13

Holnun pɛɛku n sɔla-o. Mál ndu mò hɛlun nɔm te, saa ndu kpíŋ, kani ndu co yoomu nɔmndo ni.

Talelan 3:18

Yɔm yɔngu cindaa-o kɔlkaloo co le vanaa holnun ndu-a ni, vanaa bii ndu kpíŋ-nda co o dɛnɛ kɛndɔɔ nin.

Talelan 8:14

Baala nuu co vanndacieea silaa a nda kanalanndo ni. Ya co dɛnɛ sinaa ni, ya nɔ kpaayaa ni.

2Timote 1:1

Ya Pol siŋnun kiila Yeesu Krista-o o hɛnan Hala-o nin a mɛɛ kpema cindaa co o Yeesu Krista nin yɛ-o.

2Timote 4:3

Kani telen pum co hunɔɔ tiiya, kaannde kpeekpeile Mɛlɛka len le hɛnannin vannda le, kɛ nda pila vanin yeemɛi le ɲɛ hɛnannin nda-o tueyɔɔ o pɛɛkoo.