2Tesalonikea 1:8 - BII BILA

⁸ O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

2Tesalonikea 1:8 Referans Kwoze

1Piɛr 4:17

Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

Hebreea 10:27

fɔ calle cumndo a siòònde, le yamɛi Hala kilulnin vana kon-nde a yinnde bɛndule loamnin vanaa nila kalua len.

Condii lisai 79:6

Tuisi kɔltuw nɔmndo vanaa-mangalaa-isɔaa coo, à sina kan nɔm te-a pɛɛn, tuisi ndu masɛi pel hee diola nɔmndan tei coo.

Hebreea 10:30

N sínà maa vana dimio aa: «Ya bɛnda le màá mingi o ni. I salanin vana-vana mɛɛ o bɛnda yɛ». Ndu koni dimi vɛlɛ ni aa: «Mɛlɛka kialunin vanaa ndɔa iyama.»

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

Kalatea 4:8

Paandu, telen niáà síná vɔ Hala loo, la va o cɛle ɲɛm niáà cɔu maa n'hala-on bɛngu, nduyɛ n co Hala le.

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Hebreea 12:29

Kani yinnde tɛɛmbua len Hala naa co ni.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Dɛnnda cɔɔmuanndan 6:10

A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»

1Tesalonikea 4:5

La malnun yeemɛi vɔɔnde o ba maa vanaa sìna Hala le-a le.

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Dɛnnda kiilaa 6:7

O kon, mí sɔɛi Hala-e sɛŋin, mí kaandennda keleŋa kui Yerusalɛm. Mí vanaa-solia-lasálàà bɔɔ-bɔɔ a laalan.

Nsaŋ 3:19

Yamɛi ken co yɛ hee ni: Ɲɛ-tengaa hin o ceendo coo, mí vanndacieea kaola ɲumndan hiovɔɔ ɲɛ-tengaa coo, kani dɛnnda ndalan la niŋ te.

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Sofoni 1:6

I tɛɛmbuunin vanaa co faŋanndo ya Mɛlɛka ibuŋ, a co buulan te-a, vanaa co ya sɔɔnguu ikɛi le ya sila ɲuna le-a pɛɛn.

Daniɛl 7:10

Pee bɛndu leyinndo va fulaa mó va hiovɔɔ ndu laci. Mí sɛ́lɛ́ bɛndu-bɛndoo va ndu baalaa tosallo. Mí sɛ́lɛ́ bɛndu cuu cɔm too va isisi ndu laci. Mí vanaa kialaa n'yamaa cal, mí sɛbɛlan la kumbin.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Condii lisai 94:1

Kpòkóó Mɛlɛka, Hala vana mingiaa màá, Hala vana mingi màálan-ndo, cɔm diondɔɔ nɔmndo!

Condii lisai 18:44

Nɔm Mɛlɛka, a co ya baŋaa vanaa nila kalua o ba, o kɛsi ya simlacinɔ vanaa-mangalaa-isɔɔa coo, vanaa yáà sina paandu le-a cal o ba nuu bɛngu.

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.

Tɔŋ miingua 5:5

Ya i va isisi Mɛlɛka a niaa tɛɛn le niaa sɔɛi ndɔɛi tɛɛngullo. Kani siòònde va niaa a yinnde va lon-nden, lelan la hel o pembei coo le. Sɔɔn Mɛlɛka dimi telen kon-ndon va mun ni:

Tɔŋ miingua 4:30

Te sangala lan kpow la kei pɛ niaa coo mì la ŋɔɔcian, o kon kɔɔli la muungu o Mɛlɛka Hala niaa lo, la bii diom ndɔɔ.

Tɔŋ miingua 4:11

O kon mí la sɔɔnguu o pembei bɛngu kpow, mí la sim ndon, telen kon yinnde bɛndu-bɛndulen le va biyɔɔ cɔn o pembei coo háá o halataalaa nin di-di. Le va biyɔɔ o ɲumma bɛnduan a o kumii bɛnduei nin.

Fulaa 5:2

Mí Faraɔnnɔɔ mulul nda aa: «Nɛ̀ɛ́-nɛ̀ co yɛ Mɛlɛka, o niaa yeema kon mì bii diom ndɔɔ le Israɛlla malɔɔ kɔnndan-ndo? I sina Mɛlɛka kon te, i melnin vɛlɛ Israɛlla kɔlan te.»

O Kandɔɔ 3:24

Mɛɛ Mɛlɛka soli ndu o nakɔɔ nin lende, mó handu mɛlɛkaa kanda ɲɛm Hala-on-nda kpalillo o nakɔ kon sondoo a mɔɔn leyinndon o laba. Má va mun hiŋndo le nɛi yɔm cindaa kon cumullo.

1Piɛr 3:6

maa mɛɛ Sara ndóò bii sɔɛi Abraham-nde mó va ndu veeloo aa vana ni bɛndoo yɛ. Cuavaa ndaa imamaa niaa co ni, le tùú niaa co dɛnnda kɛndɛlan tosaa-o, te la tosa pɛ dɛnɛ kɛndɔɔ, mì siòòŋii bii niaa a ɲɛ-ɲɛ le.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Hebreea 11:8

A laalanndo Abraham cɛl veelu Hala-o ni, mó kɔa o lɛŋnde Hala yiilu ndu kpemaa le ndu len keo kɛ́ɔ len nin, ndóò sínà vɔ bɛɛ lon te, mó kɔa.

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

Kalatea 3:1

Éé niaa Kalatea diɔmnda ha! Nɛɛ mangala yɛ dɔ́ɔ́ niaa kɔltan niŋ nuaa? Nduyɛ niaa o hɔl kpendekele naa n cɔm niaa sɔɛi Yeesu Krista nda baŋ o yɔm singafilaa coo-e ni.

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

Rɔmnda 16:26

Sunsun, o co o cɔmnan kpendekele. O kon mí vanaa súúla yɛ́-yɛ́a co n'yuif le-a a sínà yoongu kon o sɛbɛla vanaa-tɛɛngaa-diom Hala-a nin. Hala co le fɛɛn a fɛɛn-ndo dimi ndu ni, haliko mi vannda súúlan kpow a laalan ndu, mà bii sɔɛi ndɔɛi.

Rɔmnda 15:18

Kani i diminin isɔɔ oo isɔɔ le, te o co sɔɛi Krista tosa o ya nin-nde le, sɔɛi o tosa mí vanaa co n'yuif le-a bii sɔɛi Hala-e yɛ. A sɔɛi sondoei a á dɛnndan o tosa ken

Rɔmnda 10:16

Kɛ o co vannda kpow le a cɛl Yoongu kɛndɔɔ le. Mí Esai dimi ndi aa: «Mɛlɛka, nɛ̀ɛ́ laalan yɛ sɔɛi naa n co yondaa-e?»

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

Nsaŋ 8:19

O kon má dimul ndu aa: «Kuɛɛ Fuɲa nɔm co yɛ?» Mí Yeesu muli aa: «La sina ya le, la sina vɛlɛ Fuɲa nuu le. Te niáà sina ya pɛ, la va Fuɲa nuu sina.»

Yeremi 9:6

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co nda dindi a yinnden mì soli nda kɔlɔ. Kani mɛɛ celen tosaa co a vanaa nia le!

Esai 61:2

O vem ya le yondaa a vɔsi kɛndɛi Mɛlɛka-e fulanin ceen-ndo o kɔɔ, a á paale Hala naa minginin màá len o kɔɔ, le vanaa co o dɛnɛ palaa nin-nda kpow ɲɔɔloo.

Esai 1:19

Te la cɛl pɛ le diom nuu biyɔɔ a yiyan kɛndɔɔ, la dianin kɔmnde hiow naŋɔɔ o lɛŋnden nden nin-nden.

Condii lisai 9:10

Mɛlɛka co kpakio le vanaa nda co saangiaa-a ni, kpaki nda viannun nin telen dɛnɛ palaa-o.

1Samiɛl 2:12

Vanaa fondoa poaa Helii-a va ni, ndáà nɔ siòòŋii Mɛlɛka le.

Esai 1:28

Kɛ vanaa nila kalua a vanaa lahakia dɔawnunnin yɛɛvɛ. Vanaa kɛɛnin Mɛlɛka-a cuunin itambu kpede.

Yeremi 10:25

Tuisi kɔltuw nɔmndo lɛŋii sina nɔm te-e a vanaa co nɔm biilu le-a coo. Kani a co vanaa nɔmnda ɲɔɔn poondiaa o laba, a co nda mɛiyo fondo fúú, a co lɛŋnde ndalen tɛɛmbuuo.

Yude 1:7

Lende koni, vannda Sodɔm, haa Komɔr a vanaa va o kobilaa balu lan-ndan nin-nda tosa ni, má vow balan o dɛnnda nɔɔlɛilan nin, a o kelala suundɛila vɔɔn-vɔɔnndan nin. Mí Mɛlɛka tɛɛmbuu vanaa kan kpow o yinnde fɛɛn-fɛɛn nden nin, mí ken va maa sila le vana-vana.

2Samiɛl 23:7

Vana pilan ndu le, fɔ ma nɔ baw icilinndo o ba, te kon te fɔ ma nɔ piaw bállo o ba le tiindanndo. Yɔm n'yɔɔ vaa lende yɛ, o foofo vana loam ndu ni mungén!›»