2Tesalonikea 2:2 - BII BILA

² la malnùn mì la keleŋa luɛyɔɔ o lapɔw nin te, yɔŋii vana pum luei niaa siòònde, mò dimul niaa siɔdii lacio, te kon te diomnden, te kon te mà sɛval niaa sɛbɔɔ maa naa o ba o fula ni, maa paale Maalii len le tiiya.

2Tesalonikea 2:2 Referans Kwoze

Marke 13:7

Tuma niaa tuɛinin sɔɔn cɔwvon a ɲiimu-ɲiimu lacɔwvo-o, la láásiàn kɔltan te. Kani fɔ mì ken tosan, kɛ o ve vɔnin lamɛɛlu le la vanin ndan te.

2Tesalonikea 3:17

Yilɔɔlan ndan, ya Pol co lan sɛvaa a ba ni. Nuaa ya handu pondalen o sɛbɛla nilan nin kpow o mɛɛlulan ni. Nuaa ya sɛva ni.

Luke 21:9

Tuma niaa tuɛinin sɔɔn cɔwvon a dɛnnda laasi-laasilan-ndo, siòòŋii bii niaa le. Kani fɔ mì kon tosan fɔlɔn. Kɛ mɛɛlulan la ve vɔnin kpɛɛlun te.»

1Tesalonikea 4:15

Nduyɛ, ɲɛ naa n co niaa dimul fulaa o sɔɛi Maalii-e nin-ndo co hoo ni. Naa vanaa vanin yoomu lɔ́ɔ́ Maalii hunin-ndo-a, n hiwnin vanaa vi-a laci le.

1Korɛntea 1:8

Mɛlɛka hiawnin laci a niaa kpaayaa keo háá o mɛɛlulan, haliko mi la va vanaa yaalan te-a paale Maalii naa Yeesu hunnin-nden te.

Nsaŋ 14:1

Mí Yeesu dimul kaandeŋaa ndɔa aa: «Kɔlta niaalan la sanga le, la laalan Hala mì la laalan ya vɛlɛ.

Luke 21:19

Lelan la ló biuvɔnndo, mì la sɔla cindaa.»

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Esai 7:2

Mí vannda kɔ dimul yungu David-o aa: «Aramiia kila dɔ́ɔ́ngɔ́ɔ̀ o tàndá cuavaa-imamaa Efraim-nda nin.» O kon, mí masaa Ahas nda vanaa ndɔa hiilun kɔltan mɛ̀ɛ́-mɛ̀ɛ́ hoeyii fùkù-fùkùei hiiluu yɔmnde o bundɔɔ nin nuaa yɛ.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

1Tesalonikea 3:3

haliko vana-vana o niaa tɛɛn vu n'dial a dɛnnda palaala vannda co naa hau tuisio coo lan te. Niaa pila sínà maa dɛnnda lan Hala kelu le naa ni.

Efɛsea 5:6

La cɛl mì vana-vana hui niaa a sɔɔn fondon te, kani le tɛɛmbuula vaa lende kɔltuw Hala-o toalnin vanaa co ndu simullo-a coo ni.

Esai 26:3

Ke vana kɛsi kɔl ndɔɔ nɔm coo-o kɔlɲulu kpeekpeiyo, kani nɔm o tiindan ni.

2Tesalonikea 2:15

Lelan, puapilɛa naa, la sim yili mì la loonun pɛɛkula naa n pɛɛku niaa a lasondo lan, te kon te o sɛbɔɔ nin-ndan.

1Tesalonikea 5:2

kani niaa pila sìna ɲɛkɛndɛi maa paale Maalii hunin-nden le vanin ko maa paale vuiyo hinul vana icɔl-ten.

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

1Korɛntea 7:26

Le mɛɛ sangalan la co sunsun yɛ, i ce maa o co fisa mì vana-vana vannun mɛɛ o co yɛ.

1Korɛntea 14:32

Vanaa-tɛɛngaa-diom Hala-a bɛnda mà nɔla kɔlta ndalan biyɔɔ, mà va o nda pila nin.