2Tesalonikea 1:5 - BII BILA

⁵ Tɔɔmasele kon cɔm ni maa yamɛi Hala-e sandu, kani biwnɔn niaa co kon-ndo tosanin ni mì la siŋnun vanaa bɛnda le luɛyɔɔ o masale Hala len nin-nda, masale niaa co leen sangaa sɔlaa kɔɔli len pɛɛn.

2Tesalonikea 1:5 Referans Kwoze

Filipea 1:28

La cɛ̀l mì yaamɔɔa vueinun niaa le. Ken cɔm ni maa o ɲánndávàà nda co kɔlan lou lende ni, kɛ le niaa, cɔmndo co kon ni maa la sɔla cindaa. Nduyɛ, Hala o ba kon fulà ni.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Luke 20:35

Kɛ vanaa Hala ke dio le tendullo fulaa ciee-piɔ́m, mà luɛi o ceen co hunɔɔ-o nin-nda, nda yilnin n'laandu le, a celnin o lanɔ le.

2Timote 2:12

Te n biwnun pɛ, n tosanin vɛlɛ masalen naa ndaa. Te n kɛɛ pɛ ndu, ndu bɛɛ kɛɛnin naa.

2Tesalonikea 1:11

Lelan, n co piɛilen lɔ́ɔ́-lɔ́ɔ̀ le niaa. N Hala naa ɲunaa haliko mo cɛl, mì la va ceendo vilio mɛɛ o bɛnda yɛ, ceen o veelu niaa, mì la va nin-ndo. N co ndu piɛiyo haliko mi kpaaya ndɔɔ peelun o yeeman kɛndɛn co niaa o lakɔl-lon nin, mì laalan niaa peelun o dɛnndan kpow nin.

Rɔmnda 8:17

Nduyɛ, te cuavaa ndɔa naa n co ni, mɛɛ vanaa cuaa kɛ-a naa n co ni, vanaa cua kɛ Hala-o-a pɛɛn. Naa Krista-aa n cuanin ndu latulu ni, te n sanga pɛ naa ndaa latulu, haliko mi n sɔla biiloo naa ndaa latulu.

Condii lisai 99:4

Nɔm Masa kpaayaa, nɔm vana kaola sandei-yo. Nɔm soli yamɛi ni, má tosal Yakɔb dɛnɛ sandaa a dɛnɛ kɛndɔɔ.

Dɛnnda cɔɔmuanndan 16:7

O kon mí tuɛi diomndo fulaa o fonda-loamaa-lasálàá aa: «Oi, Mɛlɛka Hala Vana-Kpaayaa-Kpow, toɲaa yaman nɔmndon co ni, n sandu.»

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Dɛnnda cɔɔmuanndan 3:4

Kɛ nduyɛ, a nɔ vannda pum Sarde, a nɔɔliaa volɔɔla ndala cuɛinanndan te-a. Nda nda, n kɔanin naa ndaa latulu o volɔɔla humbulan nin, kani nda bɛnda le ken ni.

1Tesalonikea 2:14

Lelan puapilɛa naa, dɛnɔɔ ho yɔŋnun niaa maa vanaa laalaŋaa co Yuda-a, a co le Hala má laalan Yeesu Krista-a pɛɛn. Vanaa niaa co súú pilɔɔ-a saangiaa niaa, mí la sɔla sangaa maa mɛɛ vanaa laalaŋaa kan a sɔla sangaa Yuifia o ba yɛ.

Kolɔsea 1:12

La mel Pua Hala balika a ɲaaloo le tùú o cɛl niaa, mí la sɔla kɛ́ co o mandaa o masale ɲɛ-tengaalen nin le vanaa ndɔa-o.

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Dɛnnda kiilaa 13:46

O kon, mí Pol nda Barnabas dimul nda a tiindanndo kpendekele aa: «Ndóò bɛnda mì naa n dimul niaa fɔlɔn sɔɛi Hala-e. Kɛ le mɛɛ niaa co ndi kɛɔ, mì niaa pila va cɔnɔnndo maa la co vanaa bɛnda mì la sɔla yoomu fɛɛn-fɛɛn te yɛ, n co mulin o vanaa co N'Yuifi le-a lo.

Luke 21:36

La lɔl te, la va piɛilen lɔ́ɔ́-lɔ́ɔ̀. O kon, mì la sɔla yoomuan le dɛnnda hun tosannin-ndan kpow biuvɔnndo, le simndan Po vanacieo o hɔl.»

Yeremi 9:24

Mɛlɛka dimi aa: «Paale co hunɔɔ, mì simul vanaa dii toomaa n'faloo daama-a:

Condii lisai 111:7

Ɲɛ-ɲɛ o tosa pɛ, ndu cɔm maa Mɛlɛka lo o lediom coo-o a Mɛlɛka sandaa o co ni. Silala ndɔlan kpow, silala toɲalan la co ni.

Condii lisai 72:2

O kon, o kialunin vanaa nɔmnda iyama o sandei nin, mò kelu yaman vanaa dɛnɛ palaa co coo-a a sakpoyɛi.

Condii lisai 50:6

Halataalaa co cɔmndo maa Hala sandu, kani ndu Hala pila co vana kialaa n'yamaa ni.

Condii lisai 33:5

Dɛnɛ sandaa a sakpoyɛi o yeema ni. Vanakɛndɛyɛi ndɔɛi pɛ o lɛŋnden coo cá.

SƐBƐ YƆB-O 8:3

Vɛ̀ɛ̀ Hala cɛ̀l pá le dɛnɛ sandaa tundɔɔ? Vana-Kpaayaa-Kpow mangalà pá dɛnɛ connun sakpo-o?