2Tesalonikea 2:9 - BII BILA

⁹ Vana kɔlvesɛiyo hunnin a kpaaya Setana-o, mò tosa dɛnnda kpaayala súú-súù ka, kaamaalan a kɔndɔfilta lacòòvalan.

2Tesalonikea 2:9 Referans Kwoze

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Efɛsea 2:2

O dɛnnda lan nin niaa va kelaa telen kon ni maa vanaa ceenda, mí la va ɲɛ masa kpaaya ihoyo va dimio-o biyɔɔ, kɔl co kon baalaa tosaa telenndo ho vanaa co Hala diom tueyɔɔ le-a tɛɛn-ndo.

2Korɛntea 11:3

Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

Nsaŋ 4:48

Mí Yeesu dimul ndu aa: «Te o co mì la ce dɛnnda kɔndɔfiltan a kaamaalan te, la laalan dɔ́ɔ́ le!»

Marke 13:22

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, le vanaa sɔla hɛlio-a lueiyo o pɔwlan nin, taa tiw pɛ ba.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Dɛnnda cɔɔmuanndan 18:23

Vana ci lɛnin ɲɛ-tengaa fitina lon te, diom vana cua lanɔɔ sɛnɛi-yo te kon te vana cal o nɔu sɛnɛi-yo tuinun ndɛnin ndon te. Kani yulaa ndɔa va vanaa bɛndua o lɛŋnden coo ni, mí vanaa-mangalaa-isɔɔa kpow a luɛi o pɔwlan nin a kueile nɔmnden.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

2Timote 3:8

A simulnin toɲa Mɛlɛka-a mɛɛ Yanɛs nda Yambrɛs simul Moise yɛ (Fulaa 7.11).

2Korɛntea 11:14

Kɛ kon dow vana kɔndɔfili le, kani Setana pila bɛɛ co handɔnndo o hɔl maa mɛlɛkanɔ ɲɛ-tengaa o co ni.

Dɛnnda kiilaa 13:10

mó dimi aa: «Nɔm vana pɛ ho a kɔlkalu vɔɔndo, mà pia vɛlɛ a vannda huiyo-o sei, nɔm po ɲina vɔɔndo, nɔm vana yeema ho dɛnɛ sandaa kɛ́-kɛ̀ loo. Lɔ́ɔ́ kuɛɛ n pɛngi yɛnin nɛila sandaala Mɛlɛka lan tunduuo?

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Nsaŋ 8:41

Dɛnnda fuɲa nia lan niaa co tosaa ni.» Má dimul ndu aa: «N co cuavaa sámá le. Fuɲa ndu pilɛ kpé naa n nɔ ni, Hala pɛɛn.»

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

Dɛnnda cɔɔmuanndan 12:17

Mí tambálaká kon tuulu kɔl a vanalanɔɔ, mó mululun cuavaa ndɔa imamaa tɔ̀a a cɔwvo, a co tɔŋnda Hala lan biyɔɔ, mà va kelaa o seile Yeesu len coo-a pɛɛn.

Fulaa 8:18

Kɛ sunbungaa kalaa tiiyanin o tàndàá Kosɛn nin te, kani lon cuavaa ndɔa co icali ni. Hali sunbungaa ndu pilɛ tiiyanin ndon te, haliko ma sina maa ndu Mɛlɛka co o lɛŋnden nden tɛɛn.

Fulaa 8:7

Ŋɔɔŋɔɔnda co nɔm faŋan coo o cɛila nɔmndan nin, o cɛila vanaa nɔmaa baalaa nin a o cɛila vanaa tɔ̀a kpede nin, mà lo o pee bɛndoo Nil kɔllo kínɛí.»

Fulaa 7:22

Mí vanaa mangalaa Esipte bɛɛ tosa dɛnɛ kɔndɔfili pilɛ kon a kpaaya nda mangalaa. Mí Faraɔnnɔɔ cɔɔlu vɛlɛ nilan kindi, mó kɛɛ le sɔɛi Moise nda Aarɔn-nde biyɔɔ maa mɛɛ Mɛlɛka ndóò dimi yɛ.

Dɛnnda cɔɔmuanndan 9:11

O va nda coo masaa-o va mɛlɛkanɔ soon yingilɛi kon ni, diola ndɔlan o hebrei nin aa Abadɔn, o krɛkiei nin yɛ aa Apoliɔn. Kon co dimio ni aa «Vana tɛɛmbua».

2Dɛnnda lemasalan 18:20

O kon, mí yiyanndo pum fula, mó sim Mɛlɛka o hɔl, mó dimi aa: ‹Ya dɛɛniaanin ndu ni.› Kɛ mí Mɛlɛka ɲuna yiyan kon aa: ‹Vɛɛ nɛ n tosa yɛnin?›

Esai 29:10

Kani Mɛlɛka cucu kɔl dialun vílɛ́i bɛndoo niaa coo, o kinda hɔlta niaalan (niaa vanaa-tɛɛngaa-diom Hala-a), o kumbu bolii niɛi (niaa vanaa sina siɔdii lacio-a).

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Matie 12:22

O kon kɔɔli, má cuu ndu bobonɔ sumɛi ɲina vɔɔndo va kɔɔli-o. Mó singi ndu, mí bobonɔ kon kandu dɔ́ɔ́ sɔɛi a cɔu.

Nsaki 3:15

Kɔlkalu vaa lende co kɔlkalu fula coocoo le, kɛ kɔlkalu ceendo, kɔlkalu n'faloo a kɔlkalu ɲinaa co kon ni.

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.

Luke 11:25

Te o muungu pɛ mò kɔ komal cɛi kalaa o basaa, mò va o toosiaa ɲɛkɛndɛi,