2Tesalonikea 1:10 - BII BILA

¹⁰ paale o hunnin-nden, mò sɔla biiloo vanaa ndɔa diandaa tɛɛn, mò sɔla lisaa vanaa laalan ndu-a kpow tɛɛn. Niaa bɛɛ, la vanin vanaa kan tɛɛn, kani la laalan seile naa n tɛndal niaa len.

2Tesalonikea 1:10 Referans Kwoze

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

1Korɛntea 3:13

Kɛ dɛnnda vana-vana la fulanin ceen o paale yamɛi kiolunin-nden. Kani paale len, Mɛlɛka cɔɔmunin-ndan mì la fula ceen mɛɛ yinnden le dindi ɲɔɔ nuaa yɛ.

Nsaŋ 17:10

Ɲɛ-ɲɛ co pɛ le ya, le nɔm o co ni, ɲɛ-ɲɛ co pɛ le nɔm, le ya o co ni. O nda nin ya co biiloo sɔlaa ni.

Esai 49:3

Mó dimul-la aa: «Vana ni baalaa n co ni, nɔm Israɛl, o nɔm nin ya lisannin ni.»

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Kundalan 23:23

Dɛnɛ viamaa yava co o polale Yakɔb len coo le. Dɛnɛ lemande co Israɛlla tɛɛn te. O telen kelun-ndo nda dimulnin pulun Yakɔb-on ɲɛ Hala co tosa-o ni, Israɛlla-la pɛɛn.

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

1Korɛntea 1:6

Kani seile naalen a Krista o kɔɔ le sɔla fondaa ɲɛkɛndɛi niaa o lakɔl.

Condii lisai 89:7

Nduyɛ, nɛ̀ɛ́ co yɛ o halataalaa maa Mɛlɛka? Ɔ́ɔ̀ vana siiman a ndu o vanndacieea tɛɛn-ndo?

2Timote 1:18

Màá Maalii tosa mì Mɛlɛka tuinun ndu iɲíí o paale kialaa iyamalen. Nɔm pila sínà mɛɛ o mala ya taw Efɛs yɛ.

2Timote 1:12

Lelan ya co vɛlɛ sangalan ndan biuvɔnndo ni. Kɛ siɛmbula co ya le, kani i sínà vana ya tiindan-ndo, i nɔ vɛlɛ kɔlkɛsiaa maa o nɔ kpaayaa le ɲɛ o yɔngu ya-o mandaa háá paale o kialunin yamɛi len.

2Tesalonikea 1:12

O kon mì diola Maalii naa Yeesu lan la sɔla biiloo o niaa nin, mì niaa bɛɛ sɔla biiloo o ndu nin mɛɛ kɛndɛi Hala naa a Maalii Yeesu Krista-e co yɛ.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

1Tesalonikea 2:1

Puapilɛa naa, niaa pila sínà maa kɔla naa n kɔɛ niaa yilɔɔ lan la yɔŋnun fúú le.

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

Efɛsea 3:16

I co ndu piɛi, mò luei niaa yoomuan a kpaaya Kɔl-Diandaa ndɔɔ mɛɛ tɔnɔ biilu ndɔɔ co yɛ,

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

Efɛsea 1:14

Kɔl-Diandaa kon co tɔɔmasele ɲɛm kɛndɛn o kɛsul naa-on ni, háá mi vanaa Hala-a a sɔla baŋaa. N sɔlanin mun kɛ́ɔ tuma naa n sɔlanin baŋanndo kpede le hakio-o. Lelan, n lisan bɔɔbɔɔyɛi Hala-e.

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Kalatea 1:24

Má va Hala biiloo a ya o kɔɔ.

Nsaŋ 11:4

Yeesu tueyɔɔ dɔ́ɔ́ lende, mó dimi aa: «O co le piɔ́m sɔla le naa hoo bii ndu le, kɛ le biilu Hala-o cɔmndo, haliko mi Po Hala-o sɔla biiloo.»

Luke 10:12

Mì dimul niaa, paale len, yamɛi Hala kilulnin Sodɔm-nde vanin fisa a i kilulunnin vanaa co o kobi kon nin-nda-e.»

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Matie 24:36

«Le paale len a le telen kon, vana-vana sina le, mɛlɛkaa co o halataala-a sina le, Po vanacieo sina le, fɔ Fuɲa nuu ndu pilɛ kpé sina ni.

Matie 7:22

Vanaa bɔɔ-bɔɔ a dimulnin ya paale len aa: ‹Maalii, vɛ̀ɛ̀ o co o diola nɔmndan te naa n tɛɛngul vannda sɔɔn Hala-on te? Vɛ̀ɛ̀ o co o diola nɔmndan te naa n tow ɲinaa vɔɔnda, mí n tosa dɛnnda kaamaalan taw le?›»

Malasi 3:17

Mí Mɛlɛka-Nɔ-Kpaayaa-Kpow-vo dimi aa: ‹Vanaa nia nda vanin ni. Ya pila kpeekpei nɔnin nda ni. Paale ya cɔmnin kpaaya nuu len le tiiya pɛ, i tuinunnin nda iɲíí mɛɛ vana tuinun po nɔm co nɔm baalaa tosal-lo-o iɲíí nuaa yɛ.

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Esai 60:21

Vanaa sandaa kposon vanin o vanaa nɔmnda tɛɛn ni, lɛŋnden le vanin sumialii nda le lɔ́ɔ́-lɔ́ɔ̀. Tɛiyun yɔmun ya pila tɔl-lon nda co ni, vali ya tosa a bala nilan le salamayɛi nii cɔmndo-o nda co ni.

Esai 44:23

Niaa co o halataala-a, la dɔwnun ɲaale, kani Mɛlɛka tosa isɔɔ! Niaa co o lɛŋnden bɛngu di-di-a, la deŋi a kɔlkɛndɔɔ! Niaa pembon, la piɔndi a yoondiaala kɔlkɛndɛlan! Niaa bundɛlan bɛɛ, la dɔwnun ɲaale a yɔmii niɛi kpow! Kani Mɛlɛka baŋa polale Yakɔb len. O cɔm biilu ndɔɔ o cuavaa Israɛlla nin.

Esai 43:21

O kon, vanaa ya cownun-nda keeliaanin tɔ́ɔ́ nuu a ya lisaa.»

Condii lisai 68:35

La sina kpaaya Hala-o, ndu nɔ masalen Israɛlla coo ni. Kpaaya ndɔɔ hiow halataalaa helɔɔ.

Esai 2:11

Siɛmbulan la toalnin vanaa heelannda, mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

1Tesalonikea 2:12

N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.