2Samiɛl 7:27 - BII BILA

²⁷ Kani nɔm Mɛlɛka-Nɔ-Kpaayaa-Kpow-vo, nɔm Hala Israɛlla pila dimul-la vana nɔm baalaa ni maa nɔm tengulnin ya cɛiyo ni. Lelan ya sɔla yoomuan le nɔm piɛilen nden tiiyallo ni.

2Samiɛl 7:27 Referans Kwoze

Condii lisai 10:17

Nɔm Mɛlɛka, a co yeemɛi vanaa bala fondoa tueyɔɔ, a co nda yoomuan lueiyo, a co nilan yaŋɔɔ o cɛɛŋɔnnda ndalan,

Ruti 4:4

Lelan ya veelu nɔm ni, mì dimul nɔm, haliko ma baŋa ndu kaasoŋaa kɔlkalua cal haa-a a vanaa co nanu-a kpede o hɔl. Taa yeema pɛ le ndu baŋaa, mɛɛ baŋa ndu, taa co yɛ vɛlɛ baŋa le, a dimul-la, i sina. Kani vana-vana bɛnda mò baŋa ndu o nɔm kɔɔli le. Te nɔm faŋan dɔ́ɔ́ pɛ, mɛɛ ya ni.» Mí langbanɔ kon muli aa: «Bala tiɔn, ya co baŋa ni.»

Condii lisai 40:6

Mɛlɛka, Hala nuu! Dɛnnda kaamaalan a tuula n tuu le naa lan la co labɔɔ. Ɲɛ-ɲɛ sulan a nɔm te. Yáà yeema mì yáà cɔm vannda lan, mì yáà mingi lan dimi, kɛ la co sɛ́lɛ́, vana nɔla lan dimio kpow le.

1Samiɛl 9:15

Nduyɛ, lɔ́ɔ́ pá mí Saul ciikan nda Samiɛl, Mɛlɛka ndóò cii nin Samiɛl dimul aa:

Fulaa 1:21

Le tùú sokoa-vialaa kan ndáà vo Hala-o, mí Hala ke nda cuawva.

1Samiɛl 2:35

O kon kɔɔli, i hɛlinin vana-solia-lasálà sandaa biinin diom nuu-o, ó tosanin hɛnan nuu-o pɛɛn. I yɔngunin ndu poaa, mí poaa kan siŋnun vanaa-solia-lasálàá masa ya hɛlinin-ndo ikɛi le fɛɛn a fɛɛn.

2Samiɛl 7:11

o venin vɛlɛ maa o telen yáà kɛsi Masaa kialaa n'yamaa le vanaa nia, Israɛlla masalen tosaa coo-o le. I baŋa nɔm David yaamɔaa nɔmnda kpow o ba, mí ke nɔm pɛngio. Ya Mɛlɛka, i co nɔm hau dimul maa ya tengulnin nɔm cɛiyo ni.

2Samiɛl 7:13

Ndu tangulnin cɛiyo le ya ni. I kɛsinin ndu o kpɛŋɛ lemasaa coo a kɔlɲuloo le lɔ́ɔ́-lɔ́ɔ̀.

1Masaa 11:38

Taa yaŋ pɛ nilan o sɔɔn nun kpow, ma kela o nɛila nilan coo, te dɛnnda nɔmndan la sandu pɛ ya o hɔl, taa bii pɛ silala nilan a tɔŋnda nilan mɛɛ David vana ni baalaa tosa yɛ, i vanin nɔm ikɛi, i beŋnin nɔm cɛiyo mò sim yili mɛɛ ya simul David o ndɔɔ yɛ, mì ke nɔm Israɛl.