2Tesalonikea 2:8 - BII BILA

⁸ O kon vana kɔlvesɛi kon cɔmnun niko, o Maalii Yeesu tɛɛmbuunin a hoeyii fulanin ndu Maalii o sondo-e-o, mò tɛɛmbuu biilu hunɔɔ ndɔɔ-o pɛɛn.

2Tesalonikea 2:8 Referans Kwoze

2Tesalonikea 2:3

La cɛ̀l mì vana-vana hui niaa o nɛi oo nɛi coo le. Kani fɔ mì vannda kɛɛ laalanndo malan paale len le tiiya. O kon mì vana tɛɛmbua fula, o bɛnda le lou o ɲánndávàà-o pɛɛn.

Esai 11:4

Kɛ o kialunin yamɛi vanaa bala fondoa a sandei, o kilulnin vanaa co o sangaa nin o lɛŋnden coo-a yamɛi sandɛi sakpo. O lɔanin lɛŋnden a sɔɛi ndɔɛi maa a lesiondoo. O hulnin a cɔcɔn ndɔn mo dii vana kɔlvesɛiyo.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Dɛnnda cɔɔmuanndan 19:15

Mɔɛi cɔvii luɛyɛi va fulaa ndu o sondo le vanaa-mangalaa-isɔɔa diwvo a ndi. O tosanin nda masalen coo a sionnde icilinnden, mó vayia rɛsɛnndon o doola kɔltuw bɛndu Hala, Vana-Kpaayaa-Kpow-vo nin.

Tite 2:13

Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.

Dɛnnda cɔɔmuanndan 2:16

Lelan mangalan, te o co kon te, i co lakɔ o nɔm ndo sunsun, mì kɔ cɔlɔba nda a mɔɛi cɔvii co ya fulaa o sondo-e.

1Nsaŋ 5:18

N sina maa vana-vana velun pɛ o Hala nin, ndu hiw lɛ laci a hakio tosaa le. Kani Po Hala-o co ndu kandaa, Vana Vɔɔndo nɔ lɛ kpaaya ndu coo le.

Hebreea 10:27

fɔ calle cumndo a siòònde, le yamɛi Hala kilulnin vana kon-nde a yinnde bɛndule loamnin vanaa nila kalua len.

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

2Timote 1:10

Kɛndɛi ken i cuu nihau cɔmnɔn a fula Yeesu Krista Vana Ciindiaa naa fula, mó cɔmnun-ndo. Yeesu sɔla kpaayaa piɔ́mndo coo, mó soli yoomu fɛɛn-fɛɛndo ceen kpendekele a Yoongu Kɛndɔɔ o kɔɔ-o.

Daniɛl 7:26

O kon kɔɔli, vanaa kialaa n'yamaa o halataala a cuungiannin mà cal o fonda kialaa n'yamaa, mì vanabɛnduyɛi puunun ndu o ba, mì i tambu háá mì siŋnun ɲɛ fondoo le lɔ́ɔ́-lɔ́ɔ̀.

SƐBƐ YƆB-O 4:9

Vanaa vaa lende, hoeyii Hala-e dɔaw nda yɛɛvɛ ni, hoeyii fula Hala o milin-nde loam nda ni.

Dɛnnda cɔɔmuanndan 1:16

Loeon va ndu o ba kɛndɔɔ mún ŋɔmmɛw, mɔɛi sondola tiɔɔŋii cɛɛŋɛi va ndu fulaa o sondo, hɔlaa ndɔa va volio maa paale kala ŋama-ŋama.

1Nsaŋ 3:12

N tosan maa Kaɛn te, le vana Vɔɔndo ndu va ni, mó dii pɔmbɔ ndɔ. Le yɛɛ kpeekpei o dii yɛ ndu? Le mɛɛ dɛnnda ndɔlan láà vɔw, mí la pɔmbɔ ndɔlan láà sandu yɛ.

1Nsaŋ 2:13

Niaa fuɲaa, i co niaa sɛval, kani la sínà vana co kabi o tasendɔ-o. Niaa felengia, i co niaa sɛval, kani la nɔla Vana Vɔɔndo.

2Timote 4:1

I co nɔm sila Hala hɔl a Yeesu Krista o hɔl kpendekele, o co hunɔɔ kɔɔsɔ vanaa co yoomu-a a vanaa vi-a kiolɔɔ-o, mì sila nɔm o diola hunɔɔ ndɔɔ a o diola Masale ndɔlen,

1Timote 6:14

mà mandan a sila n sɔla hoo-o, o va a isɔw le, te kon te mì vana dimi káà nɔm vɔɔndo le, háá paale Maalii naa Yeesu Krista cɔmnunnin-nden.

Matie 13:38

Ciɛi, ndi co ceendo ni. Malun kɛndɔn, mun co vanaa co masale halataala len cɛlɔɔ-a ni. Bil vɔɔndo yɛ, ndu co buɛyaa Vana vɔɔndo ni.

Matie 13:19

Kulun deli o nɛiyo demullo-on, mun co vanaa tuɛi sɔɛi masale Hala len, a bii ndi bila le-a ni. Vana vɔɔndo hin pɛ, o soli nda sɔɛi saŋnun ken nda o lakɔl-le o lakɔl.

Osee 6:5

Lelan ya co kei a vanaa-tɛɛngaa-diom Hala-a ni, mì tuisi niaa sangalan coo. Lelan ya diwnin niaa a sɔɛi fulanin ya o sondo-e ni. Yamɛi nii tenganin vakpa maa ɲɛ-tengaa lepala.

Condii lisai 18:15

Mó va kɔɔn ndɔn vuuo, mó va yaamɔɔa puusiaa, mí piɔɔ-volia va iŋuanndi-ŋuanndiei, má laasian kɔltan.

Esai 30:28

O co yoomoo vana ca kaa pee pɔmbɔ mɛnndan ma pɛ nin mi ma hel o kɔngɔlan mi ma bii vana o bololan di-o ni. O hin ma hunaa le vanaa-mangalaa-isɔɔa cacɔɔ a tɛmɛ tɛɛmbua, a le nda kalafolan vowvo o yaalelan nin, le nda laasiaa.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 8:25

O palanin vannda a kɔlkalu ndɔ vɔɔndo, mó saangiaa nda. O kuundiannin o kɔl ndɔɔ nin, o voolunin vanaa co yiyanndo maa a co o kɔlɲuloo nin-nda, mó diw nda taw-taw. O simulnin bolle simlacia, kɛ vana pilannin ndu le, mó yomiyomi, mó cuinun.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

1Korɛntea 1:28

Mó hɛli ɲɛm ceendo co cɔu maa ɲɛ fondo-on, n vannda co yii luɛyɔɔ loon, n co bɛɛ ɲɛ-ɲɛ nda o hɔl te-on le ɲɛm nda co cɔu maa n'sɔvɛ-on tɛɛmbuuo.

Dɛnnda cɔɔmuanndan 13:5

Mí sondoo kennun visi kalaa le yongaa sɔɛi a le sɔɔn tanan dimio a Hala. Mí kpaayaa kennun ndu le masalen tosaa le paangon belehiɔɔlu a n'miun.

2Samiɛl 23:7

Vana pilan ndu le, fɔ ma nɔ baw icilinndo o ba, te kon te fɔ ma nɔ piaw bállo o ba le tiindanndo. Yɔm n'yɔɔ vaa lende yɛ, o foofo vana loam ndu ni mungén!›»