2Samiɛl 9:10 - BII BILA

¹⁰ Nɔm pila, poaa nɔmnda a buɛyaa nɔmnda, niaa bɛnda le vallo tosaa o yondala lan coo ni, mì la yoo ndu ɲɛm niaa vanin kovɔɔ-on le po vana nɔm bɛndoo baloo dɔvɔɔ. Kɛ naa Mefibosɛt vanin lɔ́ɔ́-lɔ́ɔ̀ dioo latulu ni.» Siba ndóò nɔ poaa tɔ́ a à ŋuɛɛnu a buɛiya bibiin.

2Samiɛl 9:10 Referans Kwoze

2Samiɛl 9:7

Mí David dimul ndu aa: «Siòòŋii bii nɔm te. I yeema mi peelu diomnde nilen a nɔm le Yonatan fuɲa nɔm. I co nɔm lɛŋii Saul fuɲa nɔm mama-e mingul kpow. A vanin vɛlɛ lɔ́ɔ́-lɔ́ɔ̀ ɲɛdiaa dioo naa ŋiɔn latulu.»

2Samiɛl 19:28

Kɛ mí buɛi nuu kɔ ɲiinduu ya còòlan coo, mó lɔalu ya o nɔm ndo. Kɛ o va bɛɛ lende, nɔm, maa mɛlɛkanɔ Hala-o n co ni. Lelan, tosa mɛɛ ɲɔɔ hɛnan nɔm yɛ.

Luke 14:15

Vanaa nda va dioo-a o pilɛ tueyɔɔ sɔɔn mun, mó dimul Yeesu aa: «Dɛnɛ kɛndɔɔ vanin le vana dianin o Masale Hala len nin-ndo!»

2Masaa 25:29

Mó soli ndu volɔɔla kaasolan lekɔɔ. Yehoyakin vi lende, nda masaa va ɲɛdiaa dioo latulu ni.

2Samiɛl 16:3

Mí masaa ɲuna Siba aa: «Kuɛɛ nɛ Mefibosɛt, po imama vana nɔm bɛndoo co yɛ?» Mó mulul ndu aa: «O lo Yerusalɛm ciee. Kani o co yiyanndo maa Israɛlla co ndu hau masale fuɲa ndɔlen mingi o ba.»

2Samiɛl 21:7

Kɛ David yɔngu Mefibosɛt, po Yonatan-ndo, po imama Saul-lo le, kani ndáà cii nin kpema icanyaa yii o diola Mɛlɛka lan nda Yonatan po Saul-lo.

1Masaa 2:7

Pɔɛɛnun le poaa Barsilai fula Kalaad-o-a kɛndɛi mingullo le, cɛl nda mà va ɲɛdiaa nɔmndo dioo. Kani lende koni nda bɛɛ mala ya telen ya va Absalɔm puapilɛ nɔm ɲaanɔnndo-o ni.

Yeremi 52:34

Nuaa masaa Babilɔn lo Yoakɛn ɲɛm ndóò nɔ makoo-on yɔngoo lepalaa-lepala ni háá mó vu.

2Samiɛl 19:18

Vanaa fula o tàndá Bɛnyamɛn-ndo nin-nda vàá pilɛ, Siba va buɛi yungu Saul-lo-o, poaa ndɔa tɔ́ a à ŋuɛɛnu a buɛyaa ndɔa bidiin, ndáà liila ndu Yurdɛn le masaa bɔŋaa ni.