2Tesalonikea 3:1 - BII BILA

¹ Puapilɛa nia, o ya yeema mì mɛɛlu niaa dimul-lo co hoo ni, la piɛi Hala le naa, haliko mi sɔɛi Maalii-e keleŋa sɛŋin nɛɛ-nɛɛ ka, mì i sɔla bɛɛlen mɛɛ o co niaa tosanndo tɛɛn yɛ.

2Tesalonikea 3:1 Referans Kwoze

1Tesalonikea 5:25

Puapilɛa naa, la piɛi Hala le naa.

Kolɔsea 4:3

Mì la piɛi vɛlɛ le naa: mì Hala kumbil naa dioo le sɔɛi, haliko mi n tiwba dɛnɛ viannan Krista-o yondaa. Le dɛnɛ viannan ndɔ kon ya co o yɔlɔn nuaa ni,

1Korɛntea 16:9

kani dioo kumbilun ya kumbilɔnndo pila, kɛ yaamɔaa nia co sɛ́lɛ́.

1Tesalonikea 1:8

Kani sɔɛi Mɛlɛka-e tiw o niaa lo, o co ka Maseduan a Akaii le, mì tɔ́ɔ́ niaa laalan Hala-o kɔa nɛɛ-nɛɛ ka. Hali mì n suu bɛɛ a ken o kɔɔ le.

Dɛnnda kiilaa 19:20

O kon mí sɔɛi Maalii-e i tiw, mí i sɔla kpaayaa.

1Tesalonikea 5:17

la vá piɛilen lɔ́ɔ́-lɔ́ɔ̀,

Dɛnnda kiilaa 12:24

Kɛ sɔɛi Hala-e ndi va hiovɔɔ laci tuŋ.

2Timote 2:9

Le Yoongu Kɛndɛ kon ya co sangaa sɔlaa nuaa ni, mì va vɛlɛ o yɔlɔn maa vana tɛɛmbuu dɛnɛ pum-ndo. Kɛ sɔɛi Hala-e co i yiyaa le.

1Tesalonikea 4:1

Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

1Tesalonikea 2:1

Puapilɛa naa, niaa pila sínà maa kɔla naa n kɔɛ niaa yilɔɔ lan la yɔŋnun fúú le.

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

2Korɛntea 1:11

Niaa bɛɛ, o bɛnda mì la va naa malaa o piɛilen nin, kani te vanaa bɔɔ-bɔɔ a piɛi pɛ le naa, Mɛlɛka co piɛile len muli. O kon vanaa bɔɔ-bɔɔ a sɔlanin kɛndɛi ken le naa mà mel Hala balika a naa o kɔɔ.

Rɔmnda 15:30

Puapilɛa nia, i co niaa yoomuan luei, la yiyan le Maalii Yeesu Krista a le kaola Kɔl-Diandaa ke naa-o, mì la mala ya cɔlɔba kon o piɛilen nin,

Dɛnnda kiilaa 6:7

O kon, mí sɔɛi Hala-e sɛŋin, mí kaandennda keleŋa kui Yerusalɛm. Mí vanaa-solia-lasálàà bɔɔ-bɔɔ a laalan.

Matie 9:38

Lelan la tɛɛlun vana iciɛɔ, mò yɔngu vanaa baalaa le ndi kovɔɔ.»

Condii lisai 138:2

I baŋnin vulan Fonda-Diandaa nɔmndo o hɔl, mì lisa diola nɔmndan le kaola nɔmndo a le lo n lo o lediom coo-o, kani a peelu kpema nɔm óò yii-yo hiovɔɔ mɛɛ naa n va nɔm kɔl-lɛ coo.

Luke 10:2

Mó dimul nda aa: «Kovɔɔ co o bɔɔ, kɛ vanaa koavaa co sɛ́lɛ́ le. Lelan la tɛɛlun vana iciɔɔ mò cuu vanaa baalaa le kovɔɔ.

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.