2Tesalonikea 3:8 - BII BILA

⁸ Vana-vana dow naa balo fúú le, kɛ mí n fafala o baalaa nin, mí n sanga taw. N va baalaa idii a icɔl yɔŋii náà n va o ba vana bɛngu niaa tɛɛn.

2Tesalonikea 3:8 Referans Kwoze

Matie 6:11

Yɔngu naa n diaa lepalaa-lepala-o le paalen nden hau.

1Tesalonikea 2:9

Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

Dɛnnda kiilaa 18:3

Le tùú nda va baala pilɔɔ tosaa-o, cɛila-kolala-toandaalan ndáà toosiaa ni, mó kɔ luɛi o yiya o nda lo, má va baalaa latulu.

1Tesalonikea 4:11

La kindin mì la nɔ kɔlɲuloo, mì la muli hɔlla o makola niaalan, mì niaa pila kelu lalle o baala niaa nin mɛɛ naa n dimul niaa yɛ.

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.

1Korɛntea 4:12

N co lalle kiolɔɔ o baalaa nin. A co naa yeowlan, mì n va duaa dɔvɔɔ. A co naa yɛlen tollo, mì n va biwnɔnndo.

2Tesalonikea 3:12

O naa n co vanaa kan dimul o diola Maalii Yeesu Krista lan-ndo co hoo ni, a tosà vallo a kɔlɲuloo, mà sɔla ɲɛdiaa le nda pila.

2Korɛntea 11:9

Telen ya va niaa tɛɛn, mí va o bahavɛiyo nin-ndo, i hendu vana-vana volɔɔ coo le, kani vanaa laalannda Maseduan a va ya malaa ni. Mí mandan o dɛnndan nin kpow yɔŋii yáà va o ba niaa bɛngu, nduyɛ i hiawnin laci a kon tosaa.

Dɛnnda kiilaa 20:34

Niaa pila sinà maa ya pila va baalaa tosaa le o ya nɔ makoo-o sɔlaa ni, a le makola vanaa va ya kɔɔli-a nɛŋio.

Talelan 31:27

O nɔ hɔlten o ɲɛ-ɲɛ co tosanndo o ndu lo cɛinin coo. O cɛl le calle mò kafala balan te.

Nehemi 5:18

Lepalaa-lepala, nawvo o pilɛ, saa kɛndɛ-kɛndɛa a ŋɔmpum a sɔɔa ndáà yaw o ya lo cɛinin ni. O palɛi tɔ́ oo palɛi tɔ́ bɛngu, mɛɛ mi ndáà bɛɛndiaa mɔima kɛndɛ-kɛndɛan taw. Kɛ a kon kpede, i bii ɲɛ-ɲɛ vana o ba le, kani baalaa va vannda saangiaa.

1Korɛntea 9:4

Vɛ̀ɛ̀ i nɔ dí mì sɔla baloo, mì kol te?

2Korɛntea 11:27

I sanga, mí yɔkpa, i va lɔan lahɔl telenndan lapum, yiaan a bolole vesɛilen le va ya palaa. Lɔ́ɔ́ lepum, i va sumndo biyɔɔ, hoeiye va ya biyɔɔ, i va a fɛ́lio.

2Masaa 6:2

Lelan cɛl mì n kɔɛ Yurdɛn o peelo, mí vana-vana o naa tɛɛn cua pɛngɛi pilɛ, mì n tangulun fonda calaa lon.» Mí Elise mulul nda aa: «Ava, la kɔ.»