2Samiɛl 8:14 - BII BILA

¹⁴ Mó suili masaa n'bungaa o lɛŋnde Edɔm-nden kpow nin. Mí Edɔmnnda siŋnun cɛa ndɔa. Nduyɛ, nɛɛ-nɛɛ David ndóò kɔɛ pɛ le cɔwvo tosaa, Mɛlɛka ndóò sim ndu laci ndóò nɔla yaamɔɔa o cɔwvo.

2Samiɛl 8:14 Referans Kwoze

O Kandɔɔ 27:29

Màá vanaa-mangalaa-isɔɔa tosal nɔm baalaa, mì vannda tundun nɔm o labɛngunin! Màá piɔlnun ladio puapilɛa nɔmnda coo, mì ndepilɛa nɔmnda baŋ vulan nɔm o labɛngunin! Vana-vana dɔw nɔm pɛ danga, dangaa co le ndu. Vana-vana dɔw nɔm pɛ duaa, duaa co le ndu.›»

2Samiɛl 8:6

Mí David kɛsi masaa n'bungaa Aram o lɛŋnde Damas len nin, o kon mí Aramiia cal sumialii ndɔ, má va muloo malɔɔ ndu o ba. Nduyɛ, nɛɛ-nɛɛ ndóò kɔɛ pɛ le cɔwvo tosaa, Mɛlɛka ndóò sim ndu kɔɔli, ndóò nɔla yaamɔɔa o cɔwvo.

O Kandɔɔ 25:23

Mí Mɛlɛka dimul ndu aa: «Vannda súúlan tan tiɔn a co nɔm o dembe ni. Vanaa-mangalaa-isɔɔa súúlan tan tiɔn n co violɔɔ ni. O pilɛ hiawnin o pilɔɔ kpaayaa. Po tasoo calnin pɔmbɔ ndɔ o labɛngunin.»

1Dɛnnda lemasalan 18:13

Mó kɛsi masaa n'bungaa Edɔmnda coo, mí Edɔmnda kpow a luɛi David o ba bɛngu. Mɛlɛka va David mandaa nɛɛ-nɛɛ o va kɔlan.

1Masaa 22:47

Mó cii vanaa va suunda bilaa n'piɔmndo-a o lɛŋnden nin, áà lo o lɛŋnden nin telen Asa fuɲa ndɔ va masaa-o-a pɛɛn.

2Samiɛl 8:15

Mí David tosa masalen Israɛlla kpow coo. Mó va yaman kiolɔɔ a sandei, o ve vannda hiyan te.

1Masaa 11:15

Tuma David va Edɔmnda cɔlɔbaa-o, mí Yoab, simlacinɔ ndɔ cɔwvo ndóò kɔa Edɔm a vannda pum kɔɔli, le vanaa cɔvaa Israɛlaa vi o cɔwvo-a kumbɔɔ. Mɛɛ o kɔɛ, mó kɔ diw vanpiaandua va Edɔm-nda kpow.

2Samiɛl 5:10

Mí David hiaw laci a yoomuan sɔlaa taw, kani Mɛlɛka, Hala-Nɔ-Kpaayaa-Kpow-vo va ndu ikɛi.

2Samiɛl 7:9

Nɛɛ-nɛɛ nɔm óò kɔɛ pɛ, i va nɔm ikɛi. Mí diw yaamɔaa nɔmnda kpow nɔm laci. Mí siinguu nɔm vana tɔ́ɔ́ bɛndoo, maa vanaa tɔ́ɔ́ bɛndua co o lɛŋnden coo-a.

1Masaa 22:48

Tuma kon, masa ve o lɛŋnde Edɔm-nden nin te, masa ibunga masa bɛndu va Yuda-o ndóò suili-o daama va lon ni.

2Masaa 14:7

Ndu Amasia kon koni dii vanaa cɔvaa Edɔmnda vaalan tɔ́ o Ból Ihɛllo nin ni. A lo cɔwvo, mó bii kobio Sela, mó mingi kobi kon diolan aa Yɔkteɛl, diola lan o nɔ vɔ háá paalen nden ni.

2Masaa 18:7

Lelan, mí Mɛlɛka va ndu Esekia ikɛi, mí kpekula ndɔlan kpow la va diondɔɔ. Mó simul masaa Asiri, mó kɛɛ le vaa ndu o ba bɛngu.

Condii lisai 60:1

Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa «Bil pɔmbɔ leseiyo»-o o soli ndi ni.