2Samiɛl 8:18 - BII BILA

¹⁸ Benaya, po Yoyada-o va simlacinɔɔ le Keretiia a Peletiaa va o kunda kpalilaa bɛ́ɛ̀ lemasaa tɛɛn-nda ni. Poaa David-a bɛɛ vanaa-solia-lasálàá nda va ni.

2Samiɛl 8:18 Referans Kwoze

1Samiɛl 30:14

Naa n del tàndá Keretiaa co a ba too-o coo a cɔwvo ni, naa n del cieon co o tàndá Yuda-o nin-ndon coo a tàndá Kalɛb co a ba too-o coo a cɔwvo ni. Naa n mal kobio Siklak yin ni.»

1Dɛnnda lemasalan 18:17

Benaya po Yehoyada-o va simlacinɔɔ Keretiia a Peletiia coo n. Poaa David-a a va vanaa tase-a le vaa masaa ikɛi ni.

2Samiɛl 20:23

Yoab va simlacinɔ vanaa cɔwva Israɛl kpow ni, Benaya po Yehoyada-o va Keretiia nda Peletiia bollen ni,

2Samiɛl 20:7

O kon mí Abisai can Yerusalɛm nda vanaa cɔvaa Yoab-a, Keretiia, Peletiia a kuubaa cɔwva kpow, má kuel Seba, po Bikri-o.

2Samiɛl 15:18

Mí vanaa baalaa ndɔa kpow a kei ndu o hɔl: Keretiia kpow, Peletiia, a n'van kɛmɛ leŋɔmpumaa fula Kat má hun ndu kɔɔli-a kpow hiaw, má va kɔlan ndu masaa laci.

1Masaa 1:44

Sadɔk vana-solia-lasálàá, Natan vana-tɛɛngaa-diom Hala-o, Benaya po Yehoyada-o, Keretiia a Peletiia kpow o vem ni má kɔ heelu ndu o sofɛlɛ lemasaa coo.

1Masaa 1:38

O kon mí Sadɔk vana-solia-lasálàá, Natan vana-tɛɛngaa-diom Hala-o, Benaya po Yehoyada-o nda vanaa cɔvaa va cɛi lemasaa kandaa-a kpow a heelu Salomɔn o sofɛlɛ lemasa David-o coo, má toal a ndu Kihon.

Sofoni 2:5

Dɛnɛ palaa co vanaa co icali o mɛmma ihɛllan kɔngɔ-a cum! Dɛnɛ palaa co le yungu hin fulaa Krɛte-o! Kani le sanga niaa sɔɛi Mɛlɛka-e dimin ni aa: ‹Sangaa co le Kanaan, lɛŋnde Filistia pɛɛn. I tɛɛmbuunin nɔm Kanaan, i solinin vanaa co icali nɔm nin-nda kpow.

Esekiɛl 25:16

lelan, nuaa Maalii Hala dimi ni aa: ‹Tofa vɔ, ya i heelunin ba nuu mì soŋ Filistia, i ciinin Keretiia kpow, mì siow vanaa tɔ̀a lonin yoomu o mɛmma ihɛllan kɔngɔa-a diw kpede.

1Masaa 4:4

Benaya, po Yehoyada-o va bolle vanaa cɔwva ni. Sadɔk nda Abiatar va vanaa-solia-lasálàá ni.

2Samiɛl 20:26

Ira fula o polale Yair len coo-o bɛɛ, vana-solia-lasálà David-o o va ni.

1Masaa 1:8

Kɛ nduyɛ, Sadɔk vana-solia-lasálàá, Benaya po Yehoyada-o, Natan vana-tɛɛngaa-diom Hala-o, Simei nda Rei a kuubaa cɔvaa David-a kpede, vana-vana sim Adoniya kɔɔli o tuu ndɔ kon coo le.

1Masaa 2:25

Mí Salomɔn viam Benaya po Yehoyada-o, mó kɔ dii Adoniya.

1Dɛnnda lemasalan 11:22

Benaya, po Yehoyada-o, kuubanɔɔ a vana dialun kalaa o va ni, Kabseɛl ndóò fula ni. Ndu dii kuubaa cɔvaa ŋiɔnda Moab ni. Ndu koni tol vɛlɛ paale pum o soon mandaa mamɛnndo nin ni, mó kɔ dii yàlàá. Paale len, mɛmma n'kpungban ma va delio.

1Masaa 4:5

Asaria, po Natan-ndo va bolle masaa n'bungaa ni, Sabud po Natan-ndo va vana-solia-lasálàá pilɛ, o va vɛlɛ caaŋoo masaa.

2Masaa 11:4

O vɔsi ŋɔmmɛwndɔɔ nin, mí Yehoyada vana-solia-lasálàá veelu simlacia vanaa cɔvaa Kariia a vanaa cɔvaa cumulaa va o Cɛi-Mɛlɛka-o nin-nda, mó luɛi a nda o Cɛi-Mɛlɛka-o nin, mó yii kpemaa a mɛnanndo a nda o Cɛi-Mɛlɛka kon nin, o kon mó cɔm nda po masaa.