2Tesalonikea 1:3 - BII BILA

³ Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

2Tesalonikea 1:3 Referans Kwoze

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

1Tesalonikea 4:1

Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

Filipea 1:9

O ya co Hala piɛyo le niaa-o, ndu co ho ni: mì kaola niaa va hiovɔɔ laci lɔ́ɔ́-lɔ́ɔ̀, mò pɛ a sina kpeekpeiyo a á dɛnndan bilaa biyɔɔ ɲɛkɛndɛi,

1Tesalonikea 3:12

Màá Mɛlɛka cɔɔlu niaa kaolaa tɛɛn vellaa-velle, mò cɔɔlu vɛlɛ ndu niaa a vanaa celen tɛɛn, mò va maa o naa n nɔ le niaa-o!

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

1Tesalonikea 3:9

N sínà bɛɛ mɛɛ naa n mel Hala balika le niaa le, kani la yɔngu naa ɲaaloo o lakɔl ndu o hɔl.

Rɔmnda 1:8

Ɲɛ tasoo, i mel Hala nuu balika o diola Yeesu Krista lan le niaa kpow, kani laalan niaa kela tɔ́ɔ́ o ceendo coo kpow.

2Piɛr 1:13

Te i co vɔ pɛ o ceendo ho coo, i ce ken dɛnɛ sandaa, mì va niaa yiyilanndo le mɛɛ niaa va o lapɔɛɛn nin te yɛ,

1Tesalonikea 3:6

Kɛ Timote langa komal naa fulaa o niaa lo, mó downun naa kona kɛndɔɔ a laalan niaa a á kaola niaa nɔ-o o kɔɔ, mó cɔm naa yiyan kɛndɛ niaa nɔ a naa-o a yeemɛi niaa nɔ le naa cɔu vɛlɛ-e. Naab bɛɛ yeemɛi ken co naa taw.

Filipea 1:7

O bɛnda mì yiyan lende le niaa kpow, kani dɛnnda niaalan la co ya o kɔl. Kani o va telen ya co hau o kaasoo-o, o va telen ya va o pelon coo le yoongu kɛndɔɔ-o a telen ya va ndu keiyo yondaa nɛɛ-nɛɛ ka a kpaayaa-o, mɛɛ niaa co kpow, mí la sɔɔnguu mí la sɔla dɛnɛ kɛndɔɔ a ya latulu.

Efɛsea 5:20

La va Hala Fuɲaa balikaa mello lɔ́ɔ́-lɔ́ɔ̀ o dɛnndan kpow nin o diola Maalii naa Yeesu Krista lan.

1Korɛntea 1:4

I co Hala balikaa mello lɔ́ɔ́-lɔ́ɔ̀ le kɛndɛi ndɔɛi, i yɔngun niaa o Yeesu Krista nin-nde.

Luke 17:5

Mí kiilaa dimul Maalii aa: «Cɔɔlu naa laalanndo.»

Luke 15:32

Kɛ mɛɛ mì n tosa kafoo, mì n dɔwnun ɲaale, kani pɔmbɔ nɔm hoo ndóò vi, kɛ o muungu yoomu. Ndóò lo, kɛ o cennun.›»

Condii lisai 92:13

Vanaa sandaa co yandɔɔ maa mavaw, a co bandei maa sɛɛdrei Liban.

Condii lisai 84:7

Mɛɛ nda va hiovɔɔ o bóllo Baka nin, mí nɔm Hala siinguu ból kon soonnda mamɛnndan, mí piɔɔ tasoo toal, mó tiw dalalan ndon kpow.

SƐBƐ YƆB-O 17:9

Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.

2Korɛntea 10:15

Lelan n kilu yonga mì n hiow ba a baala caanda tosa-o le. Kɛ n nɔ tiindanndo maa laalan niaa cɔɔlunnin, o kon mì fonda vali naa n tosa niaa tɛɛn-ndo hiow laci, nduyɛ, n hiwnin pɛɛngula hendulun naa lan coo le.

2Tesalonikea 2:1

Le hunɔɔ Maalii naa Yeesu Krista-o yɛ, a le cuungian naa cuungiannin ndu ikɛi-yo, n co niaa tɛɛlɔn puapilɛa naa,